ZAM Thupuak :: 01 March 2015

South East Asiahuam sungah 2015 kum sung UNHCR te nasepzia ding lahna

1951 Refugee Convention pen South East Asia kipawlna sungpan gam thum bekin thukimpih uh a, tua thumte lakah gam khat bek in min na gelh mawk ahih manin Gambelmi leh Galtaai te aa dingin a kumkum in lungmuanna hong niam khiat suk tektek ta hi. Galtaai leh gambelmi a kiciahsak kik banah gam pawlkhat ah kumpi Upadi mahmah in zong gambel galtaai te gupna thu khauhpai saklo bek thamlo in tuipi leh tawnte aa dingin zong lampi ong hamsa sak mahmah ta hi.Tua kawmkalah tuipi tawn a pai galtaai mite a tamzaw in gunkuang nengneng cihte zangh uh ahihman in tuipi tungah tampi takin sih lawh uh hi.

Hih thute hangin UNHCR te nasep ding akibehlap hong suak hi. Galtaai gambelmi lah kibehlap semsem, a tamzaw in khuapi sungte ah phualsaat uh ahih manin gammi thuneite in Refugee hihna theihpih nuamlo uh a, gamsung lutsim danin ngaihsun in mattheih matmawh manin thong sung camp sung denna ziahziah lel uh hi. Tua khit ciangin tua bang a mi amatte uh gampua ah pawlkhat nilkhia in pawlkhatte amau gam tekah ciahsak kik uh hi. A matlohte zong gamsung thukhun mahmah in gumlo photphot ahih manin sum zong thalawh theilo uh a, sangkah theilo banah cidamna lamah zong niam mahmah uh hi. Rakhine gam sung buaina hangin zong kawlgam sungah inn leh lo neilo tampi tak a om banah gamdang ah tuipi lam tawn a taaikhia tam semsem hi. Tua te gamdang alut ding uh ciangin gammite in a kilawm lo zah ciang dongin a meltheihte tung pan un sum leh paai nangen lai uh hi.

UNHCR in galtaai mite khualna in a belhna uh gammi thuneite tawh mapang khawm in huhna panpihna piak ding geelna nei uh hi. Tua tawh ki zui-in galtaaite nasep theihna ding a kipan UN min khumna leh a ciahkik nuamte ciah kik sak ding maw gam thumna dong mainawt suak sak ding cihte khempeuh dongin ngiimna leh vaihawmna nei uh hi. Ngimna leh sepkhiatna te a tangzai semsem theihna dingin UNHCR in South East Asian Nations (ASEAN) tawh a kizopna omsa zomto suak ding hi.

Theihsa mah bangin Malaysia kumpi pen 1951 Refugee Convention ah na kihel lo hi. Tua ahih manin gambel galtaai mi peuhmah phalna omlo a gamsung lutsim in kingaihsun ahih manin nuntaak hamsa mahmah hi. UNHCR in gambel galtaai te thu mah kumpi sungah na gengen lai ding a, tawmvei sung ompakna ahih hangin lungmuang taka om theihna ding leh Labour Migration Scheme tawh ki zui-in galtaai gambelmi te’n zong na a sep theihna ding un hanciampih toto lai ding hi.

2015 kum sung aa zat ding Budget pen USD 157 Million kia hi. Hih sum teng ei South East Asia huam sunga UNHCR te zat ding sum ahi hi. Tua teng lakpan Kawlgam in a lemlawh khak ding pen USD 67,772,726 hi. Source : www.unhcr.org

Malaysia ah Zomi Nam Ni siim phei – 1

Kum dang mah bangin tukum zong Zomi Nam Ni hong tun ding ciangin Zomite tawh zat khawm ngeingai ding kilunggulh in kei mimal takin zong ka kithawi khol simsim hi. Singapore a om Zomi leh Malaysia ah om Zomi khempeuh in zangkhawm kik leng cih makaite ngaihsutna a om ciangin ‘pha ei’ ciin ka thukim pah a, tua tawh kitona pai ding… Read more >>>

