ZAM Thupuak :: 01 Mar 20 (UNHCR minthak ngetnavai theihding)

ZAM Thupuak :: 01 Mar 20 (UNHCR minthak ngetnavai theihding)

UNHCR ZUM AH MIN THAK SAN NADING NGETNA A NEI TE THEIH DING

UNHCR zum pan in minthak san na a neih theih na dingin gelna nei uh a, ahi zongin nidang a bangin a lom a tangin in hawm lo ding in gel uh hi. Tua gelna tawh kizui in UNHCR pan in ei mimal mahmah in ei ma hamsatna leh UNHCR te in panpihna kisapna zia te I pulak theih na dingin lampi khat hong hong khia uhhi. Tua pen koi mah pai khiat kullo in I om na mun pan in Website tung tawn in I pulak nop te pulak theih na ding lampi ahi hi.

Tua tawh kizui in mitampi tak mah in hih website pan in UNHCR ah minthak san na ngah theih na dingin ei leh ei kipulakna kinei a, tua sung pan in tampi mah zong appointment ngah khin uh hi. Website pan UNHCR appointment late in kimatna khat na neih zenzen uh leh anuai a akisam teng kicing takin UNHCR zumpi I Department khat ahi CLU ah anuai a thu leh la teng tawh kipuak thei ding hi.

• Min :
• Kimatna mun leh a ni :
• Hong kipuakna mun :
• Phone No. :

UN appointment na lak lai a File No. (Hih no. Pen lotngah ding kisam a, zum pan a hih te in na min uh tawh zum ah kikan kik thei hi) Kimatna khat na neih zenzen leh hih thu teng tawh UNHCR-CLU ah puak hamtang in.

UNHCR ZUM PI AH APPOINTMENT LATE KI SAM SAM TA HI NA PHONE LIM TAK LEN IN

ZAM Zum pan in UNHCR ah appointment la in ih lai tin sakte Pawlkhat kisamsam omta a hihmanin,a kisam pawlkhat te in UNHCR pan in appointment ngahta uh a, UN laidal tawita uh hi. Tua kawmkal ah Phone contact kingahlo zong om lailai I hihmanin I phone tawi te hoihtak kidawm in Phone hong lutleh len ciat ni. Hong kisap leh Kawlgam pan na tai na leh Gambeel mi na hih na kiciantak in na gentheih ding hong kisam ding hi. Tua ban ah appointment na nget lai in na at thu tawh a kituak ahih hamtang ding zong hong kisam mahmah ding hi. Tua bang in hoihtak na gel siam theih kei leh a thei ding leh lam hong lak thei ding te kiang ahi zongin, ahih kei leh ZAM zum ah hong pai in kidong thei hi. Telbeh nop a om leh ZAM Office : 03 2142 6659 ZAM Hotline : 016 293 9027

PILVANG TAK IN OM NI

Tulaitak I omna gam ahi Malaysia gam sungah gamvai tawh kisai in buaina nengneng om ahih manin I om na ciat ah pilvang tak in om ciat ni.

A diakdiak in I omna inn te ah gamlum lua, veng leh pam nawnkai sak zah dongin I gamtat loh dingthupi mahmah hi.

I veng I pam leh midangte mit ah kilawmlo dingin gam ta loin om dan I siam ding hong thupi mahmah hi. Vai thupi mahmah a om kei leh zong vakvak selo in hoih tak in I omna ciat ah I om ding thupi hi. Lam block tuamtuam zong om denden ahih manin ei lam pan I ki dawm thei leng hoih pen ding hi.

Lampi ah I paiciangin zong gamdang mi I hih na a ki lang dingin pai luailuai, phone kiho sa in pai in a ngaih pipi in awngbaba cih te pawl zang kei hamtang in.

Mun tampi ah Oparasi lut kawikawi ahih manin I om na ciat ah kidawmtak, pilvangtak in om ding han ciam ni. A thukin lua mahmah ahih kei leh vakvak kei zaw ni. A diak diakin Immigration te leh CID te uniform silh loin vakvak uh a, tua tungtawnin pawl khat in sum zon nain hong nei lai uh hi. Hong pang kawikawi in tampi pi tawh hong kitan sak uh hi. I vak suk vaktohna ah kiim leh pam zong hoih takin I et theih ding hong thupi hi.

