USA ah state khat pan state khat ah a LAL nuam te thei ding thu

USA ah state khat pan state khat ah a LAL nuam te thei ding thu

USA itunkhit ciang in, inn sap tawm, nasep tam, khua hun hoih, Naupang te sangkah na ding a hoih na mun ah ki tai kik ngeingai hi. Tu laitak bang in ko om na Bowling Green, Kentucky state ah hong ki Lal ngeingai laitak a hihi.

USA ah state khat pan state khat ah Lal a sawm peuhmah in i Lal ding teh,

1. I om om na khua pan in Food stamp i ne a, i ne kei zong in FOOD STAMP ne non lo hi cih ေထာက္ခံစာ lak teitei ding ki sam hi. Tua lo tawh state dang khat i tun ciang in FOOD STAMP ki seu kik thei lo hi.

2. Tua ban ah companny ah nasem khin sa te in a nunung pen a, i Kha sum san na Pay check i puak kei leh a tua hong kalh ngekngek uh hi. Hi te gel om lo in, FOOD STAMP ki seu kik thei lo hi. Mi tampi tak in thei lo uh a hih man in a state thak ah, tawlpi khat buai mahmah mawk uh hi.

3. Inn စာခ် ုပ္ sung ah na min a ki hel kei leh na driver lisense te ki khel thei lo in nasep zong ki seu thei non lo a hih man inn စာခ် ုပ္ sung ah inn kuan pha zahzah min i gelh ding thupi mahmah hi. A zenzen in nungak, tangval khat state khat pan state khat ah a LAL leh a zintun na a innteek te inn kuan sung ah a min a guan pak ding ki sam hi. A min a om kei mawk leh a tua State mi, suak thei lo a hih manin a ID khek thei lo in a maban zom thei non lo uh hi.

Kei zong kua mah in hih thu hong gen lo a hih man in Kentucky state katun cil lam in ka buai mahmah ngei hi.

Deih sak na tawh,

Sya Kappi

Christian Literature Ministry & Video Ministry
104 woodmont Ave, Apt B8
Bowling Green, Kentucky state, KY 42101
USA
www.clmus.webs.com
Tel : 913-202-9461