ZAM Thupuak :: 21 September 2014

ZAM Thupuak
ZAM :: Zomi Association of Malaysia

UNHCR-CDU tawh Code of Conduct

Kum khat khat vei a kinei den UNHCR-CDU makaihna tawh September 18 ni-in Chinese Assembly Hall ah kipawlna makaite tukum adingin Code of Conduct hilh kikna leh letmat thuhna kinei kik thei hi. Hih hun sungah UNHCR-CDU panin Brittocia Franklin (Assistant Community Service Officer) in hong makaih in kipawlna makai tengin letmat kithuh hi. Hih Code of Conduct pen gambel te bek hilo in UNHCR huam sung a nasem khempeuh leh makai khempeuh in a mau mun ciatah kum khat khit kum khat kiciamna letmat athuh den ahi hi.

RSC panin Mrs. Rajni Sasikumar in Langan (RSC Coordinator) nu maithak lahna hong nei hi. P3 tungtawn a kisamte pawl khat DHS hong tungto ta ahih manin lunglut huai mah cih hong pulak khia uh hi. Maikum ah P3 tung tawnin mi tampi US tung thei dingin ka lamen uh hi cih hong genbeh lai hi.

Code of Conduct Trainingpen Section thumin kikhen hi:

Section 1 Bang hanginCode of Conduct (CoC) kisam sak hiam?

Ngimna: Hih thusinna ah a kihel khempeuh inCoCkisapzia kician takin gen thei pah ding uhhi.
Code of Conductcih pen bang himawk hiam? Kipawlna khat peuh in hoih pen dinga a upmawh uh gelhsa in koih uh a, tua tawh ki zui-in gamta in vaihawm uh hi. Tua penCode of Conductkici hi.Code of Ethicsci zong om inEthics of Statementzong om uh hi. A khiatna leh a deihna kibang gai lel hi. UNHCR in belCode of Conductcizaw uh hi.

UNHCR in a zatnam nihin kikhen leuleu hi:

1. Kipawlna khat in hoih pen dinga a upmawh teng uh lai sungah gelh in ciamteh uh hi–tua penFive core values and Guiding principlesci uh hi.
2.A hoih pen dinga upmawh teng agelhsa in a kiciapteh khit ciang tua tungtawn in Gamtat luhekzia ding nam 9 na gelh khia leuleu uh hi. Tua penStatement of behaviorci-in ki ciamteh hi.

1954 kum a kipan Standards of Conduct akicipen 2001 kum cianginRefugees te sungah numei pasalte thuakna ki banglo a hihman leh Refugees naupangte thuak bawlsiatna te hangin UNHCR tanute zuih dingCode of Conductci-in ki behlap a, thaksuak sak kik uh hi.

Hih Code of Conduct a zui dingte pen:

UNHCR tanute,
A pualam pan tawmvei sung sem ding a hong kipia khiate (Interns),
Project lamah tanu semte,
Thudotpi te,
Kizoppih NGOs, FBOs leh mimalte,
Noptuamna a ngah Refugees leh Asylum Seekers teng hi.

Section 2 CoC bang hiam cih tel theihna ding

Ngimna : Hih thusinna a kihel tenginUNHCR thu laigil thei ding uh a, tua banah bang hangin UNHCR in hih Code of Conduct (CoC) hong bawl khia hiam cih zong tel pah ding uh hi.Code of ConductaUNHCRnasem (Staff) mimalkim kiciamna hibang hi.

Amanpha thu laigilpi 5 te

Mihing hihna kizahtak sakna leh mihing khat hihna tawh ngah ding hamphatna te ngah theihna ding hanciam pihna (fundamental human rights)
Panpihna lehkepbit a kisamte nusialo ding
PoC thupitna leh manphatna zahtak ding
Deidan nei-in nasemlo ding
Midangte ngeina, minam zia leh tongte zahtak sak ding

Thu bullet nam 9 te leh hih ding kiciamna

UNHCR sunga nasem khat ka hihna tawh ki zui-in:

