Yangon, Tamwe ah naungek suakcil akipaai khat ahing in kimu

Yangon, Tamwe ah naungek suakcil akipaai khat ahing in kimu

Yangon, Tamwe Township sungah tuni Sunday (12 Feb) ni in naungek asuakcil akipaai khat a nungtalai in kimu cih The Voice Myanmar pan kiza hi. Tamwe, Zawtika lamzing, innnunglam ninkipaihna ninkawmlak ah sun 2pm hunpawl in akimu hi a, naungek leh alaigui zong kitankhia nailo in kizomsa in omlai cihi.

Hih akipaai naungek suakcil pen numeino hi a, tuavengsung aom pasal khat ii muhkhiat masak ahihi.

Naungek kapdankhat kaza a, ka etleh naungek asuakcil ninlak ah akipaai khat na om hi. Naungek suakcil pen nautawdap leh buanza cihte tawhzong kituamvetlo in, akipaaiziau hi a, liamma zong pawlkhat om hi ci’n amupa in genkhia hi.

Tuapan in khuasung venghausa te kizasak in, anuntakna abeima in ageinai aom zato ah kipuakpah cihi.

Naupang pumpu aki velcian ciangin liamma pen alu ah tawmkhat om in, abiang ahzong liamma kimu a, si tawmtawm luang cihi. Tamwe Police te’n hih naupang kuapaih hiding cihpen kankhiading uh cihi.

More: Khakhat aphapan naungekno zu kamkhat kitulhkha in sihlawh

Nautawdap leh puanza cihte tawh kituam vetlo ahih manin aliamzong hikhathei dinghi. Uikhawng leh ganhin khatpeuh in apetlut khakma in akimuhkhiat phadawmlai. Mun gamlapi panin tuamun ah hongkipaai hetloding a, ageinai aomte khatpeuh ii paihsukziau hivencin, apaai te’nlah theikhinkhian vencin, cikziak huai lawmlawm mahei maw….. ZD Sawltak #zomidaily