Kammal kilawm pawlkhat (azom 01 August)

Kammal kilawm pawlkhat

I kha thanem ahih manin Pasian pelh ding hi lo a, i khanem ahih manin Pasian belh ding ahi hi.

Ngia hi napi-in, Tuu vun silh kitam a,Tahum hi napi-in, taang lakah a po nuam kitam hi.

A tawntungin hoih zo lo i hih manin, i hoih zawh nading kisin tawntung ding hi pah hi.

Mawh lua khial lua kisa-in, Pasian in kei bang lel hong it lai zen tam maw, i cih laitak hun pen Pasian in hong it penpen hun laitak hi gige hi. Pasian’ maisak nopna pen mawhna khialhna tam maw tawm cihte tungah kinga lo zaw a, a ki tamzan’ lungtang leh a kisikkik nuntakna tungah kinga zaw hi.

I khut nin-in a siangtho’ loh ciangin, deih bangin i zat ngam loh mah bangin, i lungsim leh i gamtatnate siangtho loin, a nit leh, Pasian in a ma deih bangin hong zangh thei lo hi.

Nangma dinmun leh nangma pianzia taktak,nang leh nang na kitel nak leh na utut-in,na pau ngam kei ding hi. Eima dinmun leh eima pianzia tak tak kitel lo pi-a,mawk paupauna pen haina kilatna hi-a,tua bangin,na om khak zenzen leh midangte’ upna leh muannate ngah thei/zo ngei lo ding na hihna phawk gige in!

I Kha thahatpen lai takin Topa’n hong itin, hong pakta mahmah a, i kha thanem mahmah lai tak na ngawnin zong, Topa’n hong it veve-in, hong pampaih tuan hetlo hi. Abei thei lo leh a kikheel ngei lo itna tawh hong it eite’ biak Pasian khat bek om hi.

Pasian ading ahih nak leh, i omna peuhpeuhah ihih theihna bangbang tawh ma pangin kipiakhia lel hi. Minam, Pawlpi leh tanau vai tawh kalsuanin biakpiakna sungah deidan’ i neih lai teng Pasian’ hoihna taktak mu thei ngei lo hi hang.

Ki lamdan’na a om lo pianthakna pen, ki tuhtuh napi-in a pokhia thei lo khaici tawh kibang hi. Ki tuhthuh napi-in a pokhia thei lo khaici pen a bangci khaici nam cih i thei hi.

Khazih sungah,
David Tuang