Gambel/galtai khempeuh leh UN in a buaipih mi khempeuh zahtakna tawh deidan omlo in ka panpih ding hi.
Keima mimal nuntakna tawh leh ka nasepna tawh UNHCR min leh vang kemin ka lamsang den ding hi.
Mipi in UNHCR a muanna a khan semsem theihna dingin zum sung nasepna ah hita leh keima mimal thu ah buaina bangmah ka piangsak kei ding hi.
Mikim in kilem takin na a sepkhop theina dingin keilam pan ka naseppihte zahtakna leh telsiamna neih ka sawm dinga, mi tawh nasem khawm thei khat suah kasawm ding hi.
Nasepna hong lawwhcin theihna dingin nasem mimal kimin lungmuanna cidamna leh lungnopna a neih uh kisam masa ahihna thu telin tuate ka khanto ding hi.
UNHCR ah nasem ka hih manin ka theih thu khempeuh leh ka zat vante kei mawhpuakna a hihzia telin hoih tak leh picing takin ka kemcing ding hi.
Gambek/galtai te leh UNHCR in a buaipih mi khempeuh tungah bawlsiatna leh a meet dawhna cihte a om lohna dingin khaktan in kado ding hing.
Kumpi thukham palsatna, a kilawmlo haitatna leh UNHCR belmang a zuut thei tatsiatna tawh kipelh ka sawm tawntung ding hi.
Kampau gamtatna tawh ahi zongin mihing pumpi leh mihing lungsim bawlsiatna nam limlim leh nasepna munah deihsaktuam nei a nasepna, kilau phawnna cihte limlim tawh kipelh ka sawm ding hi.

Australia Form tinte theih ding thu

Australia belh theihna Humanitarian Visa ngetna Form 842 naten uh tungtawn a lai hong kikhak kik pen hi bang hi:

Australia belh theihna ding ngetna form nong khak pen na ngah ka hihman un lungdam ungh. (Offshore Humanitarian Processing Center) Zumpi in Australia belh theihna Humanitarian Visa ngetna Form tampi ngah ahih manin mikim lungkimna ding ci-in a Form hong tun hun tawh kizui-in na ngaihsun ding hi ungh. ngetna Form nong khak tungtawn a ko ngaihsutna leh khentatna kong zasak kik ding uh a, gamdang a om OHPC zum dangte ah ap sawnna khat ka neih uh leh zong kong theisak ding uh hi. Na ngetna Form tawh kisai thudot nopna neih lehko E-mail leh Fax tawh zong dot theih hi.

E-mail: [email protected]/ Fax :No. 0061 2 8862 6070.
Hih anuai a teng lai tawh nong zaksak ciangin kong piak uh na File number hong zang hamtang in: (na File numbat pen na laikhak ngah i tungnung veilam nawlah om ding hi, na en masa hamtang in.)

Na omna Address leh na phone number na laih khak leh lai tawh hong zasak pah in.
Zi na neih leh zong lai tawh hong zasak pah in.
Ta na neih leh lai tawh hong zasak pah in.
Na ngetna Form sungah nang thu na gelh teng kilaihna a om leh hong zasak pah in.

Tua banah behlap nop thudang a om lai leh manglai tawh gelhsa in hong puak inla,manglai ahilo Original copy zong hong hel hamtang in maw. Tulai tak a na omna gamin ong hawlkhiat a, na nutsiatsa gam vuah galtaai khat na hihna hangin ciahkik thei nawnlo na hih leh UNHCR ah huhna leh panpihna na ngen photphot un.

Na ngetna Form a kibuaipih sungin natna satna na neih leh Australia kumpi in zatui zaha man sumbei teng hong siksak ding hi. Tua ciangin na ngetna bangin hong lawhcin zenzen leh Australia nong tuntheihna ding na meltheih tavuan hong khan te’n sumbei teng hong siksak uh kul ding hi.

Hih lai mah copy khat hong sam dingte kiangah na puak ding hi ung.

Theihding: Laingah hang lengpah ding cina hilo hi. Omna leh phone number laihte, zi leh ta neihbeh te’n zasak kik ding dan na theih kei uh leh ZAM zumpi ah hong pai un hong ki zaksakpih ding hi.

Kal khat sung Zomi Pawlpi te thunget hun ding anuai a bangin kiseh hi

ZOMI LEAGUE September 14, 2014 Results pulakna

Theihding: Tualpi a pai kimawl te hita leh a ente hihta leh akua mahpeuhin tui, avot, nektheih tuam nekding a neite in na nekkhit, na dawnkhit ciangin ninbung sungah na paihsak pahpah un. Na nekna, na dawnna ciang nangawn nin bung sungah napaih zawh kei ding a leh neksawm, dawnsawm kei zawin nin tawm ding mi a tuamin kineilo hi.