KOTA RAYA KUAM AH VAN LEI KEI ZAW IN

Kota Raya Shopping Center leh Mydin kim a om Phone sai te khawng phone tawh kisai van khat peuhpeuh lei kei hamtang zaw in. A sai te uh a tam zaw pen migi lo tawh kikop in gamdang mi ahih leh a khem ding kiging sa in om den uh ahih manin tua mun te ah van lei loh mah hoih zaw hi. I sum teng hong laksak mang in, van hoihlo bekbek hong pia thei ahih manin kidawm ciat ni.

WELCOME TO ZAM

Kawlgam, Vaigam, tuipigal leh gam tuamtuam pan Zomi tampi omna Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah hong hawh/phak hamtang in thapiakna leh idea tuam tuam piakna nong neih nadingun kong zawn phapha uh hi.

2020 ZSM LAIBU KINGAH TA HI: Malaysia zomi Genvai Kipawlna (ZSM) 2020 ading ki lutthei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipihte a panpih, adah-akap hun ah a khitui anul sak na hi gige hi. ZSM member na lut na in nang ading apia na hikei a, panpihna akisamte a panpihna hizaw hi. A kisam khat I panpihna in Pasian deihna zong ahi hi.

ZSM ADING PANPIHNA HONG PIA TE

• 1. MBF Pawlpi RM300
• 2. Taaklam Khua Kipawlna RM200
• 3. ZEM Pawlpi RM1500
• 4. Phunom Khua Kipawlna RM-200
• 5. Phaiza Innkuan – Malaysia RM-200
• 6. ZCF-Kajang Pawlpi RM-200
• 7. Agape Puchong Pawlpi RM-300
• 8. Ngalbual Khua Kipawlna RM200
• 9. Haupi Khua Kipawlna RM200
• 10. MZCC Pawlpi RM500
• 11. ZCF-Bethany Pawlpi RM200
• 12. Suangpi -Tedim Khua Kipawlna RM200
• 13. Zomi Innkuan- Rawang Pawlpi RM300
• 14. Cingpikot-Keizang Khua Kipawlna RM200
• 15. Singzung Khua Kipawlna RM200
• 16. Saizang Khua Kipawlna RM200
• 17. Mualpi Innkuan Malaysia RM200
• 18. Buanli Khua Kipawlna RM200
• 19. Tuithang Khua Kipawlna RM200
• 20. Zion Christian Church -Songailong RM150
• 21. Zonuamzang Khua Kipawlna RM200
• 22. Praise Adonai ZCF Pawlpi RM200
• 23. Mualnuam Khua Kipawlna RM200
• 24. Vangteh Khua Kipawlna RM200

ZOMI TE ADING NASEP

Malaysia gam sung om Zomite nasepneilo in nasem nuam mahmah napi nasep zon nang a lemlote in ZAM zum ah hong dawp un. Zomite adingin man ngenloin na sep kizon sak den hi. Contact – Sia Mamang – 018 231 1365

ZAM ZUM AH HONG HAWH

Suangpi Khuami, Suangpi Tuiphum pawlpi ah sayama a sem Sm Lian Hawm Cing leh Sm Nem Tawi Huai te in Malaysia hong zin sungin Zomi zum ahi ZAM zum ah hong hawhin thapiakna leh thungetsakna hong nei uh a hih manin kilungdam mah mah hi. Topa’n sianu te nih hong zatsak semsem lai ta hen.

Tuithang khuami, Rih AG pawlpi ah Pastor a sem Rev. Thang Tun Pau in Malaysia gam ah tawmvei hong zin pak sungin Zomi Zum ahi ZAM ah hong hawhin thapiakna leh thu ngetsakna hong nei hi. Topa’n siapa na sepnate ah hong lawhcing sak semsem tahen.

Tedim Lawibual veng a teng Bethany Full Gospel AG pawlpi ah Pastor asem Rev. Dr. Kham Lian Khup in Malaysia tawmvei hong zin sungin Zomite zumpi ahi ZAM zum ah hong hawhin tha piakna leh thu ngetsakna hong nei ahih manin kilung dam mahmah hi. Topa’n siapa hong zatsak semsem tahen.

Laaitui Khuami, TBC zumpi ah E&M Director asem Rev. Langh Khan Khup in Malaysia hong zin sungin Zomite a it a veina tawh kizui-in Zomi Zum ahi ZAM ah hong hawhin tha piakna leh thungetsakna hong nei ahih manin kilungdam mah mah hi. Topa’n siapa hong zat sak semsem lai tahen.

