US gamsung ah nasep tampi kibehlap semsem, Unemployment Rate 4.3% ah kiamsukta
U.S. Economy in nungkha May khakhatsung bekbek in nasep 138,000 Jobs behlap sakthei cihi. May kha sangin April khasung in nasep akibehlap tamzawlai a, April khasung in nasep aki behlap pen 174,000 Jobs tak ahihi.
Nasep tampi kibehlap ahih manin, nasemlo in amawk om “Unemployment Rate” zong kiamtuam mahmahta hi. May khasung in US gamsung ah Unemployment Rate pen 4.3% ah kiamsukzo ahih manin, 2001 kum khitzawh US gamsung ah Unemployment Rate atawmpen “Lowest Level” ahihi.
Abeisa 2009 June khasung in Great Recession ci’n sumbawlna khempeuh kiamgawp ahih manin, tuahun laitak in US gamsung ah Unemployment Rate pen 10% tak ahihi.
2009 kumin Unemployment Rate pen 10% tak himahleh tu’n President Trump hong kahkhitzawh nasep tampitak guanthei ahih manin Unemployment Rate pen 4.3% dongah kiamsuk in, mi tampi in nasep neitheita uhhi.
Video etnopleh: Trump’s job creation, 100 days in
Nasep anei akibehlap semsem banah American gammi te ii nitha, naitha zongsemse cihi. Abeisa kha 12 tawh tehkakna in naitha Hourly Earnings pen 2.5% bang khangto cihi.
US gamsung ah January khapan kipanin tunidong nasep 810,000 Jobs ki guatbeh theikhin hi. February kha akipan President Trump ii makaihna khitzawh nasep vai kipulakna