ZAM Thupuak :: 12 March 2017

CLU/ UNHCR tawh Women’s Day bawlkhopna :: 08 March 2017 (Thursday) 9:00 AM – 12:00 PM dong CLU department te makaihna tawh UNHCR Conference Hall galtai numei kipawlna makai teng tawh “NUMEI TE NI”hong bawlpih uh a, tuamun ah ZAM pan numei makai 2 va kihel thei uhhi. Tualai ah thuhoih tampi CLU in hilhcianna hong neithei uhhi. Tuabanah mipi ading in theihhuai pawl khat ki hawmsawn nuam hihang. CLU te hong piak vai tuamtuam kan theihna ding mun teng
a) Inquiry (b)Health Unit (c)Livelihood Unit (d)REMEDI (Insurance) (e)ICMC (f)Intervention

(A) INQUIRY: UN ah navai bangciang tung cih na kannop leh kalkhat in ni 2 (Thursday, Friday) sangkah ni 4/5 nite ah kidawp thei hi.

(B) HEALTH UNIT: Damlohna tawh kisai nidang a IAD ih cih pen tu-in Health Unit tawh laih uhhi. Tuapen (Monday, Tuesday & Thursday) zingsang 8:00 AM pan 12:00 PM sungin kipai thei hi.

(C) LIVELIHOOD: hih Livelihood in pan in a ki huh thei te pen (i) Sum leh paai tawh, (ii).Na sep neilo te zonsak, (iii) Bank card bawlsak cih te ah huh kingen thei hi.

(i) SUM LEH PAAI tawh huh cihte pen damlohna tawh nasem zolo, Meigong tagah, Uham, damlo leh Naupang ki bawlsia, Nupa ki tawng/kisat cihte ah huhna kingen thei hi. Ahi zong in hih tawh kisai huh na gen ding I hih leh hiih a nuai a teng kisam hamtang ding hi.

(1) Namin (2) UN nambat (3)Na ph. no leh na omna inn (leihsa) (4) Banghang huhna ngen (gentehna damloh vai tawh na nget leh Siavuan lai (Doctor’s Memo) nei hamtang ding) Ki zopna ding: 03-2142-9972 / 012-2132- 520

(ii) NASEP: Nasep neilo te adingin Livelihood in nasep hong zonsak thei hi. Ahizongin ei lampan ki ginkholh ding om a tua te in (1) Namin leh UN nambat (2) Na omna inn Address leh na phone nambat (3) bang nasep semnuam cih teng na kigin ding hi a, tuabanah Malay/Mangpau khat zawzaw pauthei hamtang khat hiding hi. A lunglut te a ding kizop nang Phone No. 03-2118-4841

(iii) BANK CARD: bawl nuam te adingin Livelihood ah huhna kingen thei a, RHB Bank, Public Bank leh CIMB Bank te hong bawlsak thei uhhi. Hih bank card bawl na dingin (1) UN card (2) bang na sem (3) Boss te kiangpan hih nu/pa ka nasem mah hi cih theihpihna (Recommendation)

(4) Boss ten hih bank 3 lakah khat peuhmah anei hi hamtang ding hi. Na kantel nop leh ZAM ah a form om ahihmanin na lunglut leh hong la hamtangh in. Livelihood tawh ki muh theih ni teng: Wednesday / Friday ni 10:00 AM pan 2:00 PM.

(D) REMEDI: Hih zongh athupi mahmah khat hi. UNHCR in zato ah ih paiciang ahi zongin, zato ih lupciangin 50% Discount tawh hong huh uh a, tua ban ah kumdang bangin huhna sumtangh tawh zong hong huhthei lai uhhi. Ahih hangin 2014 kum pan in sumtaanghtawh huh ding haksa hong sata uh ahihmanin ei ading huhna hong zonsak uh a (RHB Company) leh UNHCR hong kizomin ei galtai te adingin huhna hong zonsak uh (Insurance) kici Innkuan (Nu/Pa leh kum 18 nuaisiah naupang 3)ciang RM 231.10 tawh kilei thei hi. Kum 18 apha nailo innkuan mimal 5 val naphak uh leh mikhat ai dingin RM20 napiak thuah kul ding hi. Single khat ciang RM176.50 tawh kilei thei hi. Hih pen ahihtheih leh leizawh sawm hamtang ni. UN in sum tawh hong huhzo nawnlo ahihmanin hihpen ih mailam a dingin ei ki ginkholh theih om sun ahihmanin lei hamtang ding ih kihanthawn hi. UNHCR zum pai kullo in ZAM ah zongh nisim kilei thei hi. Na leikhit zawh sawtpen Kal 2 bang ngak kul hi.