A THEIH HUAI ADDRESS PAWL KHAT

• ACTS CLINIC
• 44A, Jalan Padang Belia, 50470 Brickfields, Kuala Lumpur. Phone : 03 2272 2585
• Monday-Friday 9:00 AM– 5:00 PM
• Sunday –9:00 AM—1:00 PM (Sunday ni naupai te kilak thei lo hi.)
• Saturday leh Public holiday nisim kikhak den hi.
• Grab/Uber—ACTS CLINIC

HEALTH EQUITY INITIATIVES (HEI)

• 26-1A 1st Floor Jalan Vivekananda 50470, Brickfields, Kuala Lumpur. Phone : 03 2272 4957
• BUDDHIST TZU-CHI KL FREE CLINIC
• 221, 4th Floor Wisma LTS, Jalan Pudu, 55100, KualaLumpur. Phone : 03 2142 1567
• Mon & Tuesday—9:00 AM—12:00 Noon
• Thursday & Friday—1:00 PM—4:00 PM

HAA BAWL NUAMTE

• Wednesday—2:00 PM—5:00 PM
• Sunday—9:00 AM—12:00 Noon
• Saturday nisim kikhak hi. Grab/Uber—Wisma LTS

QFFD CLINIC -AMPANG

• Malaysia om gambel mite ading Clinic thak khat ahi hi. Kilah man mi khat ciang RM 10 ta la uh hi.
• D-3-G-01, Jalan Mewah 1/2, Taman Pandan Mewah
• 68000, Ampang, Selangor
• Sikhan hon hun : Monday – Friday
• 10:00AM- 4:00PM

UN SISITNA MUN

IOM MHD MALAYSIA

• No. 1 Jalan Pahang, 2nd Floor, Level 3
• KPJ Health Care Tawakkal Hospital, Kuala Lumpur
• 53000. Phone : 03 9235 5400
• US CO (Culture Orientation) KAH NA MUN
• F&B Business Park, 18 Jlan Metro Pudu 2, Fraser Business Park, 55100 (Near Chan Sow Lin LRT Station)

AUSTRALIA TENTAN KAHNA MUN

• A 14-6 Menara Atlas Plaza Pantai, Jalan Pantai, 59200
• Kuala Lumpur. Phone : 03 9235 5431 (Kerinchi LRT Station ngei)

AUSTRALIA SISITNA MUN

• Life Care Diagnostic Medical Center
• 1st Floor, Wisma Life Care
• No. 5 Jalan Kerinchi, Bangsar South
• 59200, Kuala Lumpur
• Phone : 03 2241 3610, 012 2343 610

ZATO LAM TAWH KISAI

Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957

TUKAL SUNG ZATO LAM BUAIPIH

• 1. Suan Sian Sang (Munlai) IPR zato ah
• 2. Nuam Dim (Tedim) HKL zato ah
• 3. Man Sian Ngai (Zangtui) Sungai Buloh Hospital ah

TUKAL SUNG THONG LAM BUAIPIH

• 1. Pau Sian Khai (Haiciin) Kajang Mahkahmah ah kibuaipih
• 2. Khual Sian Tuang (Pyidawtha) Sunway Mentari Court pan kiman, Lockup ah buaipih laitak
• 3. Thang Hau Sen (Kapteel) Tanah merah Camp ah kimuh pih thei
• 4. Cing Deih Thang (Bukphil) Balai Sea Park leh PJ mahkahmah ah kibuaipih
• 5. Sut Lam Khai (Darkhai) Balai Sea Park leh PJ Mahkahmah ah kibuaipih
• 6. Gin Deih Sang (Suangsang) Balai Sea Park leh PJ Mahkahmah ah kibuaipih
• 7. Thang Khan Zam (Pyidawtha) Sungai Way palik zum ah kibuaipih
• 8. Thang Lem Muan (Ngalbual) Bukit Jalil pan kawlgam ciah thei ta
• 9. Khup Suan Piang (Ngalbual) Bukit Jalil pan Kawlgam ciah thei.

KIMAT KIHEN NA TUAK LEH

Zomite kimat kihen na tuak zenzen uh leh hih phone no. te ah na hopih pah in. Nang a dingin atawn tungin kiging sa in om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027
• ZAM ZUM NISIM IN 9:00AM-6:00PM kihong den hi.