ZAM Thupuak :: 12 November 2017 (Dahpihna: Nu Kam Sian Dim (Kum 45, Heilei)

ZAM Thupuak :: 12 November 2017 (Dahpihna: Nu Kam Sian Dim (Kum 45, Heilei)

RSC mankhin, DHS angak te ading theihhuai :: 07-11-2017 (Tuesday) ni a kipan in RSC man khin in DHS ngak te phone hong ki samsam ta hi. DHS interview buppi pen phone tawh interview ding cihna hilo in, interview appointment hongpiak ma in na file uh ki sitpha in, a kisam bangin theihbeh tuak a om leh phone tawh hong hopih ding hi. DHS na phi ciang RSC na phi lai a na gensa thu te khat zong kipelh loin na dawn kik theih ding kisam ding hi. Tua banah tuma kum (10) sung na om ngeina pen na tangthu tawh kituak in limtak nadawn theih ding kisam hi. Tua hong interview khitciangin nadawn kikna tawh kizui in Security check bawlpha ding uh ahih manin hoihtak na kigin phat ding thupi mahmah hi.

Hih thu tawh kisai in dot kikna tampi zong om a, hih phone pan kidotna pen DHS interview hinai loin RSC a om na file te DHS a kipuak theih na ding akisam ahihi. US gamte I policy thak tawh kizui in hihthu te hong dot cian phot lohin DHS interview kiphi thei lo ding ahihi. Hih dotna pen DHS interview ahih loh hangin DHS interview a ding a thupi mahmah ahih manin Zomi a kua maciat in ei lam pan I mawhpuak ciat hoihtak in sep ding hong thupi mahmah hi. A kician lopi in nagen leh DHS interview hong sap hun ciangin na mailam hong mial tuam mahmah ding ahih manin a hun omlai in kiging khol sa in om den in. 1. Na phone hoihtak len in. 2. Na tangthu te limtak telcian in.3. Tuma kum (10) sungna omna leh nasep te hoih tak kician sak in. Telbeh nop a om leh ZAM ah kidong thei hi.

2018 ZSM LAIBU KINGAH TA HI :: Malaysia zomi Genvai Kipawlna (ZSM) 2018 a ding ki lut thei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipih te a panpih, a dah a kap hun ah a khitui a nulsak na hi gige hi. Hih ZSM ah member na lutna in nang a ding a pia na hikei a, panpih na a kisam te a panpih na hi zaw hi. 2017 sungin zong tu ciangciang Zomi pih te luang (20) bang lei ah I tuh theih na in nang leh kei I pankhopna ahih bang mahin mailam ah zong mapang khawm lai ding in zong kong zawn phapha uhhi.

ZSM pan thuzaksakna :: ZSM ah palai sem ding volunteer kideih hi. Khasum ki pia zolo ding ahih manin veina tawh a kipia  khia nuam te hong kimuak hi. ZSM ah kum khat sung volunteer asem nuamte in 30 November 2017 a nunungpen in min nong piak nang un kong gen uhhi. Hih anuai a sia te tung ah min sazian kipia thei ding hi. Sia Gin khan En -Phone 017 3342 760 Sia Joseph Tuang puu -Phone 016 254 4093

ZAM PALAI TE KHASIM THUNGET KINEI :: ZAM palai te khasim thungetna kizom toto a, 09-11-2017 (Thursday) ni in Sentosa Zomi Innkuan pawlpi kem siapa Rev. Suan Sian Pau in hong makaih in 1 Timothy 5:8  “Mikhat peuh in a beh a phung, a diakdiakin a innkuan sung mite vak nop kei leh upna a nusia hita a, thu um lo mite sangin sia zaw lai hi” cih Pasian kammal tawh thapiakna leh thungetsakna hong nei a, tha kingah mahmah in kilungdam mahmah hi. Topa’n siapa te innkuan thupha hong piaksak semsem tahen.

UNHCR ZUM AH VAI DAWP THEIH NITE :: UNHCR zum ah vai tuamtuam te nadawp nop leh UN vai tuamtuam dawp/kan nuam te in Thursday leh Friday nite ah kidawp/kikan thei a, zingsang nai 7 lap hamtang leng hoih pen hi.

Zomi Nam Ni mapankhop ding zotna leh theihsakna :: Malaysia a om Zomi ten kumsim a i bawl den i minam ni sawtlo in hong tung ding hita hi. Abeisa kumte mah bangin tukum zong thupitak leh picing takin bawl theih na dingin 08 November 2017 in ZAM zumpi ah kimuh khopna kinei hi. Tukum zong nopcitak leh picingtak a i bawl zawh na’ng sum leh pai tampi hong kisamding a hih manin muanna leh lametna lianpi tawh Zomi Nam Ni Committee in anuai a bangin ma i pankhopding kong zawn uhhi.

