Voksa baknih le naupang khat

Voksa baknih le naupang khat

Kawlgam khuata mizawng veng khat a om Biakinn khatah mihau khatin naupangte kaikhawmin an vakna khat va nei hi. Naupangte zong an lim, meh lim nekha ding lawptakin hong kigual ngeingai uh hi.

Anteh kan, be meh le voksa bakpi nihta ciat kuang sungah thuksa in hawmsakin a nekkhop zaizai uh anvakte innkuan in en in, lungkim mahmah uh hi. Tua leh, ankuang sungah voksa om lo-in, bemeh le buh bek a lukunsa in a ne naupang khat mukha citciat uh hi.

Anhawmte kiangah hih nupang voksa pia kha lo na hi uh hiam? ci-in a dot uh leh anhawmte in a kibangin naupangte a piakkim lam uh gen hi. Anvakpa lunghimawh ahih manin, naupang pa gei-ah pai-in hopih ding a sawm leh, naupanh pa lukhu tawi sung pan voksa bak nih akitun muhsak hi.

Naupang pa zong khitui luang kawmin anvakpa hong hopih a, “ko ka inn vuah sameh nezo ngeilo, ka Nu in voksa duh mahmah ing cih gen zelzel ahih ciang, ka Nu ading puaknuam ka hih manin kei nektang voksa a selsim hing” ci-in gen hi. A piang takpi thu khat ahi hi.

Eite in, zing-an i nek ciangin ka NulePa in zing-an bang a ne uh tam cih i phawkkha hiam? Sun-an i nek laitakin ka NulePa in bang khawng a na ne uh diam? Nitak-an i nek laitakin ee ka NulePa te in cidamin a duh uh a ne zo ding uh hiam? cihte ngaihsun huai kasa hi.

Nikten puansilh hoih nono i lei hunin, ka NulePate in a puanluite mah uh a na silhsilh lai uh diam? I duh khatpeuh i nekpakpak hunin ka NulePate in bang a duh uh diam maw cih i ngaihsutsak khangei hiam? Khasum i san simin ka NulePate in zat ding sum a kitasam uh diam maw? cih ngaihsutsak ding hi hnag.

Mihing pianzia pen ei leh ei bekmah a kikhual nuam kihi in, zileta, pasalte bek kiphawk kha tawntung zaw hi. NulePate ahih leh kimangngilh kha thei zel mawk hi. I deihsakna ahih leh Phawk Huaite i phawkkhak ding cih thu ahi hi. Hih Thute Manpha Sa Lua Ni Teh