US gamsung ah January khakhat sungin nasepthak 200,000 ki behlap

US gamsung ah January khakhat sungin nasepthak 200,000 ki behlap

US Job Creation pen January khasung in khangto mahmah a, January khakhatsung bekbek inzong nasepthak “New Job” akigawm in 200,000 bang ki behlap hi ci’n kumpi thunei te’n Friday ni in pulakkhia uhhi. Hihbangin nasep tampi akibehlapna hangin nasepneilo “Unemployment Rate” zong abeisa kumte sangin kiamtuam mahmah hi.

US Labor Department te pulakna ah January khakhatsung bekbekin nasepthak “New Position” akigawm in 200,000 ki behlap hi. Hihpen upmawhna sangin tamzaw a, Construction, Retail, Restaurants, Health Care cihbang atuamtuam ah nasepthak aki behlap ahihi ci’n pulakkhia uhhi.

January khasung nasepthak aki behlapding aki lamen “Forecast” pen 180,000 hi a, ahi zongin tuasangin tamzaw in, 200,000 aki behlap ahihi.

Tuciangciang nasepneilo “Unemployment Rate” pen 4.1% hilai a, hihbangin nasepneilo 4.1% dongah akiamsuk pen kha 4 sung akizom hita hi.

Naitha “Hourly Wages” zong 0.3% bang khangtozaw kici hi. Abeisa khasung in Hour Wages pen US$26.74 hi a, tuapanin 0.3% bang khangtozawta cihi.

Hihbangin nasepthak (New Position) aki behlapte lakah Construction Sector sungah 36,000 ki behlap hi. Restaurants leh Bars te ahzong nasepthak (New Position) 31,000 bang ki behlap hi.

Health Care lamsang ahzong nasepthak (New Position) 21,000 bang ki behlap hi.

Nasepneilo “Unemployment Rate” kiam cihciangin nasep aneilo tawmsemsem in, mi tampi in nasep neiciat uh cihna ahihi. Ahi zongin African-Americans te sungah nasepneilo “Unemployment Rate” pen tuazahpi in kiamlua khollo kici hi. (Nasem nuamlo, nasep thadah, huhna bekbek lamen cihtepawl ahikhadiam, tuasung ah ihki helkhak lohding thupi dinghi)

Donald Trump in US gamsung ah President akidem laitak in nasep tampi ka piangsakding hi ci’n akamciam ahihi. Decade khatsung, kum 10 sungin nasepthak (New Job) akigawm in 25 Million ahih keileh khakhat in 200,000 val nasepthak kaki behlapsak dinghi ci’n akamciam ahihi.

US gamsung atungsa Zomi te’n nasep hoih, khasum naitha tampipi hongngahleh Zogam sunga aomlai te’nzong anoptuam ahihi.

More: Donald Trump in cimawh dongtuak te ama ipsungpan $1 million piakhia

Refugee tawh kisawh khakeng ci’n apaulanlan Zomi makai, Pastor, Sia nengneng pawlkhat te’n asum ngahna, a Love Gift ngahna, Sehsuah aki khiate, akhualzinna, azin tunna, a Crusade bawlna, akhuasung Electric meitha akibawlna sumbul, khuasung kipuahna, biakinn kilamna, Music van kileina, Sia inn kilamna, agawlvang ah atumsuk an leh tuite akipan, etc… sumbul koipan hongpaihiam ci’n hoihtak ngaihsunkha uh hileh maizumhuai mahmah khadinghi. Refugee ci’n asimmawh aneu et mahmahte ii khua ul kaisa in athalawh thiamthiamtawh aki sawhkhalo Zomi tawmmahmah khading hi. Sawltak #zomidaily