ZCD te Tuilangh khua ah

ZCD te Tuilangh khua ah

ZOMI IT TENG; April 5,2015 ( sunday) ni in Tuilangh khua ah ZCD
signboard suanna leh zum honna ki nei hi.Zumpi pan makai mi 6 motor
cycle 3 tawh ki pai in thawhkik nipi zong AG CHURCH AH nuam tak ki
zang khawm thei in ZCD te thu genna hun ong pia uhi.Thawhkikna sunsiah
zong RCM biak inn ah aksa ciim ong vak uhi.Tuilangh khua pen tuma kum
30 lai hun TUILANGH na hi nawnlo in ka mu uhi,PASIAN na it mahmah uh
a,biak piakna zong nuam mahmah hi,Chuch Pastor pa in Tuilangh ah khan
lawhna ong om a ki panTopa thupha ki sang in tu ni- in Tuilangh pan
Singkang,leh Anteh thei puam zuak in Tedim ki pai nawn lo hi ci hi.A
cih mah bang in tu laitak Tuilangh Nupi te van zuak te pen India van
bekbek hi ta in,mi khat in seng tawh a zuak te uh Tulsawm tampi man
ong hita hi.

Nitak 3.00 pm hun in Pu. S.K Kap Dal inn ah thu genna ki nei in
khangno sinsen mi 70 val bang in thu ong ngai uhi.Thu zong Pasian lam
ah a khanlawh mah bang un, Politics zong lung lut mahmah uh a
DEMOCRACY deihlo te,2008- UPADI PUAH NUAMLO te leh 914-Zomi deihlo te
bel vote pia kei nung ka piak ding uh tel ung ong ci uhi. Vote ki khia
hi leh bel a tam penpen mah kingah ding up huai hi.

Signboard pen S.K. Kap Dal inn ah ki suang in komit i zong kiphuan zo
pah hi.Inn teek lam pan nitak ann aksa tawh ong vak uh a,Tedim dong
khangno te’n cycle tawh ong zuito lai uhi.A nungta Pasian um ten zong
minam na it pah uh a thu tel baih uhi.lungdam

Kam lian