ZAM Thupuak
ZAM :: Zomi Association of Malaysia
United States Ngeina le Dan Thusinna Khutzat Laibu : ZOMI
Thu Makai : Hih khutzat laibu pen nang adingin, USA gam sungah nuntak khuasak theihna ding onghuh leh panpih theihna ding geelna tawh kibawl laibu ahi hi. Mikim in i tuah thu kibang kimlo a nuntakna thak ah thutam pitak kiphukha ding hi. America gamah nuntak khuasak ciang thu leh la adikin piak theina ding le i tuah ding thu haksate i phut zawhna dingin onghuh ongpan pih thei dingin hih laibu kibawlna ngimna khat zong a hihi. Thuman thutak piakding banah gambelte adingin ei le ei ki muanna ding leh tha i kipiak theina ding ngimna zong ahi hi. American gamah agualzo nuntakna leh lungsim dik leh a hoihlam bekbek ngaihsutna tungtawnin kingak theina in thuhaksa tampi kantan zoding hi cih upna ahi hi.
Hih khutzat laibu pen Bangkok khuapi bulphuh ahi leitungbup donghu kipawlna International Rescue Committee (IRC) pan kikai khawm in, Thaigam, Bangkok khuapi bulphuh leitungbup pemtate ading tawh kisai mawhpuakna anei thu vaihawm International Organization of Migration (IOM) ten (2006-2009 kum) in a kisam ding thu le la khempeuh gelkholhna tawh hawm khiat a hi hi.
2010 kum ciangin hih laibu athak in kipuahkik a American kumpi lam a thu le late ong kipuak ahihloh hangin, a tung a i pulak leitungbup tawhkisai kipawlna nih a hi, gambelte ading 
leh pemtate adingin American Committee (USCRI) leh Columbia gamkhen, Washington khuapi bulphuh zat kampau le lai tawh kisai zumpi (CAL) te in a mau muhna leh ngim bulphuh a kibawl kik ahi hi.
International Rescue Committee
Overseas Processing Entity
2nd Floor Mahatun Plaza
888/208 Ploenchit Road, Lumpini
Pathumwan, Bangkok 10330
Thailand
Kakhualzinna-Thumasa
Inn le lo nusia in gamdang pemding cih geelna pen mikhempeuh in atuah thuhaksa mahmah khat a hi hi. America gam natuntak ciang, na tampitak na sinding leh nalep tuahtuah ding thu tampitak om ding hi. Tua bekthamlo in gamdang khat zinding i cih bek zong vaithupi khat ahi hi.
Ngeina Le Dan thusinna
Ngeina le Dan thusinna (CO) in ngimna nih nei hi. A masa ngimna in, thulu thupi a hi nasepna, pilna, America gam ngeina, hamphatna, huhna leh thudang tuamtuam na nuntakna thak ah nagual zawhna ding hih in thuman lampi man ong lakding hi. Ngimna nih na in, theihnop tellohte dot theina ding hunpha leh tenna ding munthak paiding khensatna na neih thupite ong pulak ong hawmsawn sak ding hi.
Hih CO thusinna in, na inn, na gam na nutsiatma theih nop teng sinding leh thu le la telloh teng kan theihna ding hunpha a hi hi. Hih CO laibu khutzat sungah om thu leh la nasin teng nakan thei tengin nang adingin, nazin khiat leh nazin khit dong a kisam a thupi thu le la teng kihel khin hi. America gam natun ciangin, CO thusinnate, i sin khempeuh a kithei khin zolo kiphawkkim zolo ahihna pen ngeina khat ahih man in, Hih CO laibu khutzat pen napaipai na ah keng in. Tua hileh na kisapna na phawklohte enkik in theihnopte thei kik ding hi teh. Hih laibu nasim theih kei phial leh zong nangei a om na lawmte khat peuhpeuh kiang huhna ngenin kihilh sak hamtang in. Kei banghang munthak gamthak ah kipuak? Tu a ka omna katun theihna ding kei koipan ong pai?
