ZAM Thupuak :: 14 August 2016

ZOMI YOUTH ASSOCIATION (ZYA) ZUMPI LAM NA DING PANPIH NGETNA :: Dear ZAM Makaipite, A zahtak huai minam naseppih nu le pa, u le nau te aw, ZYA in kum 10 sungbang mi-inn sapin kisem toto himah le Mipih te hong hanciam pihna leh Pa Pasian thukimpihna tawh zum leitang i neizo tahi. Tun tua zum pen ahuang kia hiphot ahih manin Zuminn neihzawh nading Leitungbup a om Zomite kiang huhna kingen kawikawi a tua lak pan Malaysia a om Zomite khat le nih hong huh hong pan pih nuam hong om teh asum khak nading uh lah mat lehen atam tawh ZAM zum pan nong sansak theih nading un a lunggulhna hong pulak aom ciang kilung himawh ahih manin ZAM zumpi pan manlah mahmah ta le uh cin minampihte vaikhat nong puakpih nading un zahtakna lianpi tawh kong ngen uh hi.

***ZYA thuvanpi Pa Kam Suan Mung, E- Mung hong ngetna tawh kizui in Zomi a it Malaysia a om zota ten hinna sisan a kipan, cimawh, dongtuak te kivaan na phualpi ZYA zumpi lamna ah thatang,hun manphate a pia theilo ten sumtha tawh nong panpih theihna dingin ZAM zumpan muanna lianpi tawh kong zawn uh hi.

KHUADO Pawipi Mapan Khopding Zot na :: Zomi Ngeina Khuado Pawi picing takin ih bawlzawh nadingin sum leh pai tampi hongki samding ahih manin muanna leh lametna lianpi tawh Khuado Committee in anuai a bangin ma ih pankhopding kong zawn uh hi.

1. Khuakhat pan RM200 pan a tungsiah.

2. Biakna pawlpi khat ciang RM200 pan a tungsiah.
Khua kipawlna leh Pawlpi panbek hilo in, mimal inzong piaknop zahtek kipia thei hi.

Zomi bup akua maciat in mapangkhawm dingin muan na leh zahtakna lianpi tawh kongzawn uh hi.
Khuado Pawi Committee 2015

KHASIM THUNGET KINEI THEI :: ZAM palai te khasim thunget pen August kha a dingin 11 August 2016 ni-in kinei thei a, Sentosa Zomi Inn kuan pawlpikem siapa ahi Rev. Suan Sian Pau in “Pasian kiang pan, Pasian hangin, Pasian a dingin” cih thu bul phuh kawmin thapiakna le nasepna sate tungah Feed -back piakna hongnei theiin thakingah mahmah hi. Topa’n siapa nuntak na hong zat sak semsem ta hen.

SISAN GOSPEL TEAM TE ZAM AH HONG HAWH :: Rev. Niang Suan Cing makaih natawh Sisan Gospel Team te ZAM zumah hong hawh in thunget khopna kinei thei hi. Rev. Niang Suan Cing, Nu Ngiak Khan Dim, Sia Lang Za Mung, Sia Jonny Thawng Go Khup, Tg. Thang Sian Mung te tawh hong pai khawm thei uh hi. Zumpi pan in Zomi bup a dingin Pasian tungah thungetna kinei khawm thei hi. Topa’n a tate thupha hong pia semsem ta hen.

SIA KHAIPI LEH ZAM BAWI ZAM HONG HAWH :: Yangon ICC pawlpi Khangno Pastor Sia Khaipi leh Zomi lasiam Zam Bawi Malaysia honghawh sung in Zumpiahi ZAM ah hong pai-in thapiak na hongnei thei a, ki lungdam mah mah hi. Topa’n a maban te uh ah hong ompih in hong zat sak semsem ta hen.

SIA WILLIAM KAM KHEN PAU ZAM HONG HAWH :: Malaysia a om Catholic thu zuite avan dingin honghawh Sia William Kam Khen Pau in Zomi zumpi ZAM hong hawh in thupha piakna leh thungetsak na hong nei thei a, kilungdam mahmah hi. Topa’n siapa hong zat sak semsem ta hen.

