US Ohio State sung aom Night Club khatah thau kikapna piang in mi 1 si, 14 liam
US, Wisconsin State sungah Wednesday ni in thautawh kikapna thubuaikhat piangin mi 4 in sihlawh cih Fox News pan kiza hi. Asi lakah Police Officer khat kihel ci a, Bank sungah kinialna panin thubuai apiang hiding kici hi.
Everest Metro Police Chief Wally Sparks in News Conference ah agenkhiatna ah aliam Officer pen ama Department ah nasem khat ahihlam genkhia a, thautawh akappa zong kimankhin cihi. Ahi zongin Wally Sparks in amami asi Officer pa min leh adang asi mi 3 te minpen bangmah genkhiatna neinailo hi.
Brief News Conference ahih mahbangin bangmah thu kidot hun omsaklo uh a, ahi zongin khuasung mipi te adingin bangmah lauhuai nawnlo hi ci’n thunei te’n genkhia uhhi.
Hong sihsan te leh a innkuanpih te naphawk un. Thungetna ah nahelsak un ci’n Wally Sparks in genbeh hi.
Department of Justice’s Division of Criminal Investigation panin Deputy Administrator Jason Smith in agenkhiatna ah hihvai tawh kisai in Officers 100 val in athu ki sitcian, kancian a, thulehla akicingzaw in Thursday ni in hongki pulakkhia kikding hi ci’n genkhia hi.
Hih Wisconsin Shooting pen Bank sung, Law Firm sung, Apartment Complex sung cihtengah akikapgawp hi a, thautawipa leh Police Officer, SWAT Team tetawh tawlkhatsung kilehkaptuak cihi. Nai tampisung akikapkhit ciangin nitaklam 5pm hunpawl in kikapna vengpan cihi.
Apartment Complex sungah aom numei khat ii genna ah 1:15pm hunpawl in Apartment kongkhakpan ka etsukleh Squad Car hongpaiphei in, tuazawh asawtlo in thau kikapna ging kiza a, Officer khat tuksuk cihi.
More: USA, California State sung khuahun siagawp in, mi 4 sikhin
Tua aliam Officer pen SWAT Vehicle tawh asawtlo in kipuakhia kamu hi ci’n Kelly Hanson akici kum 21 apha khatin genkhia hi. Nitaklam 1:15pm hunpan in thau kikapna akipan pen nitaklam 5pm hunciangin mansiangpan cih kiza hi. ZD Sawltak #zomidaily
Comment piaknop aomleh...