(E)ICMC : Naupang 18 nuaisiah, numei no kibuan, Pasal neisak, Naupaai, Inn sungbuaina kitawng kivel leh Nau pang khat lungkia cih te leh lungsimbuai te ading in ICMC te kiangah huhna kingen thei hi. A lunglut te ading ki zop na Phone No. 03-2141-1780

(F) INTERVENTION: Hihpen kimat kihen vai hi a, deihloh pen in Oprasi, CID leh Police te in hongmat khak leh na UN card nambat lotngah hamtang nading ih kitheisak phapha hi. Theihsa tek mah bangin Oprasi in hongmat ciang in UN card laksak a, nailang khitciang in a UN nambat tawh sam in UN nambat lotngah lohman in kiman suak om ahihmanin na UN nambat lotngah hamtangh in. UNHCR kimat kihen lam a ten bang hong vaikhak uh hiam cihleh, hong kimat ciangin

(1) Na Min (2) UN No. (3) Hong kimat ni (4) Hong kimatna mun (5) Koi thongah om (6) Body nambat (7) Thukhen zum pai ni ding. Hih teng peuhmah UNHCR zum zaksak hamtang ding hong vai khak uhhi. Kizop nading Ph 012-630-5060 / 03-2118-4800 Fax : 03-2141-4363.

2017 ZSM LAIBU HONG AP KIK TA UN :: Malaysia zomi Genvai Kipawlna (ZSM) 2017 ading laibu te December 2016 in I hawmkhiat hi a, February kha bei ah ZAM zum puakkik sawm ciatni cih khatvei kong zasak uhhi. Mapang khawm in I sep khopna te Topa’n thupha hongpia sem sem tahen.

WELCOME TO ZAM :: Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) zum ah nong hawh/pha hamtang na ding un itna lianpi tawh kong zawn uh hi.

ZAM ZUM AH HONG HAWH :: Full Gospel Assembly—Aungpan pawl pi kem siapa Tual Za Kim(Dolluang) in Malaysia hongzin sungin ZAM zum ah honghawh in thungetsakna hongnei ahihmanin kilungdam mahmah hi. Topa in siapa leh a pawlpi tungah thupha hong piak sak semsem tahen.

ZAM AH THUNGETNA HONG NEIH SAK :: Pa Thang Sian Mung – Phaiza, Zolia Sancingpa in Pasian leh a Zomi pihte aveina tawh 7thApril 2015 (Thursday) ni a kipan tuni ciangdong, kha thak kal masa sung ZAM ah palaite thu hong ngetpih den hi. Laisiangtho bulphuh na Paunak 8:16 Leitung a om miuk te khempeuh in keima huhna bek tawh uk zo uha, milian mi thupi te in keima huh na bektawh vaihawm zo uhhi. Topan Zomi te ading hong zat sak semsem tahen.

ZAM ZUM AH HONG HAWH :: Rev. Kai Cin Mang leh Nu Dim Sian Ngai–Tedim, BOMB ministr -y 1996 kum akihong tagah sang ah zomi tagah 400 te nu leh pa te in ZAM zum ah Palai te tawh thungetna hong neihpih man in ki lungdam mahmah hi. Topan’ Zomi te a ding hong zatsak sem sem tahen.

DAHPIH NA :: Singunau a teng Pa Cin Khan Pum leh Nu Dim Khan Neam te I tapa Tg. En Khan Mang in 05 March 2017 ni-in a nasepna pan Motor kibung in hongnusia hi. Tg. En Khan Mang pen kawl gam passport tawh nasemin om ahihmanin a luanghawm 10 March 2017 ni-in kawlgam ah ki pua hi. Tg. En Khan Mang hangin adah a kap NU/Pa tawh akibangin ZAM zumpi pa’n i dah khawm hi.

DAHPIHNA :: Nguasing khua mi Ngin Khaw Zam leh Nu Niang Za Awi te I tapa Pa Dal Khen Than(Guite beh) in 09 March 2017 ni-in motor accident na hang tawh hong nusia hi. Zum vai teng kibuai pih sanlaitak hi a, alem hunhun in lei ah tuhkik na kinei ding hi. Pa Dal Khen Thang hong nu siatna hangin adah akap khempeuh tawh kibangin ZAM zumpi pa’n I dah khawm hi.

Ngeina Van Tuamtuam Ki Leithei: ZAM zumpi ah ih ngeina vantuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlai san, Zokhi, Tanghciin, Khephiau, Zolukhu, Zothungkuah, Zodial cih te akipan naupang puan tuamtuam te deih zah zah ki leithei hi.

