ZAM Thupuak
ZAM :: Zomi Association of Malaysia
United States Ngeina le Dan Thusinna Khutzat Laibu : ZOMI
Khen Thumna
Khenpi Thumna
Hello America! US Gamthu Pulakna (Azom)
America tawh kisai
America gam pen gam tuamtuam pan ava pemta, ateng mite’ nopsakna mun (gam) hi-in, minam tuamtuam tawh ki makaih, ki pawlkhawmin, ki thutuak takin ading gam ahi hi. America te nuntakzia, geina leh sumzon paaizon nate ah gamdang pan a, pemta minam te in amau siamna/hihtheih bangbang gawmkhawm a kipumkhatna ah a hoih theithei in sepkhiat ding thupi sak uhhi. Ahi zongin America gam mimal khempeuh in tangpi thu-up uh thupi a sakdiak uh thu khat om a, tua in nasep hahkatna leh thumanna pen thupi sak mahmah uhhi.
America gam pen hamphatna ding kihonna gam hi ci-in kigen hi. Mi khempeuh deidanna omlo in hamphatna, gualzawhna ding lampi ki honsakna gam hi.
American Dialkhaipi
America te dialkhai pen vangliatna, akang leh asan kihelhin aksite pen gualzawhna lim etsakna hi ci’n kithei hi.
Gam Leitang
America gam pen leitung ah gam gol pen thumna hi. Ni suahna pan ni tumna kikaal kilometer 4,500 sau (zai) in, Sak (leilu) pan Khang (leitaw kilometer 1,500 sau, zai (lian) hi. Gamgol (liat) na hangin khuahun leh mun leh mual te pen ki lamdang hi.
Tua ahih manin gam mangtulak, mual, zanglei gol, sehnel gam, zanglei tam dide gam, lei nomgam cih bangin kikhen hi. Mitam tenna mun pen nisuah na saklam leh California nitumna lam tuipi gei tengah tamten pen uhhi.
Khuahun
A tangpi-in khua hun pen lumlualo, votlualo hi. Ahi zong amun leh amual, mite tawh ki zui-in khua hun a tuamtuam om hi. U.S ah khuahun khen 4 in kikhen hi.
Phalbi leh khuakhal kikal hun (Spring): (March-May) huih dam nung, khualum pian, guahzu.
Khuakhal hun (Summer): (June-August) Mun tam zawte ah lum, a diakin leitaw lam.
Khuakhal-Phalbi (Autumn/Fall): (Sep.-Nov.) singteh te naipak in pulhkhia hi. Khua hong vot pianta, a diak in leilu lam ah.
Phalbi (Winter): (Nov.-Feb.) leilu lam vukkia in vot mahmah, ahi zongin leitaw lam khuahun hoih bek.
America Gamkhente
America gam pen gam khen 50 ki gawmkhawm gam hi-in, leilu America gampi (continent) sungah gam khen 48 om hi. Alaska leh Hawaii pen tang om hi. Gam i khuapi pen Washington D.C (District of Columbia-Columbia). Gam khenkhat ciang laimal nihta atom a genna nei hi.
State Capital
Alabama AL Montgomery
Alaska AK Juneau
Arizona AZ Phoenix
Arkansas AR Little Rock
California CA Sacramento
Colorado CO Denver
Connecticut CT Hartford
Delaware DE Dover
Florida FL Tallahassee
Georgia GA Atlanta
Hawaii HI Honolulu
Idaho ID Boise
Illinois IL Springfield
Indiana IN Indianapolis
Iowa IA Des Moines
Kansas KS Topeka
Kentucky KY Frankford
Louisiana LA Baton Rouge
Maine ME Augusta
Maryland MD Annapolis
Massachusetts MA Boston
Michigan MI Lansing
Minnesota MN St. Paul
Mississippi MS Jackson
Missouri MO Jefferson City
Montana MT Helena
Nebraska NE Lincoln
Nevada NV Carson City
New Hampshire NH Concord
New Jersey NJ Trenton
New Mexico NM Santa Fe
New York NY Albany
North Carolina NC Raleigh
North Dakota ND Bismarck
Ohio OH Columbus
Oklahoma OK Oklahoma City
Oregon OR Salem
Pennsylvania PA Harrisburg
Rhode Island RI Providence
South Carolina SC Columbia
South Dakota SD Pierre
Tennessee TN Nashville
Texas TX Austin
Utah UT Salt Lake City
Vermont VT Montpelier
Virginia VA Richmond
Washington WA Olympia
West Virginia WV Charleston
Wisconsin WI Madison
Wyoming WY Cheyenne
Mun le gam zui a hunte
America gam gol mahmah ahih manin naisatdan/ khendan zong pawl khat nei hi. NewYork Khuapi ah zinglam nai 10 a sat laitak in Los Angeles ah zingsang 7:00 sat pan hi. Gamkhen khempeuh phialin nai satzah sangin naikhat a manlangzaw hun zang uhhi. Tua ahih manin phalbi leh khuakhal kipat (Spring) hunah nai pen, nai khat a manlangzaw in kikoih in, khuakhal leh phalbi (Fall) kikal hun teh nai khat kizekai sakkik hi.
