ZAM Thupuak :: 28 June 2015

“Refugee te Malaysia ah nasep theihna kapiazo kei ding uh hi”

June 22 (Monday) ni-in UNHCR in Malaysia kumpi tungah gambeel/galtaai te nasep theihna ding huhna ngen uh hi. Tukum May 31 ni dong UN min ciaptehna ah mi 153,004 om in, Kawlgam panin 142,224 pha hi-in, tua lakah Chin State panin 49,340, Rohingya 46,581, Arakanese 12,298, Shan/Thai Yai 1,510 leh adang 7,538 hi uh hi. Tualo gam dang Sri Lanka pan 1,193, Somalia pan 1,072 leh Syria pan 938 pha uh hi.

Malaysia gam sungah nasep theihna Kumpi tungah a va ngetsak uh pen phalna ki ngahlo hi. Minister te genna ah Refugee te nasep theihna ding vai tawh kisai pen Immigration thukhun tawh ki tuaklo hi. Malaysia Immigration thukhun sungah laibu lo tawh Malaysia sung lut peuhmah khasum ki pialo ding ci hi.

Tua banah laibu neilo Refugee te nasem sak mawk le hang Refugee a kihanthawn hong suak ding a gamgi ah a taang lai mi tul tampite hong lut ziahziah ding uh hi ci hi. Tulaitak in Malaysia gambupah gamdangmi nasem pen 1.9 Million om a, Refugee te nasep khuan pia le hang hih adang gamdangmi 1.9 Million ten zong Refugee ciaptehna ngen hamtang ding uh hi.

Tua banah ih gamsunga refugee te pen hehpihhuai kisa mahmah a, ahita zongin nasep theihna pia le hang a dangdang hamphatna pilna sinna sangkah theih nading, damlohna lam cih bang atuamtuam zong ih piak loh hong ki phamawh ding hi. Tua ahih manin nasem saklo ding hihang ci uh hi. Source : www. themalaysianinsider.com

RSC CASI website tawh kisai theihhuai thu

• ⦁ RSC na phi ni laidal khat tawh na MY No. leh https://casi.rescue.org ah na ettheih na ding (password) hong pia ding uh hi. Na ID dingin na MY No. hong hipah ding hi.
• ⦁ Hih CASI (password) na neih naikei aleh na UN No./MY No. tawh RSC phone tawh ahi zong, email tawh ahi zong ki ngen thei hi.
• ⦁ Hih CASI website ah tulaitak in Manglai, Kawllai, Malay leh Hakha lai tawh ki en thei a, sawtlo in Zolai tawh ki en theita ding hi.
• ⦁ CASI website na et ciangin na DHS, IOM ding ahun na ki gelh ding hi. Ahi zongin RSC panin hong sap taktak ciang bek in a ni ding a kician pan hi. Ahang tuamtuam hang tawh ani pen kikhel thei hi.
• ⦁ Na thu le la behlap nop a om leh RSC ah zasak in. Gentehna in, ta neihna, zi/pasal neihna, phone nambat laihna, gam thumna na tunna dingte omna thak piak nopna cih bang na neih leh ki laih thei, ki behlap den thei hi.
• ⦁ RSC panin khemna (Fraud Case) hoihtak sitpha kik uh hi. USA gam panin 2015 December bei ah khemna tawh kisai kua teng paisuak thei ding hong gen thei dingin ki lamen hi. Tua bang a akisit kik khit ciangin RST kipuak kik te maban hong kizomto thei pan ding hi. Gam thumna khat peuhpeuh tun theih nading pen UNHCR tawh kisai bek hi.
• ⦁ Khemna hang khat peuhpeuh tawh dan piak thuakte, tawl khat ngaksakna a thuakte RSC leh RST ah zasak hamtang in.

Abeisa June 7, 2014 pan June 7, 2015 ciang kum khat sung ZAM sum le laidal tawh hong panpih mimal leh kipawlna teng