ZOMI LEAGUE 2014 maikal September 28 ni kilawmtatna kimawl ding pawlpite

Visa 93 ngakte ading Interview Date – 01 October 2014

US Embassy, Kuala Lumpur panin Visa 93 Case tawh kisai Interview Date hong piakik leuleu uhhi. Tuapen hongtungding01 October 2014hi a, tuani nikhatbup pen Visa 93 tawh kisai khempeuh Interview hongbawl ngekngek ding uhhi. Tua hi a, Visa 93 tawh sapding a ngak khempeuh in kong panpihding uh akisap leh ZAM zumah nong zaksak nading un Interview Date kong zasaksawn uhhi.

Theihsakna

US gampan in Visa 93 tawh sapding a ngak peuhmah in na pumngak kei un. Na Case uh Malaysia US Embassy hongtungkhin honkhat om a, ahi zongin US Embassy pan hong Contact theilo uhhi. A buaihuai khatah Malaysia US Embassy pan Phone tawh hongsap uhciang in a Phoneavek in suaklo a, Missed Call ihmuphial zongin sapkiktheih omlo hi. Pawlkhat te’n nasepna ah Phone lenmanlo cihtengtawh Contact ki ngahzolo honkhat om hi.

Tua Contact ki ngahzolo te US pan hongsam te kiangah Email tawh ki zasakkik a, pawlkhat in a Email enmanlo hiam, ahih keileh a Email laihhiam ki thuzakna kitat hi. (theihding: Email pawlkhat pen “Spam” Box sungahzong lutthei ahih manin hoihtak Spam Box zong Check ding thupi hi)
Visa 93 tawh sapding a ngak in om nahihleh US pan hongsamding te kiangah na hopih unla, a Lawyer ahih keileh a Agency te kiangah na kansak un. Tua hileh ahunlap in Interview ki luttheipah khadinghi. Visa 93 vai tawh aki sawhkha limlim in navai uh pumngakcip lo a, kanzelzel ding thupi mahmah hi.

Dotbehnop a om leh Mangsen 018 354 2927

UNHCR-IAD & Health Equity Initiatives (HEI) tintan

September 17, 18 ni nih sung HEI & UNHCR-IAD makaihna tawh lungsim damlo te bang ci khoi/kep ding tintan piakna ah palaai nih kikah thei hi.

Tukal Palaai te buaipih diak teng

Cing Za Dim(Thalmual) 15 September in UN ah ki buaipih hi.
Pau Khan Khual (Anlangh) 15-16 September ni-in HKL zato ah ki buaipih hi.
Huai Don Khan Cing (Taakkhawl) 16 September in IPR zato ah ki buaipih hi.
Nan Hlei Thar (Kachin) 16 September in HKL zato ah ki buaipih hi.
Pau Boih (Kaptel) Jinjang Lock-up panin hong suakta hi.
Gin Khan Khual (Tonzang) Bentong thong sungah kiveh hi.
Zam Thian Pum (Singunau) 15 September ni-in Klang zato ah ki buaipih.
En Khan Kim (Zampi) 18 September ni-in ACTS ah ki buaipih hi.
Thang Sian Khai (Talek) 19 September ni-in Ampang zato ah ki buaipih hi.
August 30 ni leh September 17 ni-in TUNE Insurance ZAM ah hong pai-in mimal 700 valin insurance lei thei uh hi.

A kicingzaw in a theinuam te’n
Sia Thaa Mung na dong un 016 646 5375

Hau Suan Mung leh Khen Mawng Ling hong kikansak pen thong sungah na om uh hi.
Kham Suan RSC pan kisam, a phone kingah zolo.
Min Ko Nai zong RSC pan kisam, a phone kingah zolo.