American Gammi
American gammi pen tan (310) phial pha in, Sen leh India gamte khit teh leitung mi tam pen thumna hi.
Kumsim in gam 200 val panin mitulzaguk pan tulzagiat (600,000 – 800,000) bang tung/lutin teng uhhi.
A sawt nailo kumpi ten a pem US gamah galtai mi tul sawm nga (50,000) bang lutsak uhhi. Atam zaw Asia nisuahna leh Asia leitaw kikal gamte pan hi in ah (tul sawm le tulgiat 18,000 bang kum simin lutsak uh hi).
American mi 100 ah 68 (68%) pen mikang mi hi in, 12% pen African American (mivom) te hi in, 15% pen Spain pau zangmi-Hispan (Latino) ki ci-in, 5% pen Asia gam pan hi.
10% sang atam zaw US gam pua ah suak uhhi. Gampua pan gam pem mi a tamna leh mi neu te nau tam neihna hang in, tu zawh kum 2050 teh US gam mite a lang sang atamzaw pen mikang mi hilo ding hi kici hi.
American Innkuante
Nu leh pa leh tanu/tapa 3 innkuan banah adang innkuan nam tuamtuam zong muding hi teh. Nu/pa khat bek om innkuan sang (laiguizom lian ahilo) te bulphuh innkuan, nu leh nu makaih na/pa leh pa makaihna innkuan cih bang te pen US ah a lamdang in ngaihsun lo uhhi.
American innkuante pen a tangpi-in innkuan tawm in ta 1 le 2 bek nei uhhi. Nupa tampi in ta neih loh ding tel zaw uhhi.
Nupa kikhen pen tam mahmah in 40-50% nupa pen ki khen kik uhhi. Hih pen khangthak ta ding in mei am tawh bik bang a meima, liamna khat hi mawk hi.
American ah innkuan kimin tengkhawm cih omlo in, piteek puteek tuamte’n ahih kei leh piteek, puteek koihna-ah koih uhhi.
Nupa kiteenna-ah minam tuam mivom, mikang, nampi, namneu kiteng.
Neih leh lam kikhia lua biakna kibanglo cih poisa loin kiteeng lel uhhi. Hih pen a lamdang hilo hi, tangpi zat hilel hi.
U.S ah innkuan i tavuan/vaisai dan pen no i ngei na tawh kibang lo thei ding hi. Gtn: innsung papipa in van lei, anhuan, inn hah, aih keh nau kem cih bang pen a ngei na hilo hi. Naupang kum 10 valte in zong sang kah kawm in na semkawm uhhi.
Zopzop lai ding…
Zomi Cup 2015 ading ki muhkhopna
December 1 ni sun nai 1pm in ZAM Hall ah Zomi Cup 2015 kihel ding khua kipawlna makaite tawh ki muhkhopna ki nei-in anuai abangin thukimna kinei hi. December 8 ni 1pm in group khenna kinei ding ahih manin Team khat pan a tawmpen khat nong kihel hamtang nading un kong zasak lai uhhi.
Dotbehnop a om leh kizopna ding:
Hau Suan Khai 012 367 4665
Sia Kam Mung 016 995 6231
Sia Mangpu 019 510 6413
Tukal Palaai te buaipih diak teng
Cing Za Dim (Thalmual) 28 November ni-in Ampang zatopi ah ki buaipih.
