Hih tangthu pen tangthu phuahtawm hilo a, Dallas, US a ta nih a nei nupi khat, Mona kici tunga thupiang ahi hi.
Sum leh paai hamsat luat manin Dallas khuapi sunga Siddique kici suai (jewels) zuakna ah a tapa leh a tanu tonpih in, a neih lak panin a manpha pen ahi a nu’ piak suai khi zuak dingin va pai uh hi. Siddique Jewelry sumbuk ngakpa Ayesh kicipa kiangah a suai zuak dingin va lut uh hi.
Ayesh in, “Bang zuak nuam na hi hiam?” ci-in na dong hi. Mona in, Ka sum khempeuh bei a, kha sum lah kha kik mateng ngah lo ding ka hih manin sum kisam luat manin hih ka it mahmah ka khi zuak dinga hong pai ka hi hi,” ci-in dawng hi.
Ayesh in, “Sum na kisam luat manin hih hong zuak sawm takpi mah na hiam?” ci-in dong kik hi. Mona in, “He, hih khi pen ka nu’n a itna lahna dinga hong piak hi a, ka it mahmah hangin buaina lianpi nei ka hih manin tua vai ka sian’sakna heihna dingin ka zuak loh phamawh hi,” ci-in dawng kik hi.
Ayesh in tua khi lim takin veel pha a, lamet lohpi in a khi man zah dinga kilawm sum Mona pia in, “Hih pen deihsakna lianpi tawh hong kipia hi ci na hih manin la kik in,” ci-in a khi zong pia kik hi. Mona in a nolh hangin Ayesh in itna takpi tawh pia kik teitei ahih manin lungdam takin sang kik hi. Mona’ khi a piak kik in Ayesh in hih bangin gen thuah lai hi. “Ka fon nambat zong ciamteh in la (a fon nambat a piak kawm in), kisapna na neih peuhpeuh hun ciangun hong zasak in,” a cih banah Mona’ tapa kiangah, ” Na nu limtakin na kem in tangvalno aw,” ci-in thapia sawnsawn lai hi.
Hih sumbuk ngak mihoihpa pen Syria mi, Dallas khuapi a teng ahi hi.
Hih thupiang khempeuh CCTV in na record a, “America for Arabs” kici Facebook Page ah August 6, 2016 in kikhahkhia a, million 9.5 in hih thupiang CCTV video en ta hi.
# Hih sumbuk ngak mihoihpa pen Syria mi Dallas khuapi a teng Ayesh kici ahi hi.
Itna takpi leh mi dangte khualna leh hehpihna tawh a kism in, tua na hoih kisemkhia pen mi khempeuh in lundam takin sangin itna lahna tawh midang tungah a thuk kik ciangin hazatna leh huatna tungah hoihna gualzo den hi.
MIDANGTE KHUALNA, ITNA LEH HEHPIHNA MAH THUPI HI
Hong itte bek na it leh bang phat tuamna om ding a hiam?
Na lawm itte bek na it leh mi mawkmawkte na kilamdang kei hi.
“Ahi zongin ke’n note kiangah kong genin-ah: Na galte uh na it unla, no hong bawlsiate a dingin thu na ngetsak un”. (Matthai 5:44)
[A tangthu pen THE LOGICAL INDIAN panin hong kitei hi a, a min tuangsak lo uh hi. A commentna ah hih thupiang a tel khatin a minte uh a genna panin a minte uh kong laksawn ahi hi).
Hih thupiang khempeuh CCTV video na muhnop leh hih link mek in LINK >>>
Thang Khen Lian
Comment piaknop aomleh...