ZAM a 11th vei kumcin khawmpi leh ZAM 2017-2018 palai kiteelna 07 June, 2017 Wednesday in, ZAM zumpi pan 12pm – 1:00pm mipi anvakna kinei a 1:00pm lianin Election committee pan Rev. Ngin Khat Thang in hong makaih in hun kipan hi.
“Lunglua lo aw Zogam lei aw” cih la tawh mipi dinsa in sak khitciangin Sia Pau Khua Muan Lal in kipat thungetna hong neihsak hi. Tuasung ah Tg. Pauneu in la hong makaih sak hi. Tuakhitciangin ZAM palaite leh thudotpi te, Pawlpi siate leh Khua makaite, Zomi sangsia te, leh kawlgam pan hongpai siate muakna leh maitang lahna kinei hi.
Zomi Idol Malaysia 2016 lasiam Lia Sianhoih in “Abraham thupha” tawh Kumcin pahtawina la hong sak khitciangin palai te kumcin report khat khit khat hong nei pahin, dotna leh dawnna tawh kizomto suak hi.
Tuabanah Election committee pan Rev. Gin Do Khup in thugenna hong neih khitciang Zomi lasiam minthang Pu Lengtong Pauno in “Zogam Nun in Nuam Ding” cih tawh pahtawina hongsak hi.
Tuakhitciangin kiteelna committee pan Rev. Dai Sim Mang in kiteelna thukhun genkhiatna leh kiteel ding te mel kilahna hong neihsak khitciang, Election committee ten kiteelna thukhun om bangin palai kiteelna kinei to pah hi.
Kiteelna man khitciangin Rev. Gin Do Khup in Palai te kiciamna hong neisak in, Palai thak teng Pasian tung ah apna leh thungetsakna Pasian sathaunilh siampi tengin thu hong neihsak hi.
Tuakhitciang in “Topa ei a Din Hoih Na e” cih tawh mipi dinsa in tawpna lasak khitciang Rev. Thang Do Khen I thupha piakna tawh nitak nai 4 pawl in hunte kizo siang hi.
ZAM 2017 – 2018 THUDOTPI TENG: Malaysia gambel Zomite palai te a kisam banga na hong seppih ding leh vai hong hawm pih dingin muanna lianpi tawh a nuai a bangin thudotopi 15 kiseh hi.
ZAM ADVISOR 2017 / 2018
- Rev.Gin Do Khup
- Rev.Thang Do Khen
- Rev.Gin Khan En
- Rev.Ngin Khat Thang
- Rev.Dai Sim Mang
- Rev.En Cin Pau
- Rev. Suan Cin Hau
- Rev.Thawng Khan Sut
- Rev.Tuang Lian Khai
- Rev. Khen Za Dal
- Rev. Go Za Sum
- Dr. Dal Za Cin
- Pa Thang Za Khai
- Pr. Daniel Vum Khan Mung
- Sia Simon Pau Muan
ZAM 2017 – 2018 ZAM PALAI THAK TENG
- Sia Khoi Sian Tuang :: Lutangpi
- Sia Gin Go Mang :: Lutangpi huh
- Sm Ning Ngaih Hau :: Thuvanpi
- Sm Zam San Cing :: Thuvanpi huh
- Sia Joseph Tuan Sawm Tuang :: Sum kem
- Sia Kap Za Khup :: Sum lai at
KIDAWM KAWM CIAT NI :: Tulaitak pen ih omna gammi te antan hun (Ramadan) ahihman in ih omna ciat pan omdan, khawldan,Hawhna ciahna leh vaksuk vaktohna te ah pilvang kawmsa in vakin, a kisam lopi in mawk vakvak kei zaw in kimat kihen zong hong tam semsem ahih manin a kidawm thei te mah mi hampha teng hongsuak to zel lel ding hi. Tulaitak a kiman te sum tawh kitan theilo tampi om ahihman in kidop huai semsem cih phawk ni.
