US, Texas ah mawtaw nih kimai phutkha, mi 12 si in 3 liam

US, Texas ah mawtaw nih kimai phutkha, mi 12 si in 3 liam

US, Texas State sungah Wednesday ni in mawtaw nih ki maiphutkhak uh ahih manin mi 12 si in, adangzong mi 3 bang liam cih Fox News pan kiza hi. Tua akiphukha mawtaw nihte lakah khatpen biakinn mawtaw Church Bus hi a, Southwest Texas ah Pickup Truck mawtaw khattawh aki phukha ahihi.

Texas Department of Public Safety panin Sgt. Conrad Hein in hih buaina Accident pen 12;30pm (local time0 in apiang hi a, San Antonio panin 75 Miles bang agamlatna, Garner State Park geinai ah atuahsia cihi.

Misi pen 12 cihpen kician a, ahi zongin koi mawtaw tungpan bangzah si cihpen ki gencian theinailo cihi. Church Van tungah mi 14 atuang hi a, Pickup Truck tungah ahawlpa bek atuang ahihi. Akigawm in hih mawtaw nihte ah atuangpen mi 15 hi a, tualak ah mi 12 si in mi 3 aliam ahihi.

Mawtaw nihte pen kimaiphut in, ki limphutkhak mahmah uh ahih manin, mawtaw amailam zangawpliang hi. Akiim apam tengah ninthem kilawngawp in silehnai tawh mulkimhuai mahmah hi.

Rick Ballesteros kici ii genna ah Accident apianna phual ah kavadelh a, Church Bus tungah atuangte pen kumtamkhin Older Passenger vive hizaw uhhi ci’n KABB/WOAI-TV te tungah genkhia hi.

Texas, New Braunfels aom “First Baptist New Braunfels” kici biakinn te’nzong amau ii Facebook tungtawn in lai gelhkhia uh a, hih tuahsiatna ah akihel khempeuh adingin thungetna ah phawkciatni ci’n pulakkhia uhhi.

Church Pastor Brad McLean ii genkhiatna ah atuahsia Church Van tungah atuangte pen Choir Retreat aneih laitak uh hi a, Conference Center leh Alto Frio Baptist Camp kikal akawmlaitak un atuahsia cihi.

More: US Texas ah lamzikpi kuavang piangin mi 2 kia, khat si

Choir Retreat neihkawm in, lasak sinkawm in Bible Study zong neikawm uhhi. Airlife Representative khat ii genna ah mi nih pen University Hospital ah kipuak cih kiza hi. Texas aom Zomi te akihel khaloding in lamen hang. ZD Sawltak #zomidaily