US te Blacklist Hotel ah US Secretary of State John Kerry giak

US te Blacklist Hotel ah US Secretary of State John Kerry giak

US te’n Blacklist sungah akoihpa neihsa Hotel mahah Kawlgam azinpak ahi US Secretary of State John Kerry tungloh phamawh ahih manin, tunkul giahkul ci citciat hi.

Ahang ahihleh Kawlgam ah sumnei mihau tepen galkap kumpi tawh akizom vive himawk a, tuabang mahin Kawlgam sung aom Hotel hoihnono te leh High Class Hotel tezong galkap kumpi tawh akipawlkhawm tebek in neizo uhhi.

Abeisa kalsung in US Secretary of State John Kerry pen Kawlgam ah Southeast Asian Foreign Ministers ki muhkhopna ah akihel hi a, Naypyidaw atun ciangin Lake Garden Hotel ah tunghi. Hih Lake Garden Hotel neipa pen US kumpi in Blacklist sungah akoih ahi Max Myanmar Group te mihaupipa Tycoon Zaw Zaw ii neihsa Hotel ahihi.

Hihvai tawh kisai pawlkhat te’n John Kerry mawhsakna nei uh a, ahi zongin U.S. State Department Spokeswoman Jen Psaki in hihvai tawh kisai John Kerry mawhna, khialhna omlo hi ci’n Tuesday ni in genkhia hi.

Banghanghiam cihleh Myanmar’s Foreign Ministry te’n Southeast Asian Foreign Ministers ah Delegation khempeuh Lake Garden Hotel ah tunding in nagel uh ahihman ahihi. ZD Sawltak