ZOLIA/ZOTAANG KIDEM NA AH A LUT NUAM TE MIN SAZIAN KIPIA THEI TA :: Malaysia Zolia/ Zotaang lut nuam te A lunglut peuhmah tu akipan September 20 ni dong min kipia thei ta hi. Form pen ZAM zum ah fill up kha ding hi.

IDOL KIDEM NUAM TE IN ZONG MIN SAZIAN KIPIA THEI :: Idol kidem nuam te-in hih a nuaia contact no. te ah min sazian kipia theita hi. Pa Suan No(Zomi Vocal Band) 017 265 8862, Sm Cii Cing 011 1282 8482. Hih idol tawh kisaiin thu le late a hun zui-in hong zasak toto lai ding hi ung.

PAWLPI SENIOR PASTOR TE LEH KHUA MAKAI TE ZAM :: FREE CARD KINGAH LAI :ZAM in kumsim in man ngen loin Zomi khua kipawlna makaipite leh pawlpi kem Senior Pastor te ZAM zumah August 1st-31st sungteng nisim 9:00am-6:00pm kikal hunngahni khat peuh ah ZAM Free Card nonglak na ding un ZAM zum pan zah takna lianpi tawh kong zasak uhhi. A theikha nailo a om leh MZCA,ZCMC leh kipawlna tuamtuam te pan na hilh sawnsak un.

ZOMI LEAGUE TAWH KISAI :: 1. Tukpeng suiding team khatin akimawl theihna ding in Entrance fee 700, Deposit RM 300 ta hi ding a, August 21 ni anunungpen in min sazian ap ding hi. Amun ding :Astaka Sports Complex , PJ

RHB Insurance kilei thei Lai :: ZAM zumpi ah nisim zumhon hunsung khempeuh in RHB Insurance kilei thei hi. Hih Health Insurance pen a deih khempeuh in kilei theilo a, UN Card neite bekin leithei hicih mangngilh kei ni. Insurance leina dingin UN card copy, omna inn address cihte kisam ham tang hi. UN card a nei zongin kum (60) val sa te in ki lei thei lo ding hi.

RHB Soft Launch :: RHB Insurance tawh kisai in a cian zaw in telnopna I neih leh I biakinn te ah kisam thei hi. Amau hong pai in hih RHB tawh kisai hong tel gen ding uh hi. A sam nuam I om leh zum ah hong zasak un.

ZOLIMTUI ANNSAI THAK : Zolimtui annsai ZAM zum nuai-ah 8:00am pan 7:00pm dong kihong hi. UN ah vai tuamtuam neite in Zo ann mah hong delh ham tang un cih hong zawn ing. Innkhan sap nuam a om leh zong kisap thei hi. Hih annsai ah Zongei na ann tuamtuam kingah thei ding hi. Pa Mang:018 2021 216

Kimat kihen na tuahkhak leh: ZAM member te’n kimat kihenna tuahkhak uh leh Sia Tuangpu: 016 254 4093, Sia Go Mang: 018 202 1216.

CAMP PAN KAWLGAM CIAH DING TE SUMPIAK KUL NAWN LO : Tulaitak in Malaysia camp te sung pan kawlgam ciah ding CI a kia sate sum piak kulloin ciah thei uhhi. Hih a ciahtheihna dingun kawlgam kum pi leh BMF(Brighter Future Myanmar) foundation te thu siam natawh ahihi.

NA HOIH NOP LEH Aungnandaw(2) :: Hair saloon, makeup kizep/kipuah sammeet Design tuamtuam te a lunggulh te’n nisim in sai kihong den a hih manin Zomi a kuamah khempeuh hong theisak phapha ung.

Lungdamkohna

1. KL SDA pawlpi RM50

2. Ngalzang Khua kipawlna RM50

ZAM zum leh thupuak ading panpihna hongpia Zomi u leh nau, Khua kipawlna leh biakna pawlpi khempeuh tungah gen zawhloh lungdamna lianpi ZAM pan kong tangko uh hi. Topa Zomi te thupha a hiden dingin hong siam ta hen.
Pa Go Suan Khai(Lalta) RM 350 (ZYA Zum a ding)

Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.