Na nuntakna akikhel theihna dingin nang khensatna lianpi nabawl khin hi. Tua khensatna hangin United States kongvang tampi tak nahong khia ding a, ahih hangin kongvang tampi takmah nakhak lam naki phawk ding hi. Hih in thu awlno hihetlo hi. Launa, patauhna, lungdamna, dahna leh hehnate a hunzui-in na tuakthei ding hi. Ahi zongin hih ngaihsutna leh thuaknate in thu lamdang leh thuhaksapi hilo hi.
Nakhasiat hun, nadah hun, napatauh hun leh nalungdam loh hunte in, Gamthak munthak ong kipuakna ahang ong phawksak kik ding hi. Banghang kei munthak gamthak ut? Hih dotna adingin adik adiklo cih dawnna omlo hi. Tua ahih manin natuah thu naphutkhak thu te’n thuakdan ong siamsak muhdan ong siamsak ding hi. Hih tawh kisai dawnna tampitak omkha ding hi. Ahi zongin hihthu ah nang leh na inn kuanpihte ading khensatna apia thei nang bek mah nahih lam na theih kul hi. Hih United States nazin teh hih laibu keng hamtang in.
Kei banghang munthak gamthak ah kipuak? Tu a ka omna katun theihna ding kei koipan ong pai?
Na nuntakna akikhel theina ding in nang khensatna lianpi na bawl khin hi. Tua khensatna hang in United States kongvang tampi tak na hong khia ding a, ahih hang in kongvang tampi takmah na khak lam naki phawk ding hi. Hih in thu awlno hihetlo hi. Launa, patauhna, lungdamna, dahna leh Hehnate a hunzui in na tuakthei ding hi. A hi zongin hih ngaihsutna leh thuaknate in thulamdang leh thuhaksapi hilo hi.
Na khasiat hun, na dah hun, na patauh hun leh na lungdam loh hunte in, Gamthak mun thak ong kipuakna ahang ong phawksak kik ding hi. Banghang kei munthak gamthak ut? Hih dotna ading in adik adiklo cih dawnna omlo hi. Tua ahih man in na tuah thu na phutkhak thu ten thuakdan ong siamsak muhdan ong siamsak ding hi. Hih tawh kisai dawnna tampitak om kha ding hi. Ahi zongin hihthu ah nangleh na inn kuanpihte a ding khensatna apia thei nang bek mah na hih lam na theih kul hi. Hih United State na zin teh hih laibu keng hamtang in. Thuhaksa na tuah ciang minute khat bang hun la in lung ngai in, kei bang hang in United states ah pai ka hiam. Bang a hiam ka mailam a ding ka lam et? Bang ahiam ka lau?
Abeisa hun a na tuahkhak na nuntakna ah thu haksate nang koidan in phukhia, koi danin gualzo. Hih abeisa a na tuakkhak thuhaksate na phawkkik kha zel ding hi. Tu a na nuntakna na tuak a beisa thuhaksate hang in, tu a U.S na tuntheihna ding ong tawsawn thute ahi hi.
Kalsuanna ding khesik suang:
Hih anuai a mun awng te ah, tu a na omna na tun theihna ding thupiangte gelhkhia suai khia in. Na mailam ading na lunggulhte zong gelhkhia suai khia in. Akisap leh khesik munding behlap in.
Na khualzinna ding kigin kholhna
Khualdang na zin ciang ahihkei lehtua tungtawn in na nuntakna ah kilamdanna a om teh nang tua tung tawn in bang kilamthakna ding, kipuah phatna ding lak na nei hiam? Nang ading thupi hi cih teng na ngaihsun khol in. Gentehna in, mi, ganhing, khutzat namanphate, limte, laibu, leh puansilh, nikten. Tua leh hihte zong nakhuttawh ahihkei leh mittawh muhtheih ahilo Upna leh innkuan ading ki piakkhiatnate in na nuntakna ah khantohna na ngah theihna ding in, khensatna ngimna, neih theihna ding, itna leh lametnate. Hih athupi nate napaina khempeuh ah natonpih sawmin? Tua ciangin hih teng kisamlo hi ci a na ngaihsutte nusia in? Na kending teng nazinna peuhah kendinga kilawm nasakteng hih anuai a munawng ah nagelh in.
Mun khat peuhpeuh na nutsiat ding ciangin, na na nutsiat ding tampitak om thei kha ding hi, ahih hang na phawk mahmah thu zong hithei hi. Hih nate na nutsiat ma in nang bang teng kigin kholh kulding? koicidan in kikhen bawl ding?
