ZAM Thupuak :: 20 May 18 (ZAM Palai kiteelding)

Hanciamna i cih in bang ahiam :: Pilna i cih pen mun khempeuh pan kingah thei hi. Ahi zongin mun khempeuh pan pilna a ngah thei ding, mun khempeuh ah pilna a mu thei ding le a zong thei ding mi tam om lo hi. Tua ahi manin, mikim adingin mun khempeuh ah pilna a om lo tawh kibang hi.

Pilna thu a kigen ciangin mi a tam zawte mitkha ah mite zahtak mahmah, mite muan le suan, pilna sangpipi a sinte le gam makai, minam makaite, siavuan mangpite le vanzat na hoih tuamtuam a bawlsiamte pilnate bek pilna dan bekin kingaihsun kha pahpah thei hi. Ahi zongin pilna i cih in tua bangpipite bek a huam na hi peuhmah lo hi. A beisa hun a hoih na sak loh na kammal zat khat na kipuahphatna zong pilna mah hi a, a hoih a pha khatpeuh kipuahphat ding le kisin ding na sawm denna zong na pilna, na thumuhna….. Read more >>>

ZAM 2018 – 2019 PALAI KITEL VAI DING ZASAKNA :: Zomi Association of Malaysia (ZAM) kumkhat sung nopna dahna tampite kantan a hong tonpih ih biak Pasian min ih phat masa hi. Tuabang a ih mualsuah zawh nading a tha hongpia, hong dinpih, ZAM thudotpite, Pawlpisiate leh khua makai, veng makaite leh nop leh dah hun a ZAM palaite hong theihbat khakloh Zomi dongtuak te a dinga mapangin thu hong zasak,gim leh tawl hong thuakpih Zomipih khempeuh tungah genzawhloh lungdamna ZAM zumpan kong pulaak uh hi. Topan na sepna munciat pan Zomite adingin hong zangh semsem ta hen. Amen.

Hong tung ding 7th June 2018 (Thursday) ni ciang ZAM Kum 12 cinna pawi leh Palai thak kiteelna vai ding May 2, 2018 Wednesday ZAM advisor meeting tawh kizui in kong tangko uhhi. Abeisa kumte sangin tukum ah lawhcing zaw leh mipih Zomite adingin mapan zo semsem dingin, zomite ading nangimna, na summangte a lawhcin kum a hiding in ZAM palaite Topan hong zangh semsem ta hen. Zomi ading ihpilna, siamna sitlo a mapang khawm dingin ZAM Election Committee pan kong zawn uhhi.

ZAM zumpi pan in Malaysia Zomite a ding itna, cihtakna, deihsakna,hanciamna lianpi tawh a kipiakhia nuam palai tampi hong ki candidate nangun ZAM thupuak pan kong tangko uhhi. Hih ZAM kumcin leh Palai kiteelna ah Pawlpisia leh pawlpi upa te, Khua makai,sangsiate, leh minam vei a nasem khempeuh nong kihel hamtang nangding un zahtakna lianpi tawhkong zawn uhhi.

ZAM Candidate form pen ZAM zum ah Monday ni a kipan kingah tading ahihman in nong lak ziahziah nangun kong thei sak uh hi.

ZAM Palai Siaunuamte Theih Ding

• 1. Zomi kipawlna ZAM Card leh UNHCR Card nei mi hiding.
• 2. Khua kipawlna leh Pawlpi kician KHATBEK lutna nei mi hiding
• 3. Mangpau or Malay hoihtak a pauthei, agelh thei hi ding.
• 4. Akilawh thei natnanei mi hilo ding Gentehna: TB, Hepatitis B or C leh HIV cihte…
• 5. Minam veina leh deihsakna nei a, ZAM thukhun leh dante’ azui mi hiding.
• 6. EC teelcing a ngah peuhmah hunbit in asem theipah hiding.
• 7. Candidate pen Pawlpi leh Khua makaite phalna leh theihpihna bek tawh kipuak theiding (Theihding: Innkuanpih nei nailo “Single” hileh hoihpen).
• 8. Ki teelna hunsungah ami pumpi mahmah aom te bek kiteel theiding.
• 9. Ki teelna ah Pawlpi pan tangmi 1 leh Khua kipawlna pan tangmi 1 in mee pia theiding.
• 10. A lunglut khempeuh in na Candicate Form uh Election Committee te tung or ZAM zum ah 07 May 2018 pan 27 May 2018 (Sunday) sungin Pawlpi/Khua makai te letmat thuhsa in apkhin hamtang ding.

