Vondeih Kep Ding – 31 (Pau Khan Kap)

Dear Tawngno,
Tu zingsang nasep pai hun mah in thokhia in inn kimteng ah lamsiau in ka pai leh inn pam panin lamet loh pi-in tha khat in ki pumpaih dihzen ing. Bangtak hi dia ci-in tho to-in ka et kik leh suangneu khat na hi lel tak hi. Ka thang hong paai vilval in, la khia mahmah in sek tawh heuh satzan mahmah ding kai ta, ciliang ing. Ahi zongin lesson ding khat in la zaw ing.

I mai aom, a lauhuai suangtum golpite phu kha in kipuk lo-a, i don loh suang neuno te suikha in a kipuk thei na hi zaw hial hi.
Hih thu gen dingin laihong gelh hi kei ing in, ka feeling hong share pak zaw hi ing.
Ka notebook ah ka ciapteh, “11- Ways To Success ” cih thu anuai ah hong gelh khia ing.

1. Plan while others are playing.

2. Study while others are sleeping.

3. Decide while others are delaying.

4. Prepare while others are daydreaming.

5. Begin while others are procrastinating.

6. Work while others are wishing.

7. Save while others are wasting.

8. Listen while others talking.

9. Smile while others are frowning.

10. Comment while others are criticizing.

11. Persist while others are quitting.

• Na gual teng a kimawlmawl hun sungin, na’ng gelna kician khat nei-in, a luplup hun sung un na’ng na sanglai te kankan le cin bang pilzawk loh peuhmah ding!
• Na gual te-in sep tuak leh septuak loh khensat theilo in aom om hun sungin, na’ng sep ding ahi leh sem pah in, sep tuak lo ahih leh kihei phei-in adang khat man phei pah le cin bang zawhloh nei peuhmah ding!
• Na gual te-in paulap hau in a tuttut laitak in, na’ng kipan pah in, a deih uh a gengen laitak un na’ng diangkhia le cin bang ngah zawh loh nei peuhmah ding!
• Na gual teng a pau phanphan laitak in, na’ng limtak thungai in, a deihdeih uh a lei laitak un na’ng na kisap teng bek lei le cin bang neihloh zawk loh peuhmah ding!
• Na gual te-in mi a gensiat siat laitak in, na’ng itna kammal luan in, a mai gumgum laitak un na’ng na maitai denna lak khia peuh le cin bang hong itzawk loh peuhmah ding!
• Na gual teng lungkia in a taimang khit laitak in, na’ng lungkia het lo-in hanciam tentan peuh le cin gualzawhna in koi ah hong buksan zo nawn ding!

Leitung ah mi gualzote’ tatdan, hetdan, leh gamtat kampau dante midangdangte tawh na

kibang hetlo takpi mah hi. Eh! Na gualzawh nop leh mitawh a kibang lo theithei in gamta in, hong ci hilo ka hi. (Tu-a zong (3) vei konggen na hita ei, Sorry!)

Hong it,
Na pa

April 23, 2016
Columbus, OH