USA, Georgia sanginn huangsung ah sangnaupang khat palik te’n kaplum

USA, Georgia sanginn huangsung ah sangnaupang khat palik te’n kaplum

USA, Georgia State sung aom sanghuangsung khatah Campus Police Officer khatin mikhat akaplupna Video pen Social Media tungah ki thehzak hi. Tua kaplup athuakpa pen “Gay and Transgender Group” te ii President khat ci a, Sunday ni in Georgia Tech Dormitory sungah thupiang ahihi.

Tua sangnaupang makaipa akikaplup madiak leh akikaplup laitak Cellphone tawh Video kizaihkha hi. Tua Video sungah sangnaupangpa pen temta atawi hding in ki ummawh a, Police Officers te’n thautawh angim laitak “hong kap in” ci’n otsan in, nehpheiphei ahih manin, Police Officer khatinzong tamvei khitciangin kaptakpi pahhi.

Tua akikaplum pen Scout Schultz kici kum 21 aphakhin khat hi a, akikapna liamma tawh Local Hospital khatah sisuakpah hi ci’n Georgia Bureau of Investigation te’n Statement ah khahkhia uhhi. Police Officer pa’n thautawh khatveibek akap ci a, hihvai tawh kisai in thunei te’n kanciansan uh kici hi.

Sanginn huangsung, sangnaupang te omna Dormitory gei ah thupiang hi a, sangnaupang tampitak ii muhtang ah akikaplum ahih manin, banghangin palik te’n tuabang in asihzawh nading in kappahhiam cih thudotna tammahmah cihi.

The Atlanta Journal-Constitution te’n tua sangnaupang ii anu tawh Interview bawl uh a, anu inzong banghangin Police te’n katapa asihtheih nadingin thautang tawh nakappahliang uhhiam? Pepper Spray, Tasers cihbangdan Nonlethal Force khawng zangphotlo uhhiam ci’n anu in dotna neipah hi.

Video: US university cops shoot dead LGBT student leader; video goes viral

University Spokesman khatin agenkhiatna ah Georgia Tech Campus Police te’n Tasers pualo uhhi a, ahi zongin Pepper Spray bel pua uhhi. Ahi zongin hih Campus Police tepen hoihtak in Mental illness te bangci hopihding cih akihilh hileh hih sangnaupang in sihlawh loding hi ci’n Lawyer khatin genkhia hi.

Hih sangnaupang pen lungsimnatna, lungkiat mahmahna Depression aneikhat kici a, abeisa inzong amahleh amah ki thahlupsawm ngei cihi.

Related: Sangnaupang numei kum 16 aphakhin khat amahleh amah ki khailum

Police Officers te’nzong akaptukpah hisamlo a, tamveipi nakhutsung ah natawi hiamte khiasuk in ci’n thupia uhhi. Ahi zongin tua sangnaupang in akhutsung ah atawi hiampen khianuamlo in, palik te nehpheipheizaw behlap a, hongkaplum lel in ci’n otsan sawnsawn hi. Tuaciang in Police Officer khatin akaptuk ci a, akaptuk palikpa minpen ki pulakkhialo cih kiza hi. Sawltak #zomidaily