21st Ce. PL-a ZCD’ Thusun: Feedback on Feedbacks ~ Pu Zokhai

21st Ce. PL-a ZCD’ Thusun: Feedback on Feedbacks ~ Pu Zokhai

Khuaknimna paizia-tawh kituak-in maai-etna, mindeihna-tawh ZCD Penglam Gaalkaap ding-a akitahtah, akipumpiak mite-in ZCD’ pahtaakding lametna-tawh “Hai otot” cihmah, “Bangmah theilo” cihmah, “Zomi itlo” cihmah kammal el-nono zangh giapgiap-a, ahoihding-tawh akibat hang-in “mah-sah-lah brainwashing mechanism” khat ahihman-in “sia” mahmah, socialisation leh civil societal norms-tawh kigamla mahmah cihna ahihi.

“ZCD Pupipa-in Zomi Zogam – Leitang vaai khaici hong tuhleh,..” ci-a lunggulhna gen leltak-pen siatna omlo-a, ZCD Pupipa kona, zahpihna, hawmthawhna cihbang hilo-hi. Tulaai-a a-popular nuampang penglam hon-in tuabang lungdeih gente zunko, ekko-a ako-pen anti-democratic mindset hi-a, adahhuai mahmah-khat ahihi.

Zomi hihna-tawh Kawlgam bup-a ulian makaai 75% maai-ah Zomi khat Zopuan silh-a thugen kuata-in angtanglo laaizangding ahihiam? Minam vaai “Leitang vaai themcik honggen lehmaw..” akicih man-in ZCD akosia, amudah, alangpan bang-a ana-aituam laak-a ahaii-pan phangphangte ataktak-in mimal min, maaipha zongpak hi-a, ZCD Makaaite-zong mipil ahihman-in tua penglam gaalkaapte paakta khollo dinghi, apahtaak khaakleh dahhuai mahmah cihna ahihi, banghanghiam cihleh democracy gengen-a tuabang penglam gaalkaapte apahtaakleh azuaupi-uh cihna ahihi.

Democracy taktak akizauih naailohman bekbek hikeileh tu-azah ningniang ahilo, minam minpua-a thusung, party minpua-a thusung peuhpeuh sunkhial aneilo nangawn eelzeen-a akici ziahziah hizaw laai-hi. Ahizong-in democracy-pen kamdimdim-a gen lualua-in akhiatna-zong athei naailo vive ahihlam aki taangkoko-uh ahihi.

Pu Chin Sian Thang’ thusun thupi-a, Zomi khat ahihna-tawh Kawlgam ulianpite’ maai-ah hongdinna thupi zawlaai-hi. Thu-khat aman khitnung-ah feedback a-om ngeina ahihlam athei naailo mite thupi lo-hi. Feedback kuul asalo mi-in anu’ sih, apa’ sih ciang-a kitutpihna, kahna, tamlawhna, lungzuansialna cihte akhiatna athei naailo mihaii taktak ahihi.

Leitung gamliante-in Feedback, Evaluation thupisak-in, hongcial tangtang zaw-a, Zomi ataangpi-in feedback za-thei naailo uhhi. Akhangcing gamliante-ah program neuno khat nangawn akibawl ciang-in feedback or evaluation form or oral feedback kibawl tangtang-hi: atompen leh atawmpen-in—–

• Hih pragram bangci nasa-a? Hoih or Sia
• Koi-mun Hoih sapen?
• Koi-mun Sia sapen?
• Maailam-ah hih program ahoih nading bang kisam sa?
• Koici kipaileh taangpi’n phattuam pihding?
• Gennop bangbang……….

Gamdang khawng-ah tung pheuphau-a Zogam-a siamsinna tualniam leh civilisation & socialisation omlohna-a laaizomte hihbang nampi lungsim apantah ding-a lamet kimlaai ahihte mahmah theikei lehang Zomi khangto hak lualo dingmaw cihnop-huai mahmah-hi.

ZCD Ngalliam Pu Chin Sian Thang damsawt henla, Zomite’ ading khaici manpha atuh avawh zoding-in Pasian-in hongsiam tahen! Zomi Pasian’ Thupha! Zokhai (60 Narr-Maen Drive, Croydon Hills VIC 3136, Melbourne, AU)