ZAM 2018-2019 ELECTION COMMITTEE

• 1. Pstr Daniel Vum Khan Mung (Convener) : 011 3925826 13. Rev. Dai Sim Mang : 016 615 7573
• 2. Rev. Thang Do Khen : 017 611 5622 14. Rev. En Cin Pau : 018 272 3720
• 3. Rev. Thawng Khan Sut : 016 6443 011 15. Rev. Go Za Suum :011 1151 2390
• 4. Rev. Gin Khan En : 017 334 1760
• 5. Rev. Khen Za Dal : 012 263 6330
• 6. Rev. Gin Do Khup : 012 340 6141
• 7. Simon Pau Khua Muan Lal : 018 238 6204
• 8. Pa Thang Za Khai : 012 621 2447
• 9. Rev. Ngin Khat Thang : 016 334 7900
• 10. Sia Pau Sian Piang : 016 318 5296
• 11. Sia Hau Khan Thang : 016 282 0189
• 12. Rev. Tuang Lian Khai : 017 354 1590

KITEEL NI DING LEH A MUN

• Ani : 7th June 2018 (Thursday)
• Amun : ZAM Hall
• Ahun : 11:00am Lunch, 12am
• Application Deadline : May 27, 2018 (Sunday)

ZAM Palai Thunget HONG MAKAIH :: 17 May 2018 (Thursday) ZAM palai thungetna ah International Zomi Chris -tian Church pawlpi pan Pastor Thang Za Cin–Pimpih in hong makaih in Pasian kammal tawh thapiakna leh thungetna hong neih sak hi. Topan’ Siapa’ nuntakna Zomi leh a pawlpi mite a ding hong zang semsem tahen..

ZAM ZUM AH HONG HAWH :: Evan. Lal Nun Puia, Bethel AG Tedim, President Shalom Youth Committee-(SYC) in Zomite a ding ZAM zum ah thungetna hong neihsak manin kilungdam dam mahmah hi.

Siapa pen Tedim khua kim a dongtuak mite a ding theih loh a phamawh kipawlna makaipi hi. Hih SYC kipawlna pen a ki patcil in Lawibuai khangno te kipawlna hi in Pasian thupha piakna zui-in lawibuai veng bek a hilo, Tedim, Tonzang, Cikha gamsung teng ban ah Mizoram leh Tahan dong ah damlo leh accident teng a panpih te ahi uh hi. Sun leh Zan cih omlo na haksat hun in hong huh ding aom den Sia Puia leh a pawlte hih Phone No. tawh na kithuza un. Tulaitak Ambulance/cinapuakna motor 2 tawh asep laitak uh hi-in, motor thak khat kisamlai uha, Tedim khuasung,Yangon, US leh Canada cihte pan mimal hanciampih na tawh Kyat teng 80 ngah khin uha, teng 40 kisam lai ahih manin mimal ahih zongin kipawlna pan a hizongin a panpih nuam khempeuh in ZAM tungtawn ahih zongin kipia thei hi.

Zato pan a hong nusia te a khua dong uh siluang puakpih, leh damlo zato zuante zong na khuapan hong la in Zato hong tun ding uh hi. Kisuan ngaihsut loin hatsatna na tuah leh na ko hamtang un, nakoh kei leh a mau hong thei khin zolo cih zong theipah un. Tedim khua sung a ding khawlbuk leh zunbuk cihte gamdang huhna kihello in lam kawikawi uh hi. Tuaban ah Zato a sisan kisam te zong vaihawm sak kansak kawikawi uh hi. Zomi dongtuakte a ding Sia Puia : 094 4059 3028

