White House sungah Bomb kapau aci mawtaw tawh alutsawm khat kiman

White House sungah Bomb kapau aci mawtaw tawh alutsawm khat kiman

US White House sungah mawtaw tawh alutsawm khat Saturday zanlam in Secret Service te’n mankhia uh cih CNN pan kiza hi. Tuapa pen mawtaw tawh White House Checkpoint ah luttohsawm in mawtaw sungah Bomb kapua ci’n genkhia cih Law Enforcement Officials te’n genkhia uhhi.

Tua mawtaw sungah apuakkhamthei vankhatpeuh akihelleh kihelloh peuh gencianna omnailo a, ahi zongin White House sungah Security kilimgin mahmahpah uhhi. Tua mawtaw zong limtak in Checking kibawl cihi.

Secret Service te genkhiatna ah hih buaina apianhunpen Saturday nitak 11:05pm hunpawl cihi.

Tualaitak pen White House sungah President Donald Trump zong omlo a, Florida aom Mar-a-Lago ah aom laitak ahihi.

Secret Service te’n White House vengsungteng lampite zong Sunday ni zingsangdong khakcipsak uh a, Criminal Investigation kilimbawl mahmahlai cihi.

Nungkal Saturday ni inzong White House mai ah pasal khat Bicycle tungpan atuahkhiat phetin kiman hi. Tuapa in White House ah kapiakding laipuak in hongpaihi’ng ci a, ahi zongin White House huangsung lutmanlo hi. Avanlak ahzong bangmah lauhuai hiamvan Weapon puak neilo hi ci’n Law Enforcement Official te’n genkhia uhhi.

More: US White House sungah aguk lutsawm mikhat kiman

Nungkalsung mahin White House huangsung ah pasal khat nalutsim ahih manin Secret Service Officer te’n namankhia uhhi. Tusungteng White House vai thuthang hongkizom ngekngek hi. White House pen leitung ah migilo te mitsuan Target lianpen khatin kigen hi. ZD Sawltak #zomidaily