ZAM Thupuak :: 03 Mar 19 (Australia leh UN ulian tetawh kimuhna)

ZAM Thupuak :: 03 Mar 19 (Australia leh UN ulian tetawh kimuhna)

UNHCR REPRESENTATIVE LEH AUSTRALIA HIGH COMMISSIONER TAWH KIMUKHOPNA KINEI :: Australia Senator Dean Smith I makaih na nuai ah Chin States sung a om Community makai te ahi Independent Chin Communities (ICC), Chin Human Rights Organization (CHRO) leh Australia Chin Federation (ACF) te leh United Nations High Commissioner for Refugee (UNHCR), Australia High Commissioner (Malaysia) te kimuh khopna 01 March 2019 ni in Malaysia gam Kuala Lumpur Khuapi ah kinei thei hi.

1. Mr. Thomas Albrecht, Chief Mission, United High Commissioner for Refugee, Malaysia leh

2. Mr. Michael Growder, Deputy High Commissioner, Australia High Commission Malaysia te tawh kamkupna nei thei uh hi.

ICC, CHRO leh ACF te leh UNHCR, Australia High Commissioner te tawh a nuai a thulu te zui in kikupna nei thei uh hi.

(1) Gambel mite tawh kisai thu

Gambel mite vai tawh kisai in adiak in Chin State pan hong pai gambel mite 2019 khawlsak ding tawh kisai in kikupna kinei a, UNHCR lam pan in hih vai ah enphat kikna ka bawl lai tak uh hi a, policy thak tawh kikal suan ding hi ci in hong gen hi. (Note : a cing zaw in hong suak sak lai nung)

(2) Asylum Seeker te tawh kisai

Asylum Seeker te vai tawh kisai in zong kikupna kinei thei a, reject na a ngah sa te RSD a phi kik theih nang leh a dang tuamtuam ngetna kinei thei hi.

(3) Registration vai tawh kisai

Hih vai tawh kisai in nausuak thakte anu apa te file ah kigawm theih nading leh UNHCR pan in mithak lak kik na’ng kingen hi.

(4) Protection vai tawh kisai

Chin State sung pan hong pai gambel mite peuh mah Lahwahkah Camp pan in zawh thawh thu tawh kawlgam a kipuak loh nading cih te kigen thei hi.

2019 ZSM LAIBU KINGAH TA HI :: Malaysia zomi Genvai Kipawlna (ZSM) 2019 a ding ki lut thei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipih te a panpih, a dah akap hun ah a khitui anulsak na hi gige hi. Hih ZSM ah member na lutna in nang ading apia na hikei a, panpihna akisamte apanpihna hizaw hi. 2018 sungin zong tu ciang ciang Zomi pih te luang (20) val bang lei ah I tuh theih na in nang leh kei I pankhopna ahih bang mah in mailam ah zong mapang khawm lai dingin zong kong zawn phapha uhhi.

UNHCR ZUM AH VAI DAWP THEIH NI TE

• Health Unit (Cidamna lamtawh kisai huh ngetna)
• Monday, Tuesday, Thursday 8:00Am-12:00Noon
• Durable Solution (RST)
• Friday (Mi 50) ciang bek
• Education Unit
• (Monday, Wednesday 11:00Am-12:00PM
• Livelihood Unite
• Wednesday, Friday 10:00Am-2:00PM
• Protection Unit (Kimat kihen tawh kisai)
• Monday to Friday 8:00AM-11:00AM

INTERVIEW NA PAI CIANG : Tulaitak a diakdiakin RSC leh DHS interview te kinawh sap mahmah ta hi. Tua ahih manin interview na pai ciangin pelloin na theih ding thu pawl khat hong om hamtang hi. Tulai tak pen ei ading hun nunung hong hi ta ahih manin interview ah ki ginglo pi a na pai na pen nang leh nang a kibawlsia tawh a kibang na hih lam phawk gige in. Tua ahih manin hun hoih lo sungah I mailam kalsuan na ding te ei mau mahmah in a hoihpen ding in hancia tek ni.

1. Thu hong kidong te hoih tak tel lopi in dawng kik kei hamtangin. (upmawh dawn or mangsia khiat in khiain dawng kei in) Telmel lopi in upmawhna dawnna in na zum vai hong kikhel sak thei cih phawk gige

2. Kamphen te in pau telcian lo ahih kei leh nang lam panin kamphen te pau telcian loh na khat a om khak leh zong kisuangtaklo tak mah in kitel kei ci-in gen lel in. Tua bangin na sianggen na hangin nang a ding buaina bang mah om tuanlo ding hi.