RHB Insurance kilei thei Lai :ZAM zumpi ah nisim zumhon hunsung khempeuh in RHB Insurance kilei theihi. Hih Health Insurance pen adeih khempeuh in kilei theilo a, UN Card neite bekin lei theihi cih mangngilh kei ni. ZAM pan in Zomi khempeuh in ih bawlding in kong zawn uh hi. Ih zat le zatloh pen Pasian thu hia RM10,000 a khol khinkhian na hihi.Insurance leina dingin UN card copy, omna inn address cihte kisam hamtang hi. UN card a nei zongin kum (60) val sate in kilei theilo ding hi. Nu leh Pa in Insurance card neih khitciang a suak pan naupang te pen Insurance kibawlsak thei nawnlo a, a Nu leh a Pa I card renew ciangin kigawm thei pan hi.

Hih Insurance card pen zato lupna bek ah kizang thei a, clini-c paina, zato appointment paina te ah kizang theilo hi. Tua ban ah lungtangnatna nei te leh Cancer nei te a card a bawl zawh ni 120 khit ciang kizang thei pan ding hi.

GALHIAM PHATNA LABU KINGAH KIK TA: GALHIAM Phatna labu khat ciang RM30 tawh ZAM zum ah kingah kik ta hi. Tampi omlo ahihmanin a deihte in nong pai baih kei leh ki ngah nawnlo kha ding hi.

ASYLUM ACCESS AH HUHNA KINGEN THEI : SVP team te interview napan card kipiakik nawnlo natheih uh leh ZAM zum leh Asylum Access zumte makaihna pan lawyer te tawh pangkhawmin UN nangahkik theih nading hong geel pih/vai hong hawmpih ding ahihmanin ZAM zumah hih lai na muh phetin nong zaksakpah nangin deihsakna lianpi tawh kong tangko uhhi. Asylum Access te kiangah ut bangin ki pai thei loin appointment lak masak kul ahihmanin UN pan lai nangah phetun nalaiteng tawh hongpai pahun. Appointm -ent date ma kalkhat akisap in nong pai pan a leh lawyer te in buaipih man nawnlo ding cih limtak thei in.

RHB INSURANCE CARD HONG TUNG THAK

• 1. Khup Cin Tung 13. Don Deih Kim
• 2. Langh Ngaih Hau 14. Hau Lian Thang
• 3. Cin Sawm Tuang 15. Cing San Lun
• 4. Niang Khup Cing 16. Mang Lian Pau
• 5. Man Nei Kim 17. Len Nu
• 6. Langh Khen Kap 18. Robert Thang Sian Langh
• 7. Vung Lawh Lian 19. Pau Biak Lian
• 8. Cing Zeu Lian 20. Neng Khan Kim
• 9. Pau San Lai 21. Cin Lam Mung
• 10. Kap Tung 22. Kap Gel Thang
• 11. Luka Khai 23. Mangpi
• 12. Mang Sian Muan

Kimat kihen na tuahkhak leh: ZAM member te kimat kihenna tuahkhak uh leh Sia Tuangpu: 016 254 4093, Sia Go Mang: 018 202 1216.

• THONGVAI BUAI PIH TENG
• 1. Khai Mung(Ngente) Jinjang lockup pan kitan khia
• 2. Kim Tawng(Ngente) Jinjang Lockup pan kitan khia

• ZATOVAI BUAIPIH TENG
• 1. Thang Khan Dim(Pimpih) Sungai Buloh
• 2. Pau Do Mung(Saizang) UKM
• 3. Sian Khaw Cing(Tuitum) HKL
• 4. Vung Sian Lun(Saizang) Tungshin
• 5. Thang Khen Cin(Sakhangyi) NGOs
• 6. Sian Khen Zam(Chanthagyi) Ampang Hospital
• 7. Sawm Hau Mung(Kapteel) Ampang Hospital

• ZAM MEMBER NASEP OM
• Factory-Aksa sat ding/Aksa deliver ding
• Mi-5 kideih. Nasep hun-8am-5pm OT omlai
• Offday- every Sunday. Khasum-Rm-1000 -OT zong omhi.
• Omna pia- An aksak pia Buhsih ei leh ei. Amun -Puchung

• Kilang door glass bawlna ah Mi :2 ki nawhdeih
• Khasum-Rm1100 basic + overtime
• Omna pia An vaklo. Amun :kajang
• Nasep hun: 9am to 6pm OT -omhi. Offday-Every Sunday

Nasep dang tuamtuam zong omlai hi. Annsai, NSK sai leh adang tuamtuam te zong om hi.
Contact : Sia Khuppi 016 3838 014

• LUNGDAM KOHNA
• 1. Nang Ngaih Tung(Suangphei) RM20
• ZAM zum leh thupuak ading panpihna hongpia Zomi u leh nau, Khua kipawlna leh biakna pawlpi khempeuh tung ah gen zawhloh lungdamna lianpi ZAM pan kong tangko uhhi.

Note :: PDF tawh na simnop leh
Hih link PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.