Zalui/ Haiciin luitui gawmtuah Committee nasep khiatna (25 Nov 2017)

Zalui/ Haiciin luitui gawmtuah Committee nasep khiatna (25 Nov 2017)

I. PIANKHIATNA.
1984 kum in Tedim Party Unit makaih natawh Tedimmyo council in vaipuak la in, Zalui pan in khuaphelep mei ngah nangin ongsem khia a, meiset tha kilowatt 200 set nih thatawh Tedim leh khuakiim te ah mei kingah in taangpi taangta in hamphatna kingah hi. Ahi zong in kum ong tam sim ciangin khuakhal hunteh tuibeempi ah tui a kicing zah kingah zo nawnlo a hihman in mei deih bangin kingah zo nawnlo hi.

2003 kum ciang in Tedimmyo TPDC chairman U Saing Maunglu in Tedim khua sung nulehpa te tawh ki mu in Zalui tuibeem sungah tui behlap nang in Ngennung khua pan tai 2 a gamlaat na Haiciin luitui canal line tawh la in tungsak zoleng khuakhal hunteh mei deihbang in kingah zo ding hi ci-in ong genkhia hi.

II. EXECUTIVE COMMITTEE KI PHUANKHIA.

• 1. Pa Kam Khua Tual, AE, ( President )
• 2. Pa Pau Do Nang, SEO, ( Vice-President )
• 3. Pa Gin Khen Thang, ASEO, ( Secretary )
• 4. Pa Khai Za Cin, Myone Co.op ( Asst Secretary )
• 5. Pa Thual Khua Pau, Auditor Myone co.op ( Accountant )
• 6. Pa Lian khan Mang, SAT Chairman, Fundraising Committee
• 7. Pa Thang Za Sing, Seinmyitta store, member
• 8. Pa Vungh Suan Pau, Owner of hornbill Nursing, Member
• 9. Pa Kim Za Tun, Shin Thitma co.ltd Member
• 10. Pan 13. Leilum, lawibual, Myoma, Sakollam hausateng, Member
• 14. Pa hang Cin Hau Khua nu/pa, Myoma, member
• 15. Pa Suan Khan Mang SAE, Member

III. VAIPUAK LEH SEPTHEIH DINGTE.

Meter box tungpan Fund dong theihnang, Worksite ah a hun zui a supervision bawl ding, Fundraising vaipuak lading.

IV. FUND ZONDAN TAWH KISAI.

EC, Township chairman in septheih nang phalna ong piakna tawh ki zui in Fundraising Committee ah Chairman ding in Pa Lian Khan Mang vaipuak kipia a Tedim khuasung muanlehsuan te tungpan, biakna tuamtuam te tungpan, anai agamla a om ih sanggam te tungpan huhna ngah nang in kigeel hi.

V. HUHNA NGAHNA.

• 1. Meter box pan ks. 69,22,960/-
• 2. World vision pan ks. 86,25,051/-
• 3. Zomi innkuan, Japan ks. 24,30,000/-
• 4. Zomi innkuan, USA ks. 15,00,000/-
• 5. Zomi innkuan, UK ks. 4,50,000/-
• 6. Zomi innkuan, Korea ks. 3,29,000/-
• 7. Zomi innkuan, Malaysia ks. 2,40,000/-
• 8. Pa Vungh Suan Pau ks. 10,00,000/-
• 9. Bishop Mang Thang ks. 10,00,000/-
• 10. Dr. Suan Za Dong ks. 3,00,000/-
• 11. Col. Dal Za Kam ks. 2,00,000/-
• 12. 1 Lakh ongpia mimal 24
• 13. Ks. 50,000/- ongpia mimal 23
• 14. ks 40,000/- ongpia mimal 1
• 15. ks. 30,000/- ongpia mimal 8
• 16. ks. 25,000/- ongpia mimal 4
• 17. ks. 20,000/- ongpia mimal 10
• 18. ks. 15,000/- ongpia mimal 4
• 19. ks. 10,000/- ongpia mimal 75
• 20. ks. 5,000/- ongpia mimal 28
• 21. ks. 3,000/- ongpia mimal 8
• 22. ks. 2,000/- ongpia mimal 2
• 23. ks. 1,000/- ongpia mimal 1
• 24. No. 11 Rd, Construction Unity, Tedim pan cement ip 10

VI. SEPKHIATNA

2003 April kha in Tedim meiset zum ah Pa Lian Khen Kham in ngaihsut ong piakna tawh ki zui in Ngennung khua Pa Zam Cin hau tawh Haiciin lui pai in tuilam ( Alignment ) zongding, lo tui lakdan a tui lading in tuibeempi tung sak ding cih kikupna ki neihi. Pa Zam Cin Hau in lo tui lak dan a tui lading cih a hihleh 10 lahks tawh vai puak ka la zo dinghi, ahi zong in tui luannang a sauna pi 11582’2’2lehlangh ding a hihleh akhep 20 lahks tawh vaipuak la zo ning a cihteh Committee tawh limtak kikum pha in 15 lahks tawh vaipuak ong lak nang in ki thukim hi. Ongsem in kha nih sung May kha sung in Haiciin lui pan in Zalui tuibeem ong tungsak zo hi.