KHUADO pawipi bawlna ding mapan khopna apiasa teng

Khua kipawlna pan:

Anlangh RM200
Buan RM100
Buanli RM100
Chiantagyi RM100
Cikha RM100
Cingpikot RM100
Darkhai RM100
Dimlo RM100
Haiciin RM100
Haupi RM100
Heilei RM200
Kansau RM100
Kapteel RM200
Keltal RM100
Laaitui RM200
Langzang RM100
Laibung RM100
Lailui RM200
Lamzang RM100
Lingthuk RM100
Luangel RM100
Lunmual RM100
Mualbeem RM200
Mualnuam RM100
Mualzang RM100
Muizawl RM100
Ngalbual RM100
Ngalzang RM100
Pangsak RM100
Pangzang RM100
Phaiza RM200
Phunom RM100
Pimpih RM100
Sezaang RM200
Singgial RM100
Singunau RM100
Singzung RM100
Suanghoih RM200
Suangphei RM100
Suangsang RM100
Taakkhawl RM100
Taaklam RM100
Tedim Suangpi RM200
Thalmual RM200
Thangsan RM100
Theizang RM100
Tongsial RM100
Tualzang RM100
Tungzang RM200
Tuikiang RM100
Tuimang RM100
Tuimui RM100
Tuipi RM200
Tuisau RM100
Tuithang RM200
Tuivial RM100
Tuizang RM100
Vongmual RM100
Zampi RM100

Biakna Pawlpi pan:

Christ Mission Fellowship RM200
Evangelical Baptist Church RM200
International Zomi Christian Church RM200
Malaysia Laipian Pasian Pawlpi RM200
Manaa Zomi Christian Church RM200
Myanmar Believers Fellowship RM200
Rawang Zomi Innkuan RM200
Shalom Christian Fellowship RM200
Sunway Emmanuel Church RM200
Zion United Pentecostal Church RM200
Zomi Adventist Church RM200
Zomi Catholic Community Malaysia RM200
Zomi Christian Assembly RM200
Zomi Christian Fellowship-Canaan RM200
Zomi Christian Fellowship-Kajang RM200
Zomi Christian Fellowship-Kota Damansara RM200
Zomi Ebenezer Malaysia RM200

Zomi Idol a kihel dingte theih ding

Zomi Idol kihel ding khempeuh September 29 (Monday) ni-in sun 11am in Zomi Christian Assembly (ZCA) Taman Shamelin, Pandan Jaya biakinnpi ah Top 20 kitelna om ding hi. October 6 (Monday) ni-in Top 10 kitel khia leuleu ding hi. Tua Top 10 kitel khia teng KHUADO ni ciangin hong zai ziahziah ding uh hi.

Atheikha na om uh leh hehpihna tawh hong zasak un

Thang Khua Suan (Tuilangh) khuami Tamu a teng pen Kawlgam panin hong tungthak hi-in Penang panin May 30, 2014 ni-in Palik te’n manin a puakna thong laih kawikawi ahih manin tu laitak a omna mun kithei zonawnlo ahih manin thong pan a hong suakta ten na theih khak zenzen uh leh hehpihna tawh a sanggampa Nang Lian Mang 016 321 3709 tungah hong zasak un. Lungdam.

ZAM zumah leitheih tuamtuam

(1) English to Zomi Dictionary RM50
Zolai Siangtho RM40
Kawllai Siangtho RM30
Galhiam Labu RM30
Namsiaza RM20

ZAM zumah VCD/DVD kingah teng

1. Pantah Ni 2. Theih Khai 3. Anopdan
4. Khuppi 5. Nang Ka Zaila 6. Sakmel Hoih
7. Vanglian Aw 8. Laizom-VC Mang
9. Phatna Late ZBC 11. Zo Zuunsiam a 2 na
12. China Jubilee-Praise & Worship

UN Card kimu

Zaw Sua UNHCR Ref. 791-13C13274
Biak Hnin UNHCR Ref. 791-09C08748
A neite in ZAM zumah hongla un.

ZAM Card tawi Zomi te ading nasep

UNHCR-EST nasep zonsakna panin KLIA2 ansai a sem ding mangpau athei numei 10 kideih. Man leh hen UN in tavuanla ding hi. Khasum RM1500/ ciang ngah thei.
UNHCR-EST nasep zonsakna mah panin Johor Bahru KFC leh Kuantan KFC sai a sem dingin Zomi citak mi kideih behlai hi. Alunglut khempeuh ZAM zumpi ah na min sazian uh hong piapia un. Maikal ah kipuak kik nuam hi. Alunglutte kizopna ding: Mangpu 019 510 6413

Citpiakna lungdam takin kisang hi

Gamsung gampua leitung muntuamtuam pan ZAM nasepna te tha napiak nopleh lungdam takin hong kisang ding hi.

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…