US, Tennessee ah vanlengneu khat kia, mi 3 tuang in avek un si

US, Tennessee ah vanlengneu khat kia, mi 3 tuang in avek un si

US gamsung Eastern Tennessee aom mualdawn khatah vanlengneu khat kia in, atungah atuang mi 3 te avekin asuakta omlo in si uh cih Fox News pan kiza hi.

Hih vanleng pen “Great Smoky Mountains National Park” kicihna munteng ah Tuesday ni nitaklam 4:45pm hunpawl in akiatlam Tennessee Army National Guard te muhkhiat uh cihi. National Park Service te genkhiatna ah hih vanleng tungah atuangpen mi 3 hi a, kum 41 aphakhin David Starling, kum 42 aphakhin Kim Smith leh kum 8 bek aphapan Hunter Starling te ahi uh cihi. Hihtengthum pen avek un Bradford County, Florida pan cihzong kiza hi.

Vanlengkia pen Cessna 182 Aircraft hi a, Gatlinburg-Pigeon Forge Airport lam zuanin Monday ni alengkhia ci a, tuapan in amangcip ahihi.

Federal Aviation Administration te genna ah hih vanlengneu pen atungnading munah atunhunding in atunloh ciangin amaukiang ah kizasak in, huhna ngen uh cihi.

More: India kumpi in Statue of Liberty sanga sangzaw bawlsawm

Hih tuahsiatna panin aluanghawm te Wednesday ni ciangin aphualpan ki lakhia theipanding a, ami te hoihtak sitcianna neiding cih kiza hi. ZD Sawltak #zomidaily