ZCD te buai mahmahding Candidates ding a ut tamlua

ZCD te buai mahmahding Candidates ding a ut tamlua

1. Kawlgambup kitelna ding ah Candidates ut mi 17 tak om

2. Tedim leh Tonzang ah akisam mi 9 bek

3. MP sem laitakte in Candidate kik nop leh kua man amun tuhtheilo ding cih thukhun nei ung ci

4. Tua thukhun zui leh ZCD min tawh tutaak MP sem Tedim pan Mi 3 Tonzang pan zong Mi 3

5. Tonzang pan MP asemlaitak Mi 3 teng in Mee kuang luikik nuam a hih man in thukhun zui leh kituh theilo ding aa a thak khat bek kisam ding hi

6. Tonzang ah tua Thangkaikual lam aa dingin Pu Thang Za Mang zat ding in gelkhinkhian uh ci in Party Secretary te pan kiza hi.

7. ZCD thukhun leh gelsim khikhe omteng gawmleng Tonzang aa dingin Candidates ding teng ki thei khin tawh kibang hi.

8. Tedim vai zom leh MP semlaitak mi 3 lak pan Mi 1 in luikik ding aa ZCD thukhun bangin tua pen kuaman tuh theilo ding hi phot

9. Tedim ah mi 4 hong kisam ding aa tua 4 ding te pen Pu Gin Kam Lian leh Pu Zam Za Mung in Tedim khuakim om khua khat pan mi nih ta sam in tua teng in mee tawh tel ding in vaihawm ung ci in June 8,2020 ni nitak nai 4:30 in Yangon ah ki mu in hong gen hi

10. Tedim ZCD makaite in Tedim ah ZCD mintawh Mee lui ding te in Tedim ah inn hong nei hamtang un cih thukhun maw kamzat tawm maw cih khat gen in bek thamlo in Khua kim pan mee teel ding a pai te kiang ah Tedim aa om Tedim gam teng te bekmah mee pia un ci in Pu Suan No in sawl hi cih kigen ngeingai

11. Candidates nuam mi 17 lak ah pawl khat pen party makai bul lam in appointed ding aa kisam ci aa pawlkhat pen ZCD tawh nasem khawm Companies te deih zong hih tuak hi.

12. ZCD in Candidates lut nuam te in Form Ks 100,000/- tawh lei in ki suai thei hi cih hong tangko khia ciang mi 17 in hong suai a hi ta hi

13. Thukhun siksan hi leh mun tua zah awng in kisuai thei hi ci ding uh hi

14. Tu hun ciang in ZCD sungah zong asem laitak te ahawmthoh om ding aa , MP alui kha nai lo Party members hon khat zong kimuang mahmah ta ding hi

15. Term khat sem kha khin ten zong khangthak te mun pia huai asa veve om uh hi

16. 26.7.2020 ni in ZCD Central CEC teng tawh Tedim ah vaikhensatna khat nei ding ci uh hi thungetsak ni

17. Zomi leh Zogam veina tawh kiu khatpan in hih atung aa thu teng hong gelh khia ing

18. MP kuanglui dingte Form Ks 100,000/- man zong hong suang ing ZCD Central CEC bawl ci in ki tel gencianna 26.7.2020 ciang om ding ci. Laigelh: Do Khan Tuang (Dotloh Committee)