University sangnaupang numei khatin Underwear bektawh Thesis Presentation bawl

University sangnaupang numei khatin Underwear bektawh Thesis Presentation bawl

Cornell University ah akah sangnaupang numei khatin Thesis Presentation abawl laitak in, apuansilhteng suahkhia in, Underwear bektawh Presentation pia cih Huffington Post pan kiza hi. Tua sangnaupangnu aminpen Letitia Chai kici a, laihilh Professor in apuansilh tawh kisai in paupih ahih manin, amahzong alungkimlo in asuahkhia ahihi.

Letitia Chai pen Cornell University ah kum 4 akahna hita hi. Abeisa in Classroom sungah mi 50 dektak atutlaitak Thesis Presentation bawlin, tuakawm in apuansilh leh anikbawk asuahkhia ahihi. Tuabangin asuahkhiat laitak Facebook Live in khahkhia sawnsawn hi.

Letitia Chai pen Thesis Presentation abawlma in Professor tawh kisinna “trial run” neimasa hi. Tuabangin aneihhun laitak in Professor in apuansilh tungtawnin paupih a, hihbangdan in Thesis Presentation bawlding nahiam, na nikbawkzong tomlua mahmah ci’n apaupihna tungtawnin lungkimlo ahihi.

Tuahangin Thesis Presentation abawl taktak ciangin Classroom sung mipi mai ah athu genkawmkawm, kapkawmkawm, khitui luangkawmkawm in apuansilh leh anikbawk te suahkhia in, Underwear bektawh Thesis Presentation abawl ahihi.

The Cornell Sun te pulakna ah Letitia Chai in Thesis Presentation abawllaitak in Classroom sungah mipi akigawm in mi 44 atu hi a, tualak ah mi 28 te’nzong ama gamtatdan lianin apuan leh nikbawk te suahkhai in, panpihna lakkhia uh cihi.

Video: A CORNELL University student delivered her honours thesis in her underwear after her professor questioned her attire during a trial run. She then got 28 of the 44 people attending the final presentation to remove their clothes in protest on May 12

Hih thupiang pen abeisa kalsung in thupiang himahleh Thursday ni akipan National News ah ki suahkhia in, tuazawh ciangin leitungbup Media minthang tuamtuamte ah hongkizel kawikawi hi.

Letitia Chai pen Asian gammikhat hi a, Professor asemnu pen mikang numei “White Woman” khat kici hi. Letitia Chai ii Thesis Presentation aminpen “Acting in Public: Performance in Everyday Life” ahihi. Professor Rebekah Maggor in sangnaupangnu ii puansilh Outfit banghangin tuabangin silhdingin teelnahiam cihtawh aki khasiasak uh ahihi.

Letitia Chai ii puansilhpen abansau, bilpak anei Long-sleeve button-down Shirt khat hi a, anikbawk pen Jean Cutoff atompiankhat ahihi. Ama genkhiatna ah Professor nu in napuansilh hihbangtawh Thesis Presentation bawlding nahiam? Na Jean nikbawk pen tomlua mahmah a, Classroom sung aom pasal te’n na thugen ngailo in, na pumpi hong etetding uh ut nahiam ci’n hong paupih cihi.

More: Guaktangphial in Waitress asemkhat Facebook tungah ki mawhsak mahmah

Classroom sung mipi maiah tuabangin hongcihpen nopmawh kasa mahmah cihi. Tuahangin lungphona, lungkimloh lahna in Thesis Presentation abawl taktak ciangin apuansilh leh anikbawk asuahkhiaziau ahihi. Tuasangin ki hehsakzaw khalaileh bel….. Sawltak #zomidaily