Zam Sian Mung (Tuitawh) 1 December ni-in Tzu Chi leh ACTS ah ki buaipih.
Niang Deih Sian (Haupi) 2 December ni-in Serdang zatopi ah ki buaipih.
Thang Za Tuang (Vangteh), Man Sial Mang (Lailo) 4 December ni-in Ampang zatopi ah ki buaipih.
Tual Khup (Kapteel), Sawm Pau (Kapteel) leh Kam Sian Khual (Kapteel) Kelana Jaya pan thong ah ki buaipih.
Kham Sian Pau leh Don Suan Niang te nupa Cheras Operasi tawh kiman ki buaipih.
Don Suan Man leh Pau Za Khai te Kajang thong ah ki buaipih.
Pau Deih Tung, Khup Khen Kim, Kham Khua Khai, Lam Za Kap, Cing Man Lun, Cing Hoih Siam (Ngalbual) Mi 7 te 2 December ni-in Court ah va kivan a 08 December ni-in court ah ki pai kik ding hi.
Khup Thawn Sang, Mang Khan Thang leh Gin Do Khai (Malsuangzang) te Jinjang lockup ah ki buaipih.
Lam Deih Cin Thang Sungai Buloh thongah kivan.
Pau Mung Tawng, Langh Za Sing, Lian Sian Gin leh Zam Thawn Kim hih teng a vai uh kikan laitak.
ZAM zumpi pan dahpihna
Dampi khuami, Bawithang beh, Pa Run Din Piang (ACR/Tedim 13-65034) leh Ngalbual khuami Tawmbing beh, Nu Lun Sian Vung (ZAM-21861) te’ tapa Lal Muan Sang pen 04 December 2014 ni-in Sungai Buloh zatopi ah suak a, ah suahkhit phetin anuntakna beikik pah ahih manin ZAM zumpi panin zumvai khempeuh a kisep khit ciangin 05 December 2014 Friday in Sungai Buloh hanmual ah lungkim huai takin nauno Sanga luanghawm kivui thei hi. ZSM ah alutmanlo suaktung aa asi pah naungek te adingin Nu leh Pa’ lunggulhna om bangin ZSM zumpi panin kisepsak tawntung ahihi. Adah akap Nu leh Pa tawh kibangin Zomi zumpi panin ih dahkhawmna ih pulak hi. Topa’ hehnepna athakin hong tungta hen.
Na lung hihmawh khazel hiam?
Malaysia gamsung a om Zomi te nasep na hang maw, lamkal lauhuai na hang maw, haksatna khatpeuh hangin Zomi zumpi tawh kizopna nei kha man nailo a, sihna tawh kisai buaina haksatna khatpeuh na tuahkhak zenzen leh maizum omlo, kisuan na omlo suakta takin zumpi nong zaksak nangun ih ki zasak kikkik hi. NANG pen Zomi na hih manin nabuaina, nadahna leh na dongtuahna hun te ah Zomi zumpi panin hong panpih dingin palaai nasem te kigingsa in om ahih lam manggilh kei-in la lungmuang lel in. Migam milei ah kei bek, kobek haksatna tuak ing/ung ci-in thanem kei-in nang hong panpih dingin Zomi zumpi in na nungah hong en gige hi.
ZSM kumcin kikhoppi leh palaai kiteelna om ding
ZSM in kumsim a kinei denkumcin kikhoppi leh kumkik palaai sem ding kiteelna neih dingin thukim na kinei a, a ni dingin 29 December 2014 ni, 11:00am-3:00pm sung dingin khensat na kinei hi.
ZSM palaai sem ding min kipia theita
Ih theihsa bangmah in ZSM kilamzia pen kumsim mipi teelna tawh palaai ding kiguang hi a, EC (7) leh Thudotpi (6) kikoih den ahihi. Tua bangmah in 2015 kum sung ZSM palaai ding te zong kiteel na omkik ding ahih manin Zomi ading deihsak na leh sepnopna nei nasak a om leh na khua kipawlna sung pan, Pawlpi sung panin makaite in anuai a Thudotpi te tungah nong zaksak nangun zahtak na lianpi tawh kong tangko uhhi.
