Breaking News: Mexico Khuapi ah nasia tak in zinling!
Hih video pen Zinlinga tuak kha te ngah khak hi a fb le twitter pan in kingah ahi hi. Mexico gam September 19 ni (Tedim September 20 zingsang) hun in 7.1 Magnitude a khauh mahmah zinling cih thu kiza hi. Mexico gam khuapi, Mexico City ii khang lam Km 76 mun bulphuh in a ling ahi hi.
Inn te kicim in, mi tampi te awkcip in, a si mimal phazah a tawm pen 100 (6:00 AM) pha khin cih thu kiza hi. A nai nai in misi kimu khang semsem hi.
Mobile phone line te bei in, sumleisumzuakna khempeuh khawl cip pah hi.
“A ni kibang lian”
Alamdang mahmah thu khat in, a beisa September 19, 1985 kum lian in zong hih mun mah ah 8.0 Magnitude a khauh mahmah zinling ngei a tua hun lai in, mi 5000 val si hi.
Video: Powerful Earthquake Strikes Mexico, Killing Over 100
“Hurricane 3 kizom”
Tunai sung in Latin America lam ah Hurricane Harvey, Irma te kizom in nung a, tulaitak mahmah in zong Hurricane Maria huih pi a nung laitak ahi hi. September 19 ni ciang thutangkona te ah U.S. Virgin Islands le Puerto Rico tuikulh lam manawh in a khauh penpen level ahi “Category 5” (huih hatna 156mph val) tawh kipei hi cih thu kiza hi.
Related: Mexico gamsung makaipi Major khatleh ganhing awle kiteeng
“Leitungbei ding gen kholhna khat tawh a ni kinai”
Hun nunung ahihna tawh kizui in, leitung bei ding tawh kisai mun tuamtuam pan gen kholhna om thei zel a, tunai sung in a minthang mahmah in, David Meade kici khat in, Laisiangtho Luka 21:25, 26 sik san in, tunai Ni-awk-in-valh na thu, Hurricane 3 kizom in piangna thu te Planet X akici Nibiru pen leitung gei a September 23, 2017 in hong nawk ding a, meimual te puak kham, zin na sia takin ling in, tsunami tuihualpi te khang ding hi ci in a ma mangmuhna gen khia hi. Zingsol tanute 20-09-2017 (6:12 AM)
Comment piaknop aomleh...