3. Pawl khat in ei khua awsuah/awkaih tawh I pau ciangin kamlet pawl khat in zong tello thei hi. Tua bang hun ciangin kamlet pawl khat in Tedim pau in pau in ci in tai cih zong kiza thei a, ahi zongin kamphen te mahmah in zong nang pau hong tel ding zong a thupi a hih lam phawk hamtangin. Kammal khat kitelkhial leh zong I vai pi khat ki pelh thei hi.

4. Zomi ahi lo namdang te in kamlet hong sep a, a pau na tel kei leh zong tello cih siangtakin gen pah zaw in.

5. RSC officer a tam zaw in Malay pau zong tel ahih manin a thugen te na tel kei leh Malay pau tawh zong na tel lohna gen kik zaw lel in.

6. DHS na interview ciang hong dotna na tel kei leh na tel dong dong kik kik lel in. Tua bangin dot kik hangin bang mah buaina om tuan lo hi.

LUNGDAM KOHNA : 2019 Zomi Nam Ni I bawl zawh na dingin Khua, Pawlpi leh mimal in I kipia khia in I mapan khopna hang bek ahihi. A mapang khawm khempeuh tungah lungdamna lianpi Zomi Nam Ni Committee pan in kong pulak khia uh hi. Zomi Nam Ni a hong pia THUPUAK pan a kisuak sak nailo te 1. Phaileng Khua Kipawlna RM200

ZAM ZUM AH KILEI THEI : ZAM zumpi ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlai san, Zokhi, Tanghciin, Khephiau, Zolukhu, Zothungkua -h, Zodial cihte akipan naupang puan tuamtuam te deih zahzah kilei thei hi. Tua bek loin khui tuamtuam leh anuai a laibu te zong kilei thei hi.

ZAM ZUM AH HONG HAWH

Tuithang Khuami Chin State Parliament ah MP khat ahi Pu Thang Deih Khup in Malaysia hong zin sungin Zomi te a it a veina tawh kizui in ZAM zum ah hong hawh in minam vai kalsuan zia, kawlgam dinmun leh Malaysia a om Zomi te ading tawh kisai thu tampi kikup khopna kinei thei a, MP pu in zong thungetsakna hong nei hi. Tua bek thamloin ZAM zum a dingin RM100 zong hong pia khia lai ahih manin lungdam na lianpi I pulak hi. Topa’n Zogam Zomi adingin hong zang semsem laita hen.

Tukum 2019 January leh February kha nih sung thong/lockup leh palik zum pan tatkhiat theih teng

1. Nang Za Langh (Khiang zang) Leisure mall pan kiman IPD Cheras palik zumpi lockup pan ki honkhia.

2. Pau Sian Khual (Khiangzang) Leisure mall pan kiman IPD Cheras palik zumpi lockup pan ki honkhia.

3. Thang Za Kap (Tungzang) Leisure mall pan kiman IPD Cheras palik zumpi lockup pan ki honkhia.

4. Kap Sian Hau (Tauleng) Leisure mall pan kiman IPD Cheras palik zumpi lockup pan ki honkhia.

5. Pau Cin Khai (Tungzang) Sunway palik zum pan ki honkhia.

6. Khen Suan Lian (Tungzang) Sunway palik zum pan ki honkhia.

7. Mang Do Sang (Tungzang) Klang Utama pan kiman, Shahalam palik zumpi lockup pan ki honkhia.

8. Cing Gin Nuam (Tuithang) MyRC Card tawi Mahka -mah(Court) Kuala lumpur pan ki honkhia.

9. Lien Muan Piang (Salzang) MyRC Card tawi Mahka -mah(Court) Selayang pan ki honkhia.

10. Khai Khan Thang (Tuisau) UNHCR laidal tawi Mahka -mah(Court) Selayang pan ki honkhia.

11. Hau Lian Kap (KhiangKan) MyRC Card tawi Mahka -mah (Court)Selayang pan ki honkhia.

11. Lang Suan Khai (Phuntong) UNHCR Card tawi Mahkamah(Court)Selayang pan ki honkhia.

12. Thang Kap Mang (salzang) Kepong pan kiman, Mahkamah(Court)Selayang pan ki honkhia.

13. Pau Boih (ZoSuan)Setapak palik zum pan kihon khia.

14. Zam Khaw Khai (Ngente) Kepong ah operasi tawh kiman palik zum pan tulkhat tawh ki honkhia.

15. Thang Za Sawm (Tonsim) Kepong ah operasi tawh kiman palik zum pan tulkhat tawh ki honkhia.

16. Sia Khai Deih (Darkhai) Kepong ah operasi tawh ki man palik zum pan tulkhat tawh ki honkhia.

2019 kha nih sung Camp pan kawlgam ciahsak teng.