Min Khua RM

• Biak Lam Tuang Lamzang 20
• Cin Tung Nung Tuithang 100
• Dal Kap Saizang 50
• Dal Sawm Piang Anlangh 100
• Dim Do San Sezaang 50
• Dong Sawm Tung Keizang 100
• Dr. J. M Ngul Khan Pau te innkuan 200
• En Ngin Khual 20
• Gin Khan Mung Ngalbual 100
• Gin Tul Tuang Laaitui 50
• Hau Dim Cing Tuimang 50
• Hau Suan Lian Lailui 50
• Joseph Khup Tualzang 50
• Joseph Lian (MCF) 50
• Kam Lem Thang Tuimang 50
• Kam Sian Muang Mualnuam 200
• Kap Khen Thang 50
• Khai Sian Muang Phaileng 50
• Kham Sawm Mung & Cing San Lian Laaitui 50
• Khen Khua Tuan Keizang 300
• Khup Lam Thang Chantagyi 50
• Khup Lian Piang Tuicinlui 50
• Khup Sang Lian Suangsang 50
• Langh Khan Hang Lailo 50
• Ma Man Sawbuayeshin 100
• Man Khen Dim Heilei 50
• Michel Mung 20
• Monica Muangnu Saizang 50
• Moses Pum Pau Sezaang 50
• Nang Lian Mang Tuilangh 50
• Nung Sian Khai Zozaang 20
• Paan Khup Pangzang 400
• Pastor Pau San Lian Buanli 50
• Pau Biak Lian Leilum 50
• Pau Lian Khai Shawbuayeshin 50
• Pum Lam Thang Pyidawtha 50
• Rev. Dr. Cin Sian Pau Sezaang 50
• Rev. Dr. GK Nang te innkuan 50
• Sia Hau Khan Mang Japan 50
• Thang Cin Hau & Kap Do Nang Ngalzang 50
• Thang Kap Sing Tongsial 20
• Thang Kim Khai Taaklam 30
• Thang Langh Pau Keizang 50
• Thang Sawm Lian Buan 20
• Thang Sian Muang Vangteh 50
• Tuan Kaih Mang Anlangh 50
• Tun Muan Mung Laaitui 100
• Cin Sian Gin Kapteel A4 laidal 500
• Suan Cin Buanli A4 laidal 800
• Thang Sian Tung & Nang Lian Tung A3 laidal 500

Pawlpi & Kipawlna tuamtuam RM

• ⦁ Buanli Khua Kipawlna 200
• ⦁ Church of Jesus (KL) 50
• ⦁ Ever Smile Ministry 50
• ⦁ KL Adventist Church (Pudu) 50
• ⦁ Myanmar Believers Fellowship (MBF) 150
• ⦁ New Eden Ansai (KL) 200
• ⦁ New Life for You Ministry 50
• ⦁ Suanghoih National Organization 50
• ⦁ Sunway Emmanuel Church 200
• ⦁ Tauleng Khua Kipawlna 50
• ⦁ Teeklui Innkuan Malaysia 100
• ⦁ Tuimang Khua Kipawlna 50
• ⦁ Vanglian Man City Zomi Fans 60
• ⦁ Zing Dai Bang Album bawlte kiang pan 50
• ⦁ Zion UPC Kepong 200
• ⦁ Zomi Adventist Church 50
• ⦁ Zomi Christian Fellowship (Banting) 200
• ⦁ Zomi Christian Ministers Council 100

Hi bangin ZAM Thupuak abeisa kaal 53 sung kipelh vetlo a hawmkhiatna ding citpiakna hong nei mimal khempeuh, pawlpi te tung leh amunmun ah sum tampi bei a print te tungah ki lungdam mahmah hi. Na piakkhiatna hangun mi tampi in Thupuak simthei uh hi.

UN pan Special Verification Process (SVP) lim sit mahmah uh

Tulaitak adiak in 2013-2014 kum a asylum-seek card ngahte Special Verification Process (SVP) limsit mahmah uh hi. Thu kidotna hoihtak a dawng kik theilo te a UN card laksak uh hi.

• ⦁ Thong sung pan a agen teng/a lutcil lai a gen teng a dot kik teh a kibang a gen kik thei nawnlo teng,
• ⦁ Tangthu a sau, acingin gen theilo teng,
• ⦁ Kawlgam ciah kik leh a lauhuai lam a gen theilo teng.

Hih thu ah kua man hong huh theilo ding hi. Bang hang hiam cih leh na aw, na lim ki record bek thamlo in na gen khempeuh zong Computer sungah ki record hi.
Zum vai khat peuhpeuh na neih teh ahunlap in a theite na dot ding mangngilh ngei kei in.

ZAM Palaai te buaipih diak teng

• ⦁ Pau Sian Thawng (Singunau), 22 June ni-in ACTS ah ki buaipih.
• ⦁ Thang Len Thawn (Sezaang), Langh Sian Thang (Laaitui), Tuan Sian Mung (Tongsial) te Embassy ah ki buaipih.
• ⦁ Mang Mang (Phaiza) Jinjang lockup ah ki buaipih.
• ⦁ Dim Ngaih Mang (Kapteel), Lian Sian Muan (Kapteel), Dim Lawh Nuam (Mualnuam) te Dangwangi palik zum panin kitan khia thei.
• ⦁ Kimboih (Lailui), Lun Cing (Tungzang), Vungnu (Pyidawtha) te /6/2015 ni-in Setapak palik zum pan kithumsak in sum beilo in hong suakta thei.
• ⦁ Sing Gin Hau (Kapteel), 26 June ni-in ACTS Clinic ah ki buaipih.
• ⦁ Khampi (Tuithang) nasepna ah kisu kha a, zato leh pu te kikaal lemlohna tuamtuam te vai ki buaipih in hoihtak zato kilak thei.

Khuado Pawi ading Tukpeng (Football) tawh kilawmtatna Zomi League kipan kikta ding

Abeisa 2014 in Zomi League ah pawlpi 8 panin Team 11 kipha hi. Tukum 2015 Khuado pawi adingin zong Malaysia gamsung a om Zomi pawlpi tuamtuam te khat le khat ki meltheih semsem na dingin kilawmtatna Tukpeng (football) suihna kibawl kik ding hi.
Khuado ading Tukpeng kimawlna pen biakna pawlpi te bek pan hi ding hi. Pawlpi min tawh a kihel nuam khempeuh in ZAM zumpi ah July 12 a nunung pen sazian nong piak na dingun kong zasak uh hi. Kizopna ding ‘ 012 367 4665

Nu-le-pa omlo Refugee naupang 300 te

Indonesia gam sunga khua khat ahi Aceh ah khangno Refugee 300 val nu-le-pa neilo in om uh hi. Hih khangnote pen a tamzaw Rohingya te hi-in, amau kigenna ah “Malaysia a ka nu-le-pa te uh a zong hi ungh, lamkaal ah hibang teng kituak kha ahih manin Indonesia gam sungah a awkcip hi ungh” ci uh hi.

Indonesia gam sunga om UNHCR thuneipa Thomas Vargas in “Hih khangnote pen a innkuanpihte uh tawh kimuhsak ding UNHCR nasep masak pen ding khat hong suak hi” ci hi. Tulaitak UNHCR leh Red Cross te khut kilen in Refugee te lim takin huh uh hi. Indonesia kumpi tawh kithukim in pang khawm a Refugee te a innkuanpihte uh tawh a kimuh dong uh limtak kep ding thukimna suaikai khin uh a, tuabanah gamthumna atun uh ciang innteekte vangik a suan ahih lohna ding un neekzon theihna nasep tuamtuam zong sinsak ding uh a, amaute aa dingin zong hih nasepsiamna nei un hi leh lametna lian neizo tuam ding uh hi. Source : www.bernama.com

ZAM ah nisim in TUNE Insurance ki bawl theita

Tune Insurance aleinuam khempeuh in UNHCR zum pai kulnawnlo in ZAM ah nisim in kilei, ki bawlthei denta hi.

ZAM pandahpihna

Zogam Salpha, ZRA/O Pu Mang Khan Khup (Ko Dany) Khuasak in June 23, 2015 ni-in Topa kiangah hong ciahsanna hangin adah akap khempeuh tawh ki bangin ZAM zumpi panin dahpihna ih pulak hi.

Zomi Card tawite ading nasep

• ⦁ UNHCR-EST nasep zonsakna panin KL kiim teng moh bawlna leh ansai te a sem ding UN ngahsa mi 50 ki deih. Alunglut khempeuh in ZAM zumpi ah form hong fill up un. Nasep hun nai 8 sung. Kha khat ni 5 off. Kha sum RM900. Omna leh anpia. OT nai khat 1.5. Kumcin teh bonus om.
• ⦁ KFC Jahor Bahru asem ding numei/pasal citak mi 30 kideih. Min pia masasa lut masa hi pah ding hi.
  Kizopna ding ‘ 012 367 4665

Lungdamkohna

• ⦁ Zam Za Dal (Yangon, GBC) in ZAM Thupuak ading RM30 hong pia ahih manin ki lungdam mahmah hi.
• ⦁ Bawipi St (Tuikhiang) in ZAM Thupuak ading RM50 hong pia ahih manin ki lungdam mahmah hi.
• ⦁ Lian Hau Tuang (Tungzang) in ZAM Thupuak ading RM50 hong pia ahih manin ki lungdam mahmah hi.
• ⦁ Go Khan Tuang (Mualkawi) in ZAM Thupuak ading RM20 hong pia ahih manin ki lungdam mahmah hi.