Yangon Airport leh khuasung meileng khawlna kikal Airport Shuttle mawtaw amanlang in taisak tading

Yangon Airport leh khuasung meileng khawlna kikal Airport Shuttle mawtaw amanlang in taisak tading

Myanmar, Yangon khuapisung aom vanlengtual ahi Yangon International Airport leh meileng khawlna Yangon Central Railway Station kikal mawtaw amanlang in ataidingin Airport Shuttle kipantading cih MMTimes pan kiza hi. (Photo: Yangon khuasung kikawmna in akizang Parami Bus)

Hihvai tawh kisai in avaihawm thunei ahi Omni Focus Company panin thunei te’n tuni Friday (June 15) ni in agenkhiatna ah Airport Shuttle pen hongtungding June 22 ni akipan kitaisak tadinghi ci’n genkhia uhhi.

Ataktak in hih Airport Shuttle pen May khabeikuan in taisak zawhding geelna akineisa ahihi. Ahi zongin Yangon International Airport ah Bus akhawlnading Bus Station kibawlphot in tuahangin aki ziakaito ahihi. Ahi zongin hongtungding June 22 ni akipan kitaisak taktak tadinghi.

Airport Shuttle pen Yangon Airport atun ciangin mawtaw tungpan tuahkhiat lianleh vanlengtual ahuangsung aki tungsuakpahding ahihi. Akipatna in mawtaw akigawm in 30 tawh kipan in kitaisak masading hi ci’n Omni Focus Company panin Managing Director asemlaitak ahi U Tun Tauk Win in tuni in genkhia hi.

Tua Airport Shuttle pen Yangon khuasung leh vanlengtual kikawmnading in aki vaihawmthak Bus Line thak hi a, Yangon Airport leh Yangon Railway Station kikal Foton mawtaw te 30 tawh akipanding ahihi.

Airport Shuttle pen Kabar Aye Pagoda Road lamzikpidung zui in kitaisak dinga, Yangon Airport leh Yangon Railway Station kikal ah akigawm in khawlmun Bus Stop 15 bek kikoihding cihi. Khawlmun Bus Stop mun 15 bekah khawlsak in Passenger akum leh akah kibawlsakding cih ahih manin, Yangon Airport leh khuasung kikawmna ahunbei pen tampitak phatuamding hi.

Hih Airport Shuttle pen Pyay Road lamzikpidung ahzong aki taisak nadingin khuasung mipi te’n ngetna nei uh a, ahi zongin Kabar Aye Pagoda Road lamzikpisung zui in ki taisakphot dinghi.

More: Yangon, Pazundaung Township sung aom lampi 15 te One-way in kilaihding

Hih Airport Shuttle ii ngimna pen gamdangmi khualzin Foreign Tourist teleh Myanmar Local gammi te Yangon vanlengtual apainop uhciangin oltak in apaiziauziau theihnading ngimna tawh Yangon khuapi laizang ahi Sule leh Airport kikal mawtaw amanlangin ataithei dingin aki vaihawmsak ahihi. Sawltak #zomidaily