Ngennung leitang pen leikho nam hilo a, leilehsuang them kihel a hihman in tuibul pan a, ong luang tui volume zahpen tuibeem sung ong tung zolo in leisungah a lut tui tampi ong pha hi. Tua ahih ciangin EC in Pucca canal line bawlding thukimna ong neihi. Canal line measurement 11582’x15”x12” pen leisek, cement, sehnel tawh 1:1:6 masala tawh sepding in lamzang khua pan in Pa Pum Lam Tuang vai puak kipia hi. Aman zong deihsakna tak tawh ong sem a 75% bang ki zo khin in tuibeem ah tui ong ki behlap tuam man in 2003 pan 2008nciang kum 5 sung Khalsung in a kisam ding zah tuibeem ah tui om a hihman in mei kingah thei ong suakhi. Ahi zong in 2009 pan 2010 kum ciang in guahtui tamluat na hangin canal line bawlsa teng mencim a hihman in tuibem ah tui tungzo nawnlo hi.

2006 kum in Naypyitaw pan chief Engineer Col. Win maw Tedim ong pai a, Haiciin canal line ki et pih in thangah mahmah a Kawlgam bup sung ka khual zin kawikawi na mun te ah ESE ong panpih a tha ongpia no Tedim khuanu/khuapa bek kong mu hi, ka lungdam mahmah hi na zomsuak lai un ci in thapiak na kammal te tawh ong hanthawn hi. A ha tazong in ama ong pai zawh a kumkik ciangin guahtui tam luatna huhau in canal line kisia gawp a tua akisia munte ah zatding in Committee in PVC 6” diameter a sauna pi 19 mal 34 ki lei in a siatna mun tengah kizang hi. 2010 tuuk ciang in Ngennung khuataw mualbo teng a kuampi in men ong cim leuleu a Pipe teng mencim in nawkgawp a hihman in ki tan manghi. Committee President pa leh Secretary pan ngennung khua hausapa’ huhna tawh a hoihlai sun teng kaikhawm in hausapa’n ong kepsak hi. Tua hi in 2010 kum pan in ki zom zo nawnlo hi.

VI. COL. WIN MAW ONG PANPIHNA.

Col. Win Maw in aged pension a lak madeuh in ama mualsuang ding ci in 2012-2013 sum kum in Haiciin canal line ading in lakhs 2000 Saction ngah theih nang ong vaihawm sak mah bangin kingah a, ESE mah in vaipuak ong laksak in Haka khua U Kyaw Min Oo SAE in measurement 11582’x15”x12” siktawh kigawm cement canal line tawh ong bawl in tuni ciangciang Zalui pan leh Haiciin lui pan tui kingah in khuaphelep mei hoihtak in kingah thei a hihman in Col. Win maw tungah lungdamna pulakna in Tedim ESE zummai ah 2017 kum November kha 25 ni in lungdam kohna mualsuang phuhna leh topa’ tungah apna Dedication service khat TBC, GS Rev. Vungh Suan Mung ong neihsak hi. Topa’ minthang ta hen.

VIII. LUNGDAM KOHNA.

Committee te worksite, supervision pai nate ah mawtaw ong zangsak a hi Pa Vungh Suan Pau, Pa Thang Za Sing, Pa Kam Lian Thang te tungah leh Haka Chairman SPDC, Chin State Col. Tin Hla tawh ki muh nading a Haka pai nang Mawtaw ong zangsak Pa Lian Khen Kham, Datsi ongthunsak Pa Thang Za Sing ( Sein Myitta ) leh Pa Vungh Suan Pau ( Hornbill Nursing Home) te tungah a hizong in Haiciin luipan Pucca canal line bawlna munte video lakna, mualsuang apni leh honpawi ni a mawkna video ong laksak Leo internet Pa Deng Za haute innkuan tungah lungdamna ki ciamteh hi. Mawtaw ong zangsak datsi ong siksak a kua mapeuh te tungah Topa’ n thupha ong piksak ta hen. Souce: Zomi Broadcasting

Thupuak,
Siapi Gin Khen Thang, ASEO
Secretary, Zalui/ Haiciin tui gawmtuah Committee
Tedim. Ph: 09259154231