Video: Klang ansai khatah gilkiallua in alungtomgawp Customer khatin nasemkhat tumgawp

Video: Klang ansai khatah gilkiallua in alungtomgawp Customer khatin nasemkhat tumgawp

Malaysia, Klang vengsung aom ansai khatah anneding in angak Customer khatin ziakai salua, alung duaizo nawnlo in Cashier asemkhat atupgawpna Video ki khahkhia hi. Adiakdiak in Chinese New Year pawisungpen Restaurant minthangte ah tutna ngahtheih nading haksa simpian in, sumpia in nekding takpi pen tawlpi khatkhat ngakkulthei hi.

Tuabang in anneding in angakngak Customer khatpen anunung ah ahehsuaklua, lungduai zolo, agilpi in thuaklahlua mahmahta hidinghiam, hehgawp in sumpiakna ah nasem Cashier papen tumpheigawp mawk hi.

Hihpen abeisa Sunday (Feb 18) ni in Klang, Bukit Tinggi aom Aeon Shopping Mall sungah thupiang kici hi. Tua Shopping Mall sung aom BBQ Plaza ah anneding in tutna kingak dimdim hi. Minute 30 sungbang angakkhit ciangin Customer pasalkhat ahehsuak, ki ipzo nawnlo in aheh kici hi.

Video: Klang restaurant cashier savagely beaten up by impatient man in queue

CCTV panin Video Record kilimbawlkha bilbel in, tua Customer pa ii gamtatna pen kitel mahmah hi. Tua Video Clip zong Social Media tungah ki thehzakgawp in, uivai (sorry, haivai) kisa mahmah hi.

Alungduailo Customer papen CCTV sungah puanvom T-shirt khat silhin, bombitom ateengkhat ahihi. Akamtawh kogawp, Verbal Abuse in, tuaciang in akhuttum in zuiphei sawnsawn hi. Khatvei atupkhit ciangin tuatawh lungkimzo nailo in, Counter sungah lutpheiliang hi. Cashier nasempa inzong thuksawm hetlo himahleh, abing tupgawp ciangin kidalgawpsam a, ahi zongin atha kikhailua mahmah hi. Tuatengtawh adang Restaurant sungah nasemte leh Customer te’n khenthei bilbel uhhi.

More: Video: Taiwan Hot Pot Restaurant khatah Gas bung puakkham in, mi 7 liam

Gilkial lualeh ihheh suakgawpthei acihbel hi Customer pa tungtangah kician bilbelleh kilawm hi 🙂 Ansai, Restaurant khawngah nasemtezong kidop huaileh kilawm hi, Customer te gilkial saklua keini. Inn nupite e leh….. Sawltak #zomidaily