Valentine’s Day ni adingin Special Edition iPhone 6

Valentine’s Day ni adingin Special Edition iPhone 6

“Amosu” te pen Smartphones atamman mahmah leh a etlawm, mi deihtheihtheihding abawlzelzel te ahi uhhi. Mihau pawlkhat in tua Amosu te vanbawlkhiat te kepcingding in deih mahmah uh ahih manin, tampipi amat hangin kilei veve hi.

Tukum Valentine’s Day ni ading inzong Special Edition ci’n abawlkhiat uh iPhone 6 ki ngahta ci a, Pink Color vive bek hiding cih AFP Relax News pan kiza hi. iPhone pen 6 dong akibawl tohtoh hangin, Pink Color kibawl ngeinailo ahih manin, amau “world’s first pink iPhone 6” ci’n abawl uh cihi. Lawm ki ngai pawlkhat te adingin deihhuai mahmah khading a, kep cinten dingin hoihmahmah khading hi.

Valentine’s Day ading in abawl uh hih Amosu te iPhone 6 pen Pink Color ahih manin, pasal te’n deih masalo khading hi. Ahi zongin tampi bawlhetlo sese citciat uh a, leitungbup ah azuakding uh 10 bekbek bawl thimthiam se uhhi.

Special Edition acihmah bangin amanzong tawm hetlo hi. Khatciang in £1,899 tawh zuakding ci uh a, US$ tawh hileh $2800 bang amanding himawk hi. Tampi mansak uh a, Unique ngiat ahih manin tammansak uh a, tuahang in tampi bawlkhialo in 10 bekbek bawlpah uhhi.

Mihau te aleinuam hong kituhtuh lailaiding uh a, aleikha te’n leitungbup ah hongki sialhpih mahmah laidepding uhhi. Mihau pawlkhat te leh mi pawlkhat te’n thupi asak uhpen leitung ah akhelkhelpeuh himailel a, haivai cihnop dekdekphial in ommai hi. ZD Sawltak