WELCOME TO ZAM :: Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak ham tang na ding un itna lianpi tawh kong zawn uh hi.
Na UN Vai Nakan Nuam hiam? :: Na UN vai lunghimawh in kannop dotnop khat peuhpeuh nanei hiam? UN Department tuamtuam ah laigelhsak nop na neih leh ZAM Member te ading mangenlo in ZAM zum pan lai kigelh sak theiden hi.
ZAM member I cihpen ZAM Card bawl ngei cihbek hi loin UN card a neih khit hang in a renew/hingsak den te pen member hiden cihna hi. Refugee na kicih sam hang UN Card naneih naikei leh UN ten kami hongci tuanlo hi. Tua a hih manin Zomi nahih leh ZAM card bawl in. Amau pan pih na kisapnai kei leh huh zaw phot in.
UN AH KAMLET DING ZOMI MAH NA TEL UN: Interview na pai ciangin Kawlpau, Mizo pau cih te sangin na pianpih kampau mah telzaw in. Zomi kamlet hong zon sak un na cih nak leh pello in hong zon sak pah ding uhhi.
CARD NA BAWL CIANG IN :: ZAM card na bawl ciangin na min takpi mah tawh bawl tangtang zaw in. Deih loh pen in kimatna or mang cih te ah a min takpi tawh a bawl lo te kan dan hansa tuam mahmah hi. Camp sung khawng tung kha in kawlgam ciah nop ciang in zong a min takpi mah tawh a pia te lem zaw pah hi.
Australia Form Ki Fill-up Thei :: ZAM member te Australia 842 form a fill up theilo na om uh leh ZAM ah huhna kingen thei den hi. Australia tungsa na meltheih te tawh ki thuza inla hong kisam thei ding dinmun ah na om leh hun hoih nangah lai in kisam sak mengmeng in. Contact : Sia Cinpi: 017 379 1327, Smh Ngaihhau:018 220 0658
ZAM ZUM AH HONG HAWH :: Korea pastor Shasha Zi leh a lawm te Zomi Association of Malaysia a ding thunget sakna hong nei uh a, ZAM zum nasem palai te leh sang naupangte Moh leh a vot tawh hongvak uh ahihmanin kilungdam mahmah hi. Topa’n siapa te nupa thupha hongpia in hongzang semsem tahen.
ZAM ZUM AH HONG HAWH :: Sia Evan Vum Za Langh – Mualnuam (Tedim UPC & Global Mission International)in Malaysia hong zin sungin ZAM zum ah hong hawhin Zomite ading itna leh deihsakna tawh thu hong ngetsak ahih manin kilungdam mahmah hi. Topa’n siapa a lam dangin thupha hong piaksak sem sem tahen.
ZAM AH THUNGETNA HONG NEIH SAK :: Pa Thang Sian Mung – Phaiza, Zolia Sancingpa in Pasian leh a Zomi pihte aveina tawh 06 April 2015 (Thursday) ni a kipan tuni ciangdong, kha thak kal masa sung ZAM ah palaite thu hong ngetpih den hi. 05 June 2017 ni-in June kha ai dingin thungetna hong neihsak a kilungdam mahmah hi. Topan Zomi te ading hong zat sak semsem tahen.
DAHPIHNA :: Suanghoih khuami, Kawlpi a teng Pa Kai Za Lam in 07 June 2017 ni zingsangin Ampang zato pan hong nusia a luang hawm pen 09 June 2017 ni in Sepang hanmual ah kituh kik hi. A nusiat a innkuan pih te tawh a kibangin ZAM zum pan in dahpihna I pulak khia hi. Topa’n a dah a kap khempeuh a lamdang in hong hehnem ta hen.