Tukal Palaai te buaipih diak teng

⦁ Thang Ngaih Mang (Vangteh) 23 February ni-in Sungai Buloh thong ah ki buaipih.
⦁ Do Cin Thang (Mualbeem) 23 February in Sungai Buloh thongah ki buaipih.
⦁ Thang Lian Khai (Sakhankyi) Peka Nanas Camp a om pen UN ah avai ki puaksak.
⦁ Do Sian Langh (Zozaang) Bukit Jalil Camp panin ki buaipih.
⦁ Thang Biak Sang (Kapteel) Semenyih Camp a om pen UN ah avai ki puaksak.
⦁ Cin Lam Khai (Singunau) Sungai Buloh thong a om pen UN ah avai ki puaksak.
⦁ Cing Khan Huai (Bumzang) Pokok Senas thong a om pen UN ah avai ki puaksak.
⦁ Kham Deih Pau (Kapteel) Bukit Jalil Camp a om pen UN ah avai ki puaksak.
⦁ Thang Kho Muang (Lezang), 24 Feb. in ACTS/HUKM ah ki buaipih.
⦁ Lu Lun (Cikha), 25 Feb. in ACTS ah ki buaipih.
⦁ Ngo Ngai Lien (Heilei), Kam Sian Muang (Tungzang), 27 Feb. in IAD ah ki buaipih.
⦁ Thang Gin Mung (Lailo), 24 Feb. in Bukit Jalil Camp ah ki buaipih.
⦁ Do Suan Pau (Lailo), 25 Feb. in Bukit Jalil Camp ah ki buaihpih.
⦁ February 27 ni-in UNHCR-OPI ah anuai a thongkia mimal 19 te ki report sak thei.
Dong Khan Khai Gin Khan Pau
Thang Khan Kim Nang Za Mung
Pau Lam Tuang Thang Sian Tung
Thang Suan Sing Tual It Suang
Na Cin On Tual Cin
Lian Khat Sang Chin Kahi
Zen En Kim Niang Sian Sang
Vung Sian Lem Cing Pau Deih Tuang
Hau Lian Khual ZK. Ngo Khan Khup
Thang Lian Kai

Zomi Nam Ni Sum lutna & Zatna pulakna

Kidawm ciat ni

Na omna inn ah uniform silh limlim numei or pasal nih le thum in vai tuamtuam tawh inn sungah honglut sawm le na inn kongkhak pi hon vet kei in. Tuadan mite pen mi gilo te hi. Na neihsa sum le paai hong laksak ding uh hi. Tuate in anuai a thu te tawh kisai in hongpai ka hici vialdep nong zen ding hi.
⦁ Tui meter en ding
⦁ Na tui muuk te uh en ding
⦁ Mei vak / mei khau en ding
⦁ Tho kang om le omlo en ding
Na inn sung vua namsia teng hong thah sak etc….
Galkap, Palik, Rela, Immigration etc… te ii uniform silh a hongpai mai thei. Na muh phet in inn khak pah lel in. Inn kongkhak pi kalkham ding a cih ahih teitei le inn ka dawn pan awng veva lel in. Na ot veva na in nang ii nuntakna honghon khia a hizaw ding hi.

Tune Insurance te hong paikik ding

March 9 ni 9am-5pm kikal Tune Insurance te ZAM hall ah hong paikik leuleu ding ahih manin a leinuam khempeuh in ZAM hall ah nai 9am lapin hong pai un. Nong pai ciangin na UN card number, na UN man (photo) gei a number, suah ni, suah kha leh suah kum cihte kisam mahmah hi.