Nangma ngeina thupitna leh manphatna
Koikoi natung zong in na phawk gige ding khat in nang tawh ong omkhawm khat om gige ahih lam na phawk kul hi. Tua in nang mahmah zong na hipah hi. Ngeina thak sung a om cih in kikhelna khat cih nopna hipah hi. Tua ahih man in hihhun pen nang a ding na gamtat dan leh na omziate khelding hun pha ahihi. Ahih hang in nang kua na hih lam leh nang hoih na thu khenkhat na khel nop loh thu om kha ding hi. United states ah nang a ding mun ong kigelsak khit teh na khelnop hetloh na ngeina leh na dante bang teng hiding ahiam?
Hih anuai a thu te na ngaihsut leh na muhna hang in, nang ading in athupi leh a manpha thute ong theisak ding hi.
Ngeina tangthu ahih kei leh, na ngeina khanghamte paunakte tungtawn a hilhna leh amanpha thute na ngaih sun in.
Na biakna, na upna pan ong kihilh amanphate.
Nu le Pa tungtawn a i ngah thumanphate. Nu le Pa te’n nang thumanpha bang teng ong hawm. Nasuan leh khakte bang teng hilh sawn nuam.
Nang leh nang manpha na kisakna. Nang ma ngaihsutna, kammal leh nahih nate ong makaih, ong lamlak hi ci a na upthute.
Manpha, thupi nasak na vante lakpanin koi pen nang adingin thupi pen a, na paina khempeuh ah kep leh cin dingin na ngaihsut na (van) te khensat inla anuai aa mun ah gelh in.
Na dan leh na gamtat luheek dung zui-in khelnopna na nei hiam? Na neih leh hehpihna tawh anuai a munah gelh in.
Thuman thu leh thumanlo thute
America gam ka nuntak zia ding ka din mun koi ciang hi ding cih na theikhol kha khin ding hi. Huntampi la inla hih anuai a kigelh thute koipen dik/koipen diklo cihte mun awng (x) (a) ong kipiakna munah ong gelh in.
Omna, tenna ding mun kigelsak kikna vaihawmna in manpiakloh ahihi. ( )
America gamah leitung muntuamtuam pan gambelte om uh hi. ( )
America gam ah antang kilei theilo hi. ( )
America na tunphetin na kisap khempeuh na lei kul ding hi. ( )
America gam natun zawh kum 3 sungin nong paina vanleng letmat man na piakkul ding hi. ( )
America gam a om khempeuh in inn huang golpipi ah om in motor hoihnono leh agolpipi nei uh hi. ( )
Pasal khempeuh kum 18 tungsiah a hih nakleh U.S galkap alut kul hi. ( )
Naupangte manpiak kullo in sangkah thei uh hi.
Pilna sinna College sang kahman pen akhawn-khong ahihi. ( )
America natun khitphetin nasep nazonkul hi. ( )
Zu leh Beer cihte pen kum 21 i phakkhitteh suaktatakin kidawn thei pan hi. ( )
Motor na hawl theihna ding in phalna lai kisam hi. ( )
Natun zawh ciangin nang leh nangin nasep zonkullo a, khatpeuh in nasep ong zonsak ding hi. ( )
Nasep hahkat kul a nang leh na inn kuan pihte navak na khoi kul ding hi. ( )
Thukin dongtuah ciang sap ding phone number 911. ( )
America gam ong tung gambel khempeuh in, a ngeina leh amau koi pan ong pai cihthu a mang ngilh kul hamtang ding hi. ( )
America gam natun khit teh khasiatna, dahna cih khawng na ngaihsut lai leh tua ngaihsutna phawkna in adiklo thu ahi hi. ( )
Mi khat peuhpeuh tungah huhna ngen ngei kei in. ( )
Gamthak ah nuntakna thak zonding cih pen thubaih hilo hi. ( )
Na omna ding mun ong gelsak palaaite, na tangthu ong vansak palaai te tung pan thuman thu nangah in a kician pen hi. ( )
Zopzop lai ding…
Tukal Palaai te buaipih diak teng
Dim Man (Tedim) MC ah ki buaipih.
