USA, California sungah vanleng kia, mi 5 si

USA, California sungah vanleng kia, mi 5 si

USA, Southern California sungah Monday nitaklam in vanleng aneute khat kia ahih manin, mi 4 si a, adang mi 5 te kimuzo nailo, mangcip uh cih AFP News pan kiza hi. Mi teenna Residential House inntungah akia hi a, innnih dengkha cihi.

Akia vanlengneu pen Cessna 310 Aircraft namte hi a, Los Angeles nisuahnalam Riverside Municipal Airport panin tailang khawng agamlatna ah akia ahihi. Akiatna ahangpen kitheician nailo hi ci’n Federal Aviation Administration spokesman Ian Gregor in genkhia hi.

Vanleng akiat hunlian pen nitaklam 4:40pm (Local Time) hunpawl cihi.

City’s Fire chief Michael Moore in agenkhiatna ah vanleng tungah mi 5 atuang ci a, akiat ciangin inn nih dengsukkha in, vanlengzong phelnih kisuah cihi. Adenkhak inn 2 te sungahzong mi aom laitak cisawnsawn hi.

Vanleng sungah atuang mi 5 lakpan in numeino khatbek suakta a, Aircraft sungpan in ki honkhiaman cihi. Adangte’n asihsan hangin amahlian pen liam ngawhna ahuaisiapi omlo cibilbel hi.

Inn adenkhak te lakah khatzong meikuanggawp in, lauhuai mahmah cihi. Mi 5 bang mangthangcip ahih manin, ki zonsan laitak cihzong thunei khatin genkhia hi.

More: Australia, Melbourne ah vanleng khat Shopping Mall tungah kia, mi 5 si

Hih vanleng pen Riverside panin San Jose lam zuanin alengkhia cih kiza hi. Athu akicianzaw in zakbehna aomleh Update kik ni. ZD Sawltak #zomidaily