War Criminal khat thukhenzum ah thu akikhen laitak guza dawnin si
Zanni Wednesday (Nov 29) ni in Bosnian Croat War Criminal khat UN War Crimes Judges te’n thukhenna nei uh a, kum 20 tak thongkiading in thu kikhen ahih manin, tua Bosnian Croat War Criminal inzong mipimai, Live TV kizaihmai ah guza dawnin si cih AFP pan kiza hi.
Tuapa ii aminpen Slobodan Praljak kici a, kum 72 aphakhin ahihi. 1990s Balkans Conflict tawh kisai in agamtatna tawh kizui in UN War Crimes Judges te’n thukhenna anei uh hi a, tualaitak in guza adawnziau ahihi.
International Criminal Tribunal for the former Yugoslavia (ICTY) te genkhiatna ah guza adawnlian laitakzong Camera tawh Live in kizaihkha cihi. A ipsung panin guza akikoih thawlneu khat lakhia in, tua thawlpan in aleng “Glare” zong Video sungah kimu a, tuakhit ciangin dawnsukziau hi.
“Praljak is not a criminal. I reject your verdict” ci’n thukhenna nialin a otsan kawmin, thawlneu khatsung panin guza dawnsukziau hi.
Tuaciang in guzadawn cih akitheih ciangin ama Lawyer pa’n “My client says he has taken poison” ci’n awngkhia a, tuakhit ciangin thukhenna pen ki dinkhawlsak hi.
Video: War criminal kills self by drinking poison in live UN court drama
ICTY spokesman Nenad Golcevski in agenkhiatna ah Slobodan Praljak pen guza adawn akitheih ciangin amanlang in Emergency Crew te ki sapsak in, Ambulance kisapsak a, Medical Treatment kipiapah cihi. Hospital ah amanlang in kipuakpah himahleh, kibawlthei nawnlo in sisuak veve hi.
Hih Slobodan Praljak ii sihna vaitawh tu’n Dutch Investigators te buaisan mahmah uhhi. Thukhenna innpi Courtroom sungah Security hizah in akikhauhsak kawmkal ah koicibang in Slobodan Praljak in hih guza puasim theihiam, koipan ngahhiam cihpen kibuaipih mahmahleuleu cih kiza hi.
More: Kim Jong Nam thahna vaitawh North Korea gammi 4 te Interpol Red Notice kipia
Slobodan Praljak pen hih thukhenzum ah akipaipihma in Netherlands aom The Hague akicihna khuasung aom UN Detention Center ah akikem ahihi. War Criminal khat asihkhit nungah asihna ahang, guza angahna ahangtawh kibuaisan leuleu hi. Sawltak #zomidaily
Comment piaknop aomleh...