Thang Muan Khai (Ngalbual) leh Nu Cing Huai (Pyidawta) GHKL ah kibuai pih.
Tuangpi (Tuilang) Semenyih Camp ah Oct. 22 ni-in ki buaipih.
Nempi (Phaiza) Klang Hospital ah ki buaipih.
Hum Za Thang leh Thawn Khen Mang (Lailo) Oct. 17 ni-in Sungai Buloh thong ah ki buaipih.
Thang Biak Tuang (Zozaang) Oct. 22 ni-in Jalan Senpeng palik zum pan kitan khia thei.
Pa Dal Muan (Kawlpi) Sungai Buloh zatopi ah kibuai pih.
Thang Za Khan (Tuithang) ah 21 Oct. ni-in ki buaipih.
Lam Za Cin (Laaitui) UKM zato ah 21 Oct. ni-in ki buaipih.
Mang Do Sut (Lomzang), En Lian Khai (Muizawl), Pau Khan Khual (Anlangh), Thang Za Khan (Tuithang) 22 Oct. ni-in Batu Arang ah kiveh.
Cing Ta (Tungzang) 23 Oct. ni-in Serdang zatopi ah ki buaipih.
Lam Za Cin (Laaitui) leh Huai Deih Cing (Khuasak) Tzu Chi ah ki buaipih.
Khup Sian Kham (Dimlo) 24 Oct. ni-in UKM zato ah ki buaipih.
Pa Kapneu (Kapteel) te nausuak lai JPN zumah kilakpih a, anu leh naungek in UN card hong ngah thei pah lai uh ahih manun ih lungdam pih hi.
Sunway Sen ansai ah mi 6 leh PJ ansai ah mi 8 kipuak.
UNHCR-OPI ah Zomi thongkia Bikit Jalil ah mi 8, Langkap ah mi 2, Semenyih ah mi 4, KLIA ah mi 3, October 23 ni-in ki report sak thei.
ZAM pan dahpihna
Nu Thang Lam Vung (Kum 52) Taithul beh Gamngai khuami Nu Thang Lam Vung (Kum 52) Taithul beh, ZSM No. 5981 in lamet lohpi in sunglam damlohna hang tawh hong nusia a, 22 October 2014 ni in Subang Christian hanah lungkim huai takin kivui thei hi. Nu Vung pen ZSM kipawlna ah kumsin in kihelden khat ahi hi. Ama khiat sum tawh Zomi tampi a kivui khin ahi hi. Nu Vung hangin adah akap lungzuang khua-ngai khempeuh tawh akibangin Zomi zumpi panin ih dah khawm hi. Topa’ kiang pan hong pai hehnepna, daihna thupha hong tung kimta hen.
Tg. Lam Khan Lian (Kum 30) Mantuang beh Ngalbual khuami ZAM No. 21860, ZSM No. 13011 in 22 October 2014, 11:00pm hunpawl in Kepong KTM station, Kuala Lumpur ah KTM meileng in nawkkha in aphual ah hong nusia pah hi. Sanggam pa tuahsiatna thu akitheih ciangin Zomi zumpi pa’n azanzan in kidelh a, aluanghawm ahih leh Selayang zatopi ah kikem phot hi. Zumvai teng akizawh ciangin sihvui hun ding hong ki zasak kik ding hi. Ama hanga adah akap lungzuang khuangai khempeuh tawh kibangin Zomi zumpi panin ih dah khawm hi. Topa’ hehnepna thupha in adah akap khempeuh tungah hong om tahen.
ZAM card tawi UN minsanna ngahsa peuhmah in hong zasak un
ZAM card bawl innkuan lutpih, thong pan, zato pan, mun tuamtuam pan leh ahang tuamtuam tawh UN minsanna ngahthak peuhmahin zumah hong zasak nading un deihsakna lianpi tawh kong zasak uh hi. Banghang hiam cih leh UN ngahsa leh ngaih nailo ki theician nuam a UN minsanna ngahlo sazian kideih kin hi.
Leitung bup aom Zomi Khempeuh te tungah itna tawh hopihna
Kongit leitung bup aom Zomi khempeuh aw,
Itna leh zahtakna lianpi tawh Topa Zeisu min suangin nakhutuh kong len masa hi. Nadam kim tek uh hiam? I biak Pasian kiangah Leitung bup aom Zomite ading thukong ngetsak den hi.Tutung a, kong laikhakna ah thupi thum hong gen nuam kahihi.
