US leh UK zuanding vanleng sungah Handphone sangin agolzaw Electronic vante zat kiphallo
Middle Eastern leh North African gam pawlkhat panin United States leh Britain gamsung alutding vanleng sungah Handphone sangin agolzaw Electronic vante zat kiphal nawnlo ci’n tangkona keinei hi. Vanleng sungah zat kiphallo cih hibek a, puak kiphallo cih hilo hi.
Checkin bawlding Luggage sungah koihin ki puatheilai veve a, ahi zongin vangleng Cabin sungah zat kiphallo, puak kiphallo cih ahihi. Khualzinzin Travellers te’n Laptops, Tables, Game Consoles cihbang Electronic Devices tepen akennopleh Checkin bawlding Luggage sungah koihkulta hi. Vanleng Cabin sungah tuate zatding puakding kiphallo nawnlo hi.
Handphone ahih keileh Mobile Phone veve lakah Average-size ahih keileh Normal-size in aciapteh uhpen 16cm Length, 9.3cm Width, 1.5cm Thick cihbangdan ahihi. Tuasangin agolzaw Electronic Devices khatpeuhpeuh pen US leh Britain in amaugam azuanding vanleng sungah zatkhuan pianawnlo uhhi.
Zatkhuan apiaklohpen gamkhempeuh hilo a, anuai a gamte panin US leh Britain alutding vanlengtebek ahihi.
US gamin aphalloh pen anuai a gam 8 sung aom Airport 10 te ahihi.
Vanlengtual min leh agam min:
- Mohammed V International, Casablanca, Morocco
- Ataturk Airport, Istanbul, Turkey
- Cairo International Airport, Egypt
- Queen Alia International, Amman, Jordan
- King Abdulaziz International, Jeddah, Saudi Arabia
- King Khalid International, Riyadh, Saudi Arabia
- Kuwait International Airport
- Hamad International, Doha, Qatar
- Abu Dhabi International, United Arab Emirates
- Dubai International, United Arab Emirates
British te’n aphalloh pen akigawm in gam 6 hi a, Egypt, Jordan, Lebanon, Saudi Arabia, Tunisia, Turkey gamsung aom Airport khempeuh panin phallo uhhi.
Airlines mintawh US in akhamcip pen Airlines 9 phasak uh a, tuate pen Royal Jordanian, EgyptAir, Turkish Airlines, Saudi Airlines, Kuwait Airways, Royal Air Maroc, Qatar Airways, Emirates, Etihad Airways ahihi.
British in akhamcip Airlines lakah British Airlines 6 kihel a, tuate pen British Airways, EasyJet, Jet2.com, Monarch, Thomas Cook, Thomson cihteng ahihi. Tuabek thamlo gamdang vanleng 8 zong phallo uh a, tuate lakah Egyptair, Royal Jordanian, Tunis Air, Turkish Airlines cihteng kihel ci hi.
Hihbangin vanleng sungah Electronic Devices zat aphallohna pen vanleng sungah migilo te’n ngongtatna aneih theihlohnading ngimna ahihi.
More: Samsung S7 Edge pen “Best Smartphone of 2016” in ki ciamteh
Hihbangdan in vanleng sungah Electronic Devices zatkhuan piaklohpen Canada leh France gamte’nzong hoihsa uh a, amauzong khamna neihding ngaihsutna nei uhhi. Ahi zongin Germany, Australia, New Zealand cih gamte’n tuabangin khamcipna neihdingpen ngaihsutna omnailo ci uhhi. Khamcip athuak gamte panin US leh UK azuanding peuhmah in theihhuai hi. ZD Sawltak #zomidaily
Comment piaknop aomleh...