ZAM ZUM AH KILEI THEI TENG :: ZAM zumpi ah I ngeina vantuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlai san, Zokhi, Tanghciin, Khephiau, Zolukhu, Zothungkuah, Zodial cihte akipan naupang puan tuamtuam te deih zahzah kilei thei hi. Tua bek tham loin
1. Thuciamthak Laisiangtho(ZSV) RM302. Galhiam Phatna labu RM303. Kawl Laisiangtho(Bu neu) RM304. Zolai Simbu(Zolai bulpi) RM305. Dictionary (English to Zomi) RM50 6. Tutmun Mikang pau sinna RM207. Eden ah ciah kik ni RM208. Tedim Labu(Hymn) RM259. Nisim Tongdam RM3010. A lamdang hehpihna RM2011. ZYA Magazine RM5012. Cope Centenary Jubilee RM1013. Zomi Bible Dictionary RM50Cih te zong kilei thei hi.
INSURANCE CARD BAWL HAMTANG IN :: UNHCR Cidamna lampan apulakna ah RHB insurance company tawh Operation tampi ki bawlkhin ahihmanin insurance bawl nailote limtak hanthawn a bawlsak ding hi, tua hikeileh gal taite kibawl zolo in mi tampin sih lawh khin ding cihi. Tua ahih manin sum namawk beisak sang ih muh kholh theih loh Ih mailam ding kikhual kawmsain RHB Insurance leh ZSM Genvai te limtak ngaihsun in. Kuamah kiang leitawi lo/Pawlpi, khua leh tui buaisak loin, ei leh ei I hih theih nang ahun omlai in ki khual ciat ni. RHB Insurance card a leisa te in zong na card uh tettan a bei ciang ki bawl pha kik thei hi.
UN CARD KIMU :: Pau Lum Hang UN Card kimu in ZAM zum ah hong ki ap ahih manin na UN card ZAM zum ah hong la in. ZAM zum hun zingsang nai 9:00AM pan 6:00PM sung kila thei hi.
NA TANGTHU UH HOIH TAK THEI TEL IN :: UN pan hong kisap ciang in na tangthu a en kik tawm hilo zaw in banghun banghun hong kisam zongin a phi thei lian dingin na tangthu te hoih takin theitel in.
Kimat kihen na tuahkhak leh :: ZAM member te kimat kihenna tuahkhak uh leh Sia Tuangpu: 016 254 4093, Sia Go Mang: 018 202 1216.
THONGLAM BUAI PIH TENG :: 1. Do Sian Piang KLIA camp pan kawlgam ciah nang vaihawm pih2. Thang Lam Thawn Ampang Lockup ah kibuai pih laitak.
RHB INSURANCE CARD HONG LA UN
1. Song Suan Lian 7. Lun Khawm Kim2. Pau Suan Piang 8. Kham Sien Khai3. Niang Sian Don 9. Niang Za Vung4. Hau Sian Khai 10. Pau Sian Muan5. Ciin Sian Tuang 11. Nang Sian Tuang6. Man Deih Ning 12. Mung Sian Mang
ZAM Thupuak PDF File
ZATO VAI BUAIPIH TENG
1. Thang Kap Piang(Saizang) Ampang Hospit2. Nian Ngaih Ciin(Selbung) Klang Hospital3. Man Lam Niang(Mualpi) ACTS 4. Thang Suan Khup(Vanglai) HKL5. Dim Ngaih Mang(Nahnuai) Sungaibuloh 6. Kam Gin Tuang(Saizang) UKM7. Dim En Ciin(Singgial) HEI8. Maria Niang Ngaih Nuam(Lungtak)SungaiBuloh9. Suan Go Mung(Singgial) Hospital Salayang10. Lian Sian Nuam(Singlei) Sungaibuloh
ZAM MEMBER TE A DING NASEP
HONG KONG RESTAURANTKhasum 1100++, An leh omna piaNasep hun :10AM to 10pm (Sun nai 2 sung khawl)Kal khat khat vei off. ADDRESS:sunway pyramid(3guys)Contact : Sia Khuppi 016 3838 014
Comment piaknop aomleh...