USA ah Kawlgammi khat mawtaw Accident in si

USA ah Kawlgammi khat mawtaw Accident in si

USA, Maryland State sung aom Howard County sungah Biik Chong kicipa mawtaw Accident in si cih ABC News pan kiza hi. Tua Biik Chong akicipen Kawlgam, Chin State sung aom Kawlgammi khat ahihlam CCUSA DC Area te Facebook tungpan ki theisawn hi.

Athupianzia pen Monday ni zingsanglam in Maryland State Police te’n mawtaw khat hat hawllua ahih manin, akhawlsaksawm uhleh khawlnuamlo in phengtaigawp hi. Tuaciang in Maryland State Trooper te’nzong tua mawtaw delhin aki zuihzuih laitak in Biik Chong ii mawtaw hawltawh ki phukha uh a, Biik Chong kici Kawlgammipa in asihlawh citciat ahihi.

Tua ataihkha mawtaw zong Police te’n mankhin uh a, mawtaw sungah Xanax Pills kici guihtheih zatui tang 120 khawng mukhia sawnsawn uh ahih manin, Drug Violations tawhzong thong kiatlawhtheiding uh cihi.

Police te genna ah Biik Chong kicipa pen kum 26 bek hipan a, Monday ni zingsang 1am hunpawl in Accident apianna mun Route 103 ah aphual ah sipah cih genkhia uhhi.

Biik Chong pen Fast Food Restaurant khat ii Parking Lot panin Westbound 103 lamah apusuak hi a, tualaitak in Police te delh mawtaw pen Red Light ah khawllo in Biik Chong mawtaw tawh aki phukha cihi.

Biik Chong tawh atuangkhawm Nawng Kung Lian kicipazong liam cih kiza hi. Nawng Kung Lian pen kum 44 phakhin hi.

More: US in Yemen ah Al-Qaeda tawh kipawlte omna buluhin mi 30 si

Police te delh mawtaw ahawlpa pen Diaz-Valle kici minneikhat hi a, kum 18 bek hipan hi. Hihpa in Honda Accord mawtaw khat naikhatsung in 55 mph hatnatawh hawlnading Zone sungah 70 mph tawh hattakin atailam Traffic Police te’n atheih uhciang in delh uh a, khawlnuamlo in taikekgawp in anunung in Biik Chong kicipa in asihlawh himawk hi. ZD Sawltak #zomidaily