Zomi Nam Ni adingin sum leh paai tampi mah kisam a I pan khop ngeina bangmah in tutung zong Khua ki pawlnate panin RM 200 leh biakna Pawlpite panin RM 300 tawh mapang khawm dingin I kizawn hi.

ZOMI NATIONAL DAY COMMITTEE – 2018

President – Sia Hau Khan Thang, Rev. Thang Do Khen, Rev. Go Za Suum

Secretary – Sia Khoi Sian Tuang, Sia Daniel Vum Khan Mung, Rev. Dai Sim Mang

Treasurer – Sia Tuan Sawm Tuang

Accountant – Tg. Thang Lam Cin, Pa Thang Za Khai, Rev. Khen Za Dal

Members – Rev. Gin Khan En – Rev. Gin Do Khup – Rev. En Cin Pau – Rev. Ngin Khat Thang – Rev. Thawng Khan Sut – Rev. Tuang Lian Khai – Sia Kap Za Khup – Sia Gin Go Mang – Siama Ning Ngaih Hau – Siama Zam San Cing

Bank Account  bawl nuamte Wed leh Fri nite ah kipai thei a, 10:00 AM pan sunlam 2:00PM kikal

Zato lam tawh kisai vai naneih leh Monday, Tuesday leh Thursday nite ah zingsang 8:00AM pan 12:00 Noon sungin kipai thei hi.

WELCOME TO ZAM :: Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia (ZAM) ah nong hawh/phak ham tang nading un itna lianpi tawh kong zawn uhhi.

Na UN Vai Nakan Nuam hiam? :: Na UN vai lunghimawh in kannop dotnop khat peuhpeuh nanei hiam? UN Department tuamtuam ah laigelhsak nop naneih leh ZAM Member te ading man genlo in ZAM zum pan lai kigelh sak theiden hi.

ZAM member I cihpen ZAM Card bawl ngei cihbek hi loin UN card a neih khit hang in a renew/hingsak den te pen member hiden cihna hi. Refugee na kicih sam hang UN Card naneih naikei leh UN ten kami hongci tuanlo hi. Tua a hih manin Zomi nahih leh ZAM card bawl in.

BANK CARD KIBAWL THEI TA :: CIMB Bank pan a kibawl MAA VISA card pen UNHCR/ZAM card tawh kibawl thei ta ding ahih manin abawl nuam te in 06-11-2017 a kipan in ZAM zum ah kibawl thei ta dinghi. Bank Card bawl na ding a kisam teng pen (1) UNHCR/ ZAM card copy 2 (2) Nu leh Pa Min (3) Phone No. (4) Email ID (5) Omna address (6) RM 200 (7) Hong theih pih ding mi khat ih min leh ID No.

INSURANCE CARD BAWL HAMTANG UN :: UNHCR cidamna lampan a pulakna ah RHB insurance company tawh Operation tampi kibawl khin ahihmanin insurance bawl nailote limtak hanthawn abawl sak ding hi. Kuamah kiang leitawi lo/Pawlpi, khua leh tui buaisak loin, ei leh ei I hih theih nang ahun omlai in hanciam ciatni. RHB Insurance card abei leh ZAM zum ah kibawl kik thei hi. RHB Insurance in June 2017 akipanin kal (Kidney) dam loin sisawp kul den(Dailysis) abawlte huam nawnlo hi. Lungtangna leh Cancer nei te pen a bawl zawh kha (4) ciang kizang thei pan ding hi.

DAHPIHNA :: Heilei khuami Guite beh Pa Dal Za Gin leh Nu Luan Khawm Nem te tanu, Nu Kam Sian Dim (Kum 45) in 05-11-2017 ni-in hong nusia a, 07-11-2017 ni-in Sungai Buloh hanah kivui hi. ZSM member khat ahih natawh kizui in ZAM/ZSM panin vaiteng kivanpih hi. Adah akap khem peuh tawh a kibangin ZAM/ZSM pan dahpihna I pulak hi. Topa’n adah akap khempeuh a lamdangin hong hehnem tahen.

