US States Senate in Obama Health Care beisak nading genta

US States Senate in Obama Health Care beisak nading genta

Jan. 14, 2017: United States Senate ten Thursday zingsangin President Barack Obama’s health care law “ObamaCare” manlang takin a kiphelkhiat (dismantle) theihna ding genna (passed measure) nei ta uh a, Kentucky Republicans leh Senate Majority Leader Mitch McConnell in American mite tungah manlang takin huhna, vehna (relief) piak pah ding kisam hi ci hi.

Obama’s health care law phiatna dingin Friday (US standard time) in US House in vote khiatna nei ding uh a, ahih hangin Republicans makai pawl khat ten bang tawh laih ding hiam cih geelna hoih nei nai lo uh hi kici hi.

Trump in bel Tuesday in news conference a neihna ah Obamcare kilaih dinga, gammite cidamna ding thukham (legislation) hoihzaw tawh kilaih ding hn ci-in kimuang takin gen phuatphuat hi. “Obamacare kiphiat in kilaih (repeal and replace) dinga, hih thu pen haksa mahmah hi. Kiphiat dinga, a kiphiat ciangin kilaih pah ding hi,” ci-in news reporter-te kiangah gen hi.

Senate ah Republicans member 52 pha a, Democrats member 48 pha hi. 2010 in health insurance law in Americans mi a zawng diakte phattuammna ding 20 millions tungah dollar billions tampi zangin Medicaid health program a piak hi a, Republican ten hih pen 2010, 2014 leh 2016 in a dal hangun na dal zo lo uh hi.

Obamacare phiatna dingin Thursday in Senate procedural vote in special budget rules kici bawl a, a kiphiat theihna ding Senate member 100 ten simple majority vote kici 60 kisam hi. Republicans ten hih Obamacare a phiat zawhna dingun vote 60 kisam uh ahih manin Democratic-te huhna kisam uh cihna suak hi. Source: The Hindu/ Thang Khan Lian