Yangon Yuzana Garden ah innteeng nasem numei kum 13 khat kibawlsia gawp
Myanmar, Yangon Yuzana Garden ah innteeng nasem “Maid” numeikhat ki bawlsiagawp cih Eleven News pan kiza hi. Tua numei innnasemnu pen kum 13 bek hipan cihi.
Dagon Seikkan Township, Yuzana Garden 94, 6th Street aom innkhat ah nasemin aom numei khatpen innteek te’n puantaihna meisa tawh depsak, tuisa buak, alu alai satgawp in phimtawhzong dawt cimawk hi.
Hih thubuai apianpen June 03 ni hi a, tua inntawh vengkhatsung aom innveng te’n atheihkhiat uh cihi. Tua numeinu pen June 04 ni ciangin Thingangyun Sanpya Hospital ah kipuak in zatui kibawl cihi.
Related: Mandalay Region sungah innteeng nasep asemkhat kibawlsia ~ ZD
Nasemnu zato ah akipuakni nitaklam ciangin Police te’n innteek te nupa mankhiapah uh a, Police Station ah thusitna kinei in, thu kibawlding cih kiza hi. ZD Sawtlak #zomidaily
Comment piaknop aomleh...