Yangon aom Aung San Suu Kyi innhuang sungah Petrol Bomb kilot

Yangon aom Aung San Suu Kyi innhuang sungah Petrol Bomb kilot

Yangon aom Myanmar’s State Counselor Daw Aung San Suu Kyi ii innhuangsung ah tuni Thursday zingsanglam in Petrol Bomb kilot cih AFP pan kiza hi. Tua Petrol Bomb “Molotov Cocktail” akici pen thawlsung ah datsi kikoih in meitawh akihal hi a, Yangon, Bahan Township sungaom Daw Aung San Suu Kyi innhuangsung ah akilot ahihi.

Bahan, University Avenue Road aom Daw Aung San Suu Kyi innhuang sungah tuni zingsang 6am leh 6:30am kikal in akilawn hi ci’n Report ki genkhia a, hih buaina apianlaitak in Aung San Suu Kyi pen tua innsungah omlo in, Naypyitaw ah aomlaitak ahihi.

Bahan Township sung aom Lawmaker khat ahi U Thaung Htut in agenna ah keitheihna ciangciang ahihleh zingsang 6:30am hunpawl in pasal khatin datsi akithun thawl “Molotov Cocktail” khat dai apualam panin innhuangsung ah alawnsuk ahihi ci’n genkhia hi.

Yangon Police te genna ah hih meikuang kilotna hangin Guard House gei aom Water Pipe pen meikang cihi. CCTV Record aki etcianna ah hih buaina apiangsak pen mi nihlehthum kihel khading cihi.

Police te’n hih buaina vaipen “Article 436 of Penal Code” tawh thu bawlpah uh a, tuabangin agamtapa akimatleh Property khatpeuh suksiak nopna lungsimtawh agamta ahih manin kum 10 bang thong kikiasak theiding cihi.

President’s Office panin Spokesperson U Zaw Htay in agenkhiatna ah hihvai tawh kisai in agamtapa pen Police te’n azonsan laitak ahihi. Hih buaina apianlaitak in ageinai ah Security Guard zong mi 3 aom hi a, CCTV Records tezong hoihtak aki etcian laitak ahihi ci’n genkhia hi.

Aung San Suu Kyi ahihleh tulaitak in Naypyitaw ah Second Anniversary of National Legislature akah laitak ahihi.

Police te’n tuabang inb agamtapa ii amel pen khahkhia uh a, mipi te’n amukha aomleh amanlang in hong zasakpah uh ci’n tangkokhia uhhi. Tuapapen kum 40 gualpawl, atunpen pi 5.6 pawl, asam avom, aci avom piankhat hiding kici hi.

More: Myanmar, Rakhine, Maungdaw sungpan khakhat sungin mi 84 kithatlum

Aung San Suu Kyi pen Myanmar, Rakhine State sung aom Rohingya Muslim vaitawh aki mawhsak mahmah laitak hi a, tu’n aomna a innhuangsung nangawn ah Petrol Bomb alawnngam ki om tamawk hi. Sawltak #zomidaily