March kha antan thunget ni ding

Kha khat in khatvei ta Zomi bup antan thungetna pen hong tungding March 7, 2015 (Saturday) nai 10am pan 3pm ciang ZAM Hall ah kinei kik ding hi.
Kizopna ding:Sia Kamtawng017 361 0125

ZAM zumah leitheih tuamtuam

(1) English to Zomi Dictionary RM50
(2) Zolai Siangtho RM50
(3) Kawllai Siangtho RM30
(4) Galhiam Labu RM30
(5) Namsiaza RM20
(6) Zomi Nam Ni khui RM10

UN Sisitna mun

IOM MHD Malaysia
2nd Floor/Level 3 KPJ Healthcare
No 1, Jalan Pahang, 53000
Kuala Lumpur, Malaysia
General Line : 03-9235 5400

USA lengding te tentan kahna

F& B Business Park
18 Jalan Metro Pudu 2, Fraser Business Park
Jalan Pudu, 55100 KL, (Near LRT Chan Sow Lin)

Australia lengding te tentan kahna

A 14-6, Menara Atlas Plaza Pantai
Jalan Pantai, Rharu 59200 KL, Ph. 03-9235 5431

ZYA Kaamsinna letmat thapia ciat ni

Zomi Youth Association (ZYA-Kawlpi) in tu ni ciang sisan thawl 1,550 hawmkhin, motor tawh cina mi 490 val pua khin, Oxygen 450 kawmkhin uh a, a tangzai zaw a sepzawhna ding lungulhna tawh hih anuai a kaamsinna zuakin Malaysia a om Zomi te kiangah hong hawh uh hi.

Kaamsinna ngah theih ding teng

Special Prize : Leitang pi 60’x80’ (Ks. 9,000,000)
First Prize : Suaikhi pek 3 khai (Ks. 2,100,000)
Second Prize : Thai Mawtaw Cycle (Ks. 1,800,000)
Third Prize : iPhone 6 Plus (64GB)
(Ks. 1,200,000)
Other Prizes : Khatteh Ks. 500,000 ta ding
Keyboard 125 | Keyboard (YAMAHA 650)
Samsung Galaxy S-5| Laptop Computer
Super Cub (Jailing) | iPad (Mini)
Video Camera | Solar + Battery
Samsung Flat TV | Hollow Guitar
Khua kipawlna, Pawlpi leh mimal in thapiak sak ciat ni. Pauh ding lametna tawh leisaklo zawlo in panpihna tawh leisak ciat zaw ni. Nang panpihna tawh mi dang khatin nuntakna ngah ding hi. Malaysia a Zomi a kua mapeuh in hih ZYA nasepna ah kihel sawm ciat ni.
Kaamsinna 1 teh : RM15 bek
Apkik hun ding : March 5, 2015
Apkikna ding mun : ZAM zumpi

ZAM card tawite ading nasep

⦁ Sauce Empire Manufacturing Cheras sem ding numei leh pasal citak 6 kideih. Khasum RM1200. Omna pia, an pialo. Nasep hun, hun masa 8am-5:30pm, hun nihna 3pm-12am.
⦁ Damansara Coffee Shop a sem ding mi 3 kideih. Nasep hun 12 sung. OT om. Kal 1 khat vei off. Omna leh an pia.

Khasim Palaai thunget khopna
February 27 nitakin Rev. Dr. Daniel Pau Lian Mung te nupa in ZAM palaaite thunget khopna ah Pasian kammal tawh tha hongpia ahih manin tha kingah mahmah hi.

Lungdamkohna
⦁ Buanli khua kipawlna in ZAM zum nasepna panpihna in RM200 hong piakhia ahih manin ki lungdam mahmah hi.
⦁ Pangzang khuami Paan Khup (Sakollam) in tukal Thupuak bawlna ding RM50 hong pia khia kik leuleu ahih manin ki lungdam mahmah hi.
⦁ Gamsung gampua mun tuamtuam pan ZAM nasepna te tha na piak nopleh lungdamtak in hong kisang ding hi.

Kidawm ciat ni!

Tusung teng Malaysia mun khempeuh phialah mat leh hen omden ahih manin Zomi te ih hawhna ih ciahna ah kidawm in pilvaang ciat ni. UN Card nei tawh neilo tawh man uh ahih manin a kisam lua ahih kei naak leh vaak loh theih kisin ni.
Zopzop lai ding…

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…