ZAM Thupuak :: 02 Jun 2019 (Pilvang kawmin kidawm ni)

ZAM Thupuak :: 02 Jun 2019 (Pilvang kawmin kidawm ni)

PILVANG KAWM IN KIDAWM NI :: Ih omna Malaysia gam mi te ih anntan hun (Ramadan) pen May 5, 2019 pan June 3, 2019 sung hi ding ahih manin ih omna ah pilvangtak leh kidawm takin ih om ding thupi hi. Biakna tawh kisai hun sung ahihna tawh kizui-in amau muhna ah et lawmlo dingte kidawm kawm sa in pilvang takin om ciat ni.

Malaysia om Zomipih a kuamaciat ih omna gam huih nun zia tawh kizui-in kidawm ciatni cih hong zasak pha pha ung. Kimat kihen hong tam mahmah in, amunmun ah oparasi hong lut pahpah ahihmanin vaksuk vaktoh, hawh suk hawhtohna ah kidawm ni. Ih omna veng kim veng pam ah zong kidawmsa in om ciat ni. Kiim leh pam a om mite in hong muh khialh loh dingin I om dan I khawldante kikem siam kawmsa in om ciatni. Vai thupi mahmah lobuang zong vakvak kei zaw leng hoih zaw ding hi. Grab tawh na vak leh zong na tuan ding motor hawlte hoihtak teelsiam lecin nang a ding hoih pen ding hi. A diadiakin mitamna munte ah tam vak kei leng ei ading hoih pen zaw ding hi. A zenzen in kimat kihen na khat natuak leh ZAM zum ah hong zasak pah in.

HUHNGETNA

Chin State khanglam Palewa Township sungah AA te leh Kawlgam galkapte kidona hangin mimal 1000 val bang galtai in om uhhi. Gamsungah bu in om uh ahih manin natna tuamtuam in bawmpah a, ann nek tuidawn ding leh zatui zaha ding tampitak kisam uh hi.

Hih galtai ih sanggamte a huh thei dingin Pasian in eite hong kem in thupha hong pia ahih manin lungdam ih ko a, tua tawh kizui in amaute ih itna leh ih hehpihna tawh ih kizawh zahzah panpih ciat dingin ih kizasak hi. Aci

-mawh a hamsa mite tungah ih piakna pen Pasian tung ah a pia mah ih hihi. Huhna sum a tawm atam hilo in ih ngah zahzah pen Malaysia a om Palewa makaite khut tungah ki-ap ding hi.

Pawlpi, Khua kipawlna leh mimal mahmah in hih sang gamte panpih nuam, huh nuam ing aci te in ZAM zum ah panpihna nong piak nading uh hong zawn phapha ung.

Pasian in Zomi te thupha hong pia in midangte a huh zo ding dinmun ah hong koih ahih manin hong piak thupha te metbawl in ih huh theih ding mite huh ciat ni cih zong ih ki hanthawn hi.

Palewa galtai te ading huhna hong piasa teng

• 1. ZAM zumpan RM300
• 2. Lalta Khua Kipawlna RM100
• 3. Nu Vung Tom RM20
• 4. Pa Kham Kap (Gamngai) RM100
• 5. Zomi Innkuan Rawang RM500
• 6. Ngin Khan Lian (Mualbeem) RM100
• 7. Mualbeem Innkuan Malaysia RM100
• 8. Michael Khai (Suangpi) RM50
• 9. MZCC Pawlpi RM1,000
• 10. Gin Lo Piang (Haupi) RM30
• 11. ZCCM (St. Francis BEC Klang) RM300
• 12. Thang En Lian (Kawlzozang) RM10
• 13. Nu Niang (Tahan) RM50
• 14. ZCCM Pawlpi RM300
• 15. VLA Pawlpi RM150
• 16. Khup Za Dal (Vongmual) RM100
• 17. Pau Dal Khup (Vongmual) RM50
• 18. Tonzang Mualpi Khua Kipawlna RM200

WELCOME TO ZAM

Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang in thapiakna leh idea tuamtuam piakna nong neih na dingun kong zawn phapha uhhi.

ZAM ZUM AH KILEI THEI

ZAM zumpi ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlaisan, Zokhi, Tanghciin, Khephiau, Zolukhu, Zothungkuah, Zodial cihte akipan naupang puan tuamtuam te deih zahzah kilei thei hi. Tua bek loin khui tuamtuam leh anuai a laibu te zong kilei thei hi.

TUKAL SUNG ZATO LAM BUAIPIH

• 1. Mung Suan Langh (Laibung) ACTS ah
• 2. Kam Lawh Cing (Tahan) Kajang Hospital ah
• 3. Lian Zom Kham (Khuadam) Banting Hospital ah

ZATO LAM TAWH KISAI

Zato lam tawh kisaiin vai khat peuh na neih leh Contact :Sia Mungpi 018 3122 957

TUKAL THONG LAM BUAIPIH

1. Nang Lian Mang (Tahan-Munlai) – Pa Zam Khan Lian, Nu Ngai Sian Cing ciah na ding RM650 pen Mualbeem Khuami Zam Ngaih Lian in thongkia in a huh ding omlo te panpih na ding hong piak sum tawh kipiak sak in a sawt loin ciah thei ta ding hi.

KIMAT KIHEN NA TUAK LEH

Zomi te sungah kimat kihenna na tuak zenzen leh hih phone no. ah na hopih pah in. Nang a dingin a kigingsa in om denhi. Sia Tuang Pu : 016 254 4093

NASEP

Bangsar Shopping Center naupang kimawlna ah Casher ding leh acing ding (Guard) mi (5) kideih hi. Khasum RM1400, Omna pia, ann pia. Bangsar kim ah om in ei inn pan ih kuan nop leh innsap RM200 hong pia ding. Kha (3) ah khat vei Bonus 450 ta hong pia ding. Nasep hun nai 12 sung. Sun nai (1) sung khawl.

Bangsar Shopping Center ann sai ah annbuk sung sem ding mi (5) kideih hi. Khasum RM1400, Omna pia, ann pia. Bangsar kim ah om in ei inn pan ih kuan nop leh innsap RM200 hong pia ding. Kha (3) ah khat vei Bonus 450 ta hong pia ding. Nasep hun nai 12 sung. Sun nai (1) sung khawl.

Shah Alam, Section 14 Water Boom ah Guard sem ding. Khasum RM1400. Kal khat ah khat vei off. Nasep hun nai 12 sung hi in sun nai 1 sung khawl. Om leh ann pia.

Zomi nasep neilote in nasep tuamtuam om hi. A lunglut leh dot nop aneite in Sia Khuppi— 016 3838 014, 011 3563 2059

LUNGDAM KOHNA

1. Hau Kim Khual (Tuitum) RM50

Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi danin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hong pia tahen.