Laizom sanggam teng,
Kawlgam pan Pasian nasem Siamah Ngai Ngaih Ciin , Kalaymyo Zomi Theological Seminary a Lecturer fulltime leh Director of Bethel Nursery School pen Yangon panin Louisville , Kentucky Lamzuan in hongzin pen Jan 12 sun nai 12:25 hunin Chicago International Airport hongtung hi.
Tulaitak gamdang passport tawiteng nasia takin a check laitak nahi in, Siamah Ciinpi zong Immigration te leh custom ten thudotna leh avan puakte na en uha, avan sungah ama theihloh in akikhak Innkuan lai tuamtuam te na om ahih manin tuatawh sun thapai thudotna nei uha, atawpna ah Conference kahding bek nahia, ahizongin akisam lo lai pua nahih man in ci -in Jan 13 ni in Kawlgam napuakkik ta uhhi.
Zomi Pasian nasem te sungah hihbang tuahsiatna izak ciangin ikipuak pih mahmah hi.
Mailam ah phawk huai mahmah thu te:
1- Akisam lo van leh laite ivan ah akihel lohding thupi mahmah hi.
2- I van puak aomleh hongkhak te leh angah ding te kician takin itheih sinsen kul tuak hi.
3- Thukhual luatna hangin hamsatna ituah ciangin khasiat huai mahmahhi.
USA hongzuan ding peuh in hih thu te hongthei khol mahmah un.
Siamah Ciinpi pen tulaitak in nasepna maban zomdingin Kalaymyo tungkik ta hi. Thungetna tawh panpih ciat ni. Mailam ah cidam in US hongtun kik theihna dingin thungetsak ciat ni.
Abeiding teng beikhin ta a, ahizongin itupna itun theilh pen ana mahmah thu ahihi. Biakna kampau leng bel Topa geelna khat omding hi.
Thungetpihna tawh,
Sia Pau Khai.
Louisville,Kentucky.
Jan 21.
Mang Khup says
Zomite’ pil nading Siama Ciinpi Pasian in a zang pak hi a, mailam ah a ut leh hong pai thei lai veve ding hi, cih lungmuanna nei hang. Mailam ah US bek hilo khualzinna khempeuh ah Kawlgam ih lut kik zongin ki dop huai ahihna warning hong pia a suak hi in, Siama nu dong tuahna pen Zomi khempeuh aading a, pil huai ahi hi. Eimi bek hilo nam dangte zong tu sawng teng tuak uh hi.