1. Kap Tual Pau (Suangpi) Lengeng Camp pan kawlgam ciah thei.

2. Pau Za Khai (Suangpi) Lengeng Camp pan kawlgam ciah thei. ZBCM pawlpi in a sum sik.

3. Khup Sian Tang (Tedim)KLIA Camp pan kawlgam ciah thei. ZAC pawlpi Hangtuah Homecell in a Sum sik.

4. Thang Lian Khup(Tahan)Semunyih Camp pan kawlgam ciah thei.ZAC Pawlpi in a sumsik.

5. Khen Deih Mung(Zonuamzang) Bukit Jalil Camp pan kawlgam ciah thei.

Camp pan Kawlgam ciah na ding Sum tuansak leh Buaipih laitak teng

1. En Mun Lian Tanahmera Camp pan aciahnang Sum thunsak.

2. Cin Khen Kap (Lailui) Bukit Jalil Camp pan aciah nang Sum kithun sak.

3. Mung Ngaih Lian(Tonsim) Bukit Jalil Camp pan aciahnang Sum thunsak. Pa Gomang te innkuan in a sumsik.

4. Kap Deih Cin(Zozang) Bukit Jalil Camp pan aciah nang Sum thunsak. Zomi innkuan Rawang pawlpi in a sum sik.

MYRC tawh kiman Makahmah(Court) pan tatkhiat lai ding te.

1. Thang Suan Muan(Tuithang) PJ Makamah(Court) buaipih lai tak.

2. Hau Lian Mang(Tongsial) Pandan indah Makahmah (Court) ah buaipih laitak.

Deihloh pen in kimat kihen natuakkhak zenzen uh leh hong ko pah un, hih theihzah sitlo in hong kivan ding hi. Zum pan mitatman cihbang sum kingenloin, sum a tawm bei thei pen ding in, hong kivaihawmpih ding hi.

KIDAWM CIAT NI :: Malaysia om Zomi pih a kua ma ciat I omna gam huih nun zia tawh kizui in kidawm ciat ni cih hong za sak phapha ung. Kimat kihen hong tam mahmah in, a mun mun ah oparasi hong lut pahpah ahih manin vaksuk vaktoh, hawhsuk hawhtoh na ah kidawm ni. I om na veng kim veng pam ah zong kidawm sa in om ciat ni. Kiim leh pam a om mite in hong muh khialh loh dingin I om dan I khawl dan te kikem siam kawm sa in om ciat ni. Vai thupi mahmah lobuang zong vakvak kei zaw leng hoih zaw ding hi. A zenzen in kimat kihen na khat na tuak leh ZAM zum ah hong zasak pah in. Contact – Sia Tuangpu 016 254 4093 – ZAM hotline 016 293 9027

KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. te ah na hopih pah in. Nang a dingin a kiging sa in om den ding uh hi. Sia Tuang Pu : 016 254 4093

UNHCR ZUM PAN PHONE HONG KISAP CIANG : UNHCR zum pan in phone hong kisap ciangin hong sapna mun (RSD,DSU/RST/RSC/OPE, DHS ..etc) dong hamtang inla, bangvai tawh hong sam cih zong dot ding manggilh kei in. Phone hong kiho ciangin zong hoih takin kiging kawm sa in dawng kik inla, thudot hong neih leh zong na zum vai tawh a kipelh loh ding hoih tak ngaihsun kawm sa in dawng kik hamtangin. Kam khat I dawn khialh na tawh supna tampi piang thei hi.

NASEP LAM TAWH KISAI : Zomi nasep neilote in nasep tuamtuam om hi. A lunglut leh dot nop aneite in Sia Khuppi— 016 3838 014, 011 3563 2059

TUKAL SUNG ZATO LAM BUAIPIH

1. Cinh Ngaih Khawm (Thalmual) Damai Service Hospital ah kibuaipih

2. Dai Sian Cing (Mualzang) Sungai Buloh Hospital ah kibuaipih in UNHCR zum ah appointment kingah sak.

ZATO LAM TAWH KISAI Zato lam tawh kisaiin vai khat peuh na neih leh Contact :Sia Mungpi 018 3122 957

LUNGDAM KOHNA

1. Sia Thang Sian Hau (Tedim) RM50

2. Pu Thang Deih Khup (Tuithang) RM100

Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi danin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hongpia tahen.

WELCOME TO ZAM

Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang nading un itna lianpi tawh kong zawn uh hi.