ZAM ZUM AH KILEI THEI TENG :: ZAM zumpi ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puandum, Zo-dial(Silk), Puanlaisan, Zokhi, Tanghciin, Khephiau, Zolukhu, Zothungkuah, Zodial cihte a kipan naupang puan tuamtuam te deih zahzah kilei thei hi. Tuabek thamloin

(1) English to Zomi Dictionary RM50 (2) Thuciamthak Zolai Laisiangtho RM30 (3) Kawllai Laisiangtho RM30 (4) Galhiam Labu RM30 (5) Zolai Simbu RM30 (6) Tutmun Mikaangpau Sinna RM20(7) Eden ah ciahkik ni RM15(8)Cope Centenary Jubilee RM10(9) Kristian Labu RM30(10) Nisim Tongdam RM30(11) ZBC labu RM30 (12) Zonu Tongluan Magazine RM10 (13) Phillipi RM30    (14) Israel Pasian Teeltuam RM30    (15) Makaih Pilna Volume 1 RM30 (16) Makaih Pilna Volume 2 RM30    (17) Tongluan Zaitha RM30    (18) Ka Pian Sinthu RM30    (19) Zomi Ciiimnuai Tate La Namcin RM25(20) ZYA Tin Jubilee Magazine RM50(21) Zopaal Fashion Calender 2 RM10(22) Zomi CD & DVD tuamtuam te zong kingah thei hi.ZAM pen nisim in 9:00 AM pan 6:00 PM kikal kihong den hi.

LUNGDAMNA KICIAMTEH :: 2017 Zomi Khuado pawi Malaysia sim in hong pai ahi,  sangampa Lasiam B Muan Ngaihte in ZAM zum adingin ZRO flag khat hong pia a hih manin kilungdam mahmah hi. Topa’n thupha hongpia semsem in mai lamah Zogam leh Zomite adingin a nuntakna hong zang semsem tahen.

INSURANCE CARD HONG LA UN

1. Micheal 13. Khup Khen Niang 2. Thang Min Lian 14. Lang Sian Lian3. Hau Bawi 15. Dim Lam Cing4. Esther Cing Sian Khawl Nuam5. Dam Suan Mang 16. Langh Cin6. Tung Lian Tual 17. Dim Lam Tawi7. Ciin Ngaih Don 18. Cing Don Nuam8. Hau Lian Thang 19. Ciin Ngaih Kim9. Steven Thang Sian Van 20. Joseph Dai Sian Dongh10. Mang Lian Pau 21. Cing Sian Len11. Kap Gel Thang 22. Dim Ngaih Lian12. Dal Khat Suan

TUKAL ZATO LAM BUAIPIH TENG

1. Sung Sung (Tungzang) ACTS2. Khup Thawn Ding (Ngalbual) HKL3. Cin Mung (Sezang) Pudu Clinic4. Piang Pu (Mal Suangzang) PPUM5. Delisan Kim (Renzua) Sungai Buloh Hospital

ZATO LAM TAWH KISAI in vai khat peuhpeuh na neih leh Contact : Sia Khuppi 016 3838 014, Smh CiiCing 0111 282 8482

Kimat kihen na tuahkhak leh: Malaysia a om Zomi te kimat kihen na tuahkhak uh leh Contact Sia Tuangpu: 016 254 4093, Sia Go Mang: 018 202 1216

ZOMI TE A DING NASEP Bakuhteh sai :: Pasal 2 kideih hi. Sunway Pyramid ah mi khat leh Subang ah mi khat hi. Nasep hun nai (10) sung, khasum RM1100 tawh kipan. Omna / ann pia hi. Nipi khat in khat vei off ding.

Kota damansara food court

Pasal 2 kisam hi. Nasep hun pen 8:00 AM –3:00 PMOmna pia loin ann pia hi. Sunday nisim off day pia. Khasum pen interview na tung tawn hi ding hi.

Hotel HOUSEKEEPING : Mi3 ki deihlai. Parttime/Fulltime  kideih. Waiter/Waitress zong, Khasum RM1400-1500 kikal, Nasep hun 8:00AM-8:00PM. Omna pia lo. An pialo. UN card nei ding. Interview om ding. A mun :-Lrt Dang Wangi Station & Monorial Medan Tuanku station kiimteng. Nasep tawh kisai dotnop a om leh Sia Khuppi -016 3838 014

Thupuak PDF File >>>

LUNGDAM KOHNA

1. Thang Sian Mung (Mualbeem) RM502. Nang Ngaih Lian (Laangzang) RM50

Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi dan in I pan khopnate hangin tuni dong a kalsuan zo I hihi. Topa’n Zomite adingin mapang zo semsem dingin thupha hongpia tahen.