Minpiak na ding:
Rev.. Cin Sian Pau 0173291810 leh Pa Dai Kam019 338 5142tungah anunung pen 21 December 2014 ni hi ding hi. Malay pau ahih kei leh mangpau khat zawzaw azang thei hi hamtang leh hoih ding a, free volunteer a kipia khia nuam hi ding.
ZSM kumcin kikhoppi leh palaai om ding
ZSM in kumsim a kinei denkumcin kikhoppi leh kumkik palaai sem ding kiteel na neih dingin thukim na kinei a, a ni dingin 29 December 2014 ni, 11:00am-3:00pm sung dingin khensatna kinei hi.
2015 kum ZSM lutna laibu kingahta
Maikum 2015 kum ZSM lutna ding form pen zumpi ah ki ngahta hi. Khua kipawlna, Pawlpi te panin makai te ahi zongin mimal in ahi zongin kila theita hi. 2015 kum ZSM lutna ding RM10 hi nawnlo in RM20 dingin OB & Advisor meeting thukhetsat na tawh ki kipsak hi. Bang hanghiam cih leh hanleitang man khanglua aa mikhat kivuina RM4800.00 bang bei ahih manin RM10 tawh kizonawnlo ahih man ahihi. 2014 kum Dec 5 ni ciang ZSM zumpi panin Zomi sinsen misi (44) in kiciamteh venvan mawk ih hih manin Zomi sungah damna mahmah hong om nangin thungetna tawh mapang ciat ni.
KLIA Camp ah thong kiate kiveh ding
December 10 ni ciangin Zomi thongkia KLIA camp a omte kiveh ding ahih manin KLIA camp a meltheih thongkia anei te’n amin leh body numbat ZAM zumpi ah hong pia un.
Na tangthu ciamteh suak hamtang in
Na tangthu pen na interview sungbek ciamteh ding hilo a, gam thumna natun khit ciangzong kizang toto ding ahih manin ciamteh suaksawm in.
ZAM zumpi pan lungdam pihna
ZAM Advisor Pu Gin Khua Thawng (Tonzang) te nupa in atate omna gam USA ah December 01 nitak in UNHCR vaihawmna tawh hong lensan ta uhhi. Malaysia a om sungin ZAM ah minam adingin deihsakna tawh ahun leh ni te piakhia in ahih theih zahin Advisor panmun tawh ma hong panpih thu ngaihsutna kicing, thukhual mahmah khat ahihi.
Sia Thang En Thawn (Phaiza) leh azi Sianu Niang Saan Nuam te innkuan in UNHCR vaihawm sakna tawh USA gamah December 04 ni-in hong lensan ta uhhi. Sia Thang En Thawn in ZEC-Cheras ah Zomi naupangte pattahna ah kum 4 sung sitset citak takin semin, Sianu Niang Saan Nuam in kum 2 sung citak takin a sep khitzawh uh ciangin a tupna uh USA ah hong lensan ta ahih manin ki lungdam pih mahmah hi.
ZAM zumah leitheih tuamtuam
(1) English to Zomi Dictionary RM50
Zolai Siangtho RM40
Kawllai Siangtho RM30
Galhiam Labu RM30
Namsiaza RM20
CD/DVD tuamtuam RM10
ZAM Card tawi Zomi te ading nasep
Klang seafood sai a sem ding Malay pau thei mi 4 kideih. Khasum RM900/. Omna leh anpia.
Serdang setzung (factory) a sem Zomi pasal citak 3 kideih. Omna pia, an pialo.
Alunglutte kizopna ding: Mangpu 019 510 6413
Lungdamkohna
Langh Khan Hang (Lailo) in tukal Thupuak bawlna ding RM50 hongpia ahih manin ki lungdam mahmah hi.
Dal Sawm Piang (Anlangh) te innkuan in tukal Thupuak bawlna ding RM50 hongpia khia ahih manin ki lungdam mahmah hi.
January 4, 2014 pen Suanghoih Khua kipawlna (SNO-Malaysia) bawl zawh kum 10 cinna (Tin Jubilee) hong makaih Topa tung lungdamkohna in ZAM Thupuak aa ding sum RM50 hong pia hi.
Gamsung gampua leitung muntuamtuam pan ZAM nasepna te tha napiak nopleh lungdamtak in hongkisang ding hi.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...