MOPAWI SAPNA :: ZAM zum ah palai khat ahi Sm Ngaih Hau leh Pastor Biakliana te in 27-05-2018 (Sunday) 3:00 PM in kiteenna nei ding uh ahih manin nong uap kim ciatna ding un itna lianpi tawh kong sam uh hi. Amun : Pudu Adventist Church No 1-2 Lorong Brunei 2, Off Jalan Pudu, 55100

PHONE NO. HONG UPDATE UN : Malaysia sunga om Khua Kipawlna makaite in na phone no. te uh anuai a Phone No. te ah nong update na dingun zahtakna tawh hong zasak ung. 03 9226 1926, 03 2142 6659

KACHIN GALTAI (DONGHTUAK)TE ADING HUHNA KI PIA THEI LAI: Sanggam Kachin galkapte leh Kawl galkap te kidona hangin mipi 3000 val bang gal kidona sungah awkcip in genthei/cimawh mahmah uhhi. Hihte lakah pitek putek,nuapang,nausuaktung a kipan damlo tampitak zong kihel uhhi. Huhna apia nuamte in ZAM zum ah May 27, 2018 (Sunday) dong kipia thei hi. Sum ngah khempeuh pen Malaysia Kachin Kipawlna (KRC) te tungtawn in kipia khia ding hi.

Huhna hong pia sa teng

• 1. ZAM zum RM350
• 2. Mung Mek (Mualbeem) RM100
• 3. Manna ZCC Pawlpi RM1100
• 4. Zam Sian Dong (Mualbeem) RM60
• 5. Tual Lam Thang (Vangteh) RM100
• 6. Hau Lian Piang (Tungzang) RM10
• 7. Shalom ZCF-Kota Daman Sara RM1000
• 8. Bawipi (Tuikhiang) RM100
• 9. Gin Khan Lian (Mualbeem) RM100

DAHPIHNA :: Ngalbual Khuami Pa Kam Khan Mung leh Nu Cing Go Niang tapa Tg. Peter Cin Lun Sum in 13-05-2018 ni-in GHKL zato pi panin khuaksung Cancer natna tawh hong nusia a, 17-05-2018 ni-in Rawang han ah kivui thei hi. Adah akap khem peuh tawh a kibangin ZAM zum pan dahpihna ih pulak khia hi.

KIMAT KIHEN NA TUAH LEH : Kimiat kihen vai na tuak leh hih anuai a siate na contact pah in. Sia Tuang Pu 016 254 4093, Sia Go Mang 018 202 1216

KAWLGAM CIAH NANG KIVAI HAWM PIH

• Nang Sawm Mang (Fartlang)
• Mang Khan Khual (Fartlang)
• Am Tawng (TuiTangZang) te Bukit Jalil Camp pan 09-05-2018 ni-in Kawlgam ciah thei ta hi.

ZATO LAM BUAI PIH TE

• 1. Lian Sian Nuam (Singlei) Sungai Buloh zato ah
• 2. Lian Khan Sum (Laaitui) Ampang Hospital ah
• 3. Thang Ngaih Suan (Tuipi) Hospital Klang ah
• 4. Tg. Peter Cin Lun Sum (Ngalbual) Hospital Kajang +GHKL (Hong nusia)
• 5. Pau Khan Dongh (Lailo) University Hospital ah
• 6. Thang Suan Mung (Pyidawtha) Ampang Hospital ah
• 7. GS Piang (Buanli) Institut Perubatan Respiratori
• 8. Gin Khan Khual (Zozang) GHKL

Zato lam tawh kisai in vai khat peuhpeuh na neih leh Contact : Sia Khuppi 011 3563 2059 Smh CiiCing 0111 282 8482

ZOMITE A DING NASEP

• Florist/Pak zuak na ah Nu mei 2 ki nawh deih
• Nasep hun : 9AM – 5PM
• Khasum : OT RM 1500 pan RM1800
• Off day : Every Sunday
• Om na : Interview ding. An vaklo
• Amun : Sri Rampai/ Near Wangsamaju

Zomi nasep neilote ading nasep nam tuamtuam om den hi. Nasep tawh kisai :Sia Khuppi – 016 3838 014
011 3563 2059

ZAM Thupuak PDF file >>>

LUNGDAM KOHNA 1. Sian Tung (Phaileng) RM100 Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi danin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hong pia tahen.