Amasa pen in tukha pen ei Zomite in KHUADO KHA ci-in i ciapteh kha hi a, tua mah bangin Zogam, Kawlgam leh mun tuamtuam a kikhen Zomi khempeuh in khuado tekin i minam ading thungetsakna leh khat leh khat tha kipia-a, thu kihilh nading hunpha ahi hi. Na omna munmun uh ah khua nado in Pasian kiangah thupha nangen un. Pasian in note Khuado Pawi panin athak in thupha hong pia ta hen.
Anihna ah GZA icih leitung bup Zomite kipawlna pen November kha 29 ni hi-a, tua ahih manin no zong na omna munmun uhah GZA Ni (GlobalAlliance Day) ci-in na nabawl tek nading uh thungetna leh kipawl khawmna tawh GZA Day nana mantek nading un kong thum hi. November Nipi nunung pen Zomi Khristian khempeuh in lungdam kohni a izat ahih mah bangin tuani-in zong Pasian tungah lungdam nako un. I biak Pasian in lung-damkoh ding hong kal Pasian ahi hi. Zomi khempeuh aw, i biak Pasian, hih ciang hong tun Pasian mangngilhlo in lungdamkoh tangtang ni. Amah in thupha hongpia ding hi.
I biak Tung Pasian in i Zogam i Zolei leh mun tuamtuam a kitheh thang aom Zomi khempeuh hong huai henla, ki-itna thupha tawh hong phungvuh den ta hen.
Itna lianpi tawh,
Rev. Dr. S. Pau Khan En (GZA Makaipi)
Theihding : GZA makaipi pa hong vaikhak mah bangin Malaysia a om Zomi khempeuh in zong “lungdamkohna leh thungetkhopna” November 29 ni mahin ZAM hall ah kibawl ding hi.
UNHCR-EDU tawh kimuh khopna
October 22, 2014 ni-in UNHCR-EDU makaihna tawh Malaysia gam sung a Community Learning Centers (CLCs) 120 a sem sangsia/sianu te 200 kiim khasum apiak teng uh tawh kimuh khopna ZAM hall ah kinei hi. Hih kimuh khopna sungah:
Khasum ngah sangsia/sianu te Bank Account nei nailo teng Bank Account honsak ding,
Education team i kalsuan ziate zaksak kikna,
Khasum ngah sianu/siapa te Insurance leisak ding vai leh
Sangsia/sianu te khasum vai gen kikna hong nei thei uh hi.
Nausuak nei ding Nu le Pa te theih ding
Nausuak ding anei nu leh pa te in ZAM zumah hong zasak hamtang un, nausuak lai (Birth Certificate) lakkul hamtang hi. Tua lai pen innteek kumpi matpongten (JPN) zum pan kila ding ahih manin ZAM zumpi pan hong ki vaihawm sak ding hi. UN card na nei a, na neikei zongin tua lai lotawh Malaysia gamsungah na naungek omtheilo ding ahih manin mangngilh kei in. Ahun pen nausuah zawh kal nih acin ma hi ding aa, a zenzen in ni 40 acin khit leh hamsa ta hi.
UNHCR Card kimu
Gin Zi Mvna (791-13C08376)
Min kibang a kisam te thei ding
Min kibang a sapna ngah te’n UN ah napaima in kipawlna zum a semte ahih kei leh UN kamlet te dong masa hamtang ingh. Nang ading hoih pen hi.
TUNE Insurance Card kingahta
October 8 ni ZAM hall a Tune Insurance leite na card uh kingahta ahih manin ZAM ah hongla un.
Semenyih Camp ah October 29 ni thong kiate kiveh ding
Zomi thongkia Semenyih camp aom min sazian leh body numbat pia nailo te’n ZAM ah hong pia un.
ZAM Card tawi Zomi te ading nasep
UNHCR-EST pan UN ngahsa Port Klang a nasem pasal citak mi 10 kideih.
Lungdam takin hong kisang ding hi
Gamsung gampua leitung muntuamtuam pan ZAM nasepna te tha napiak nopleh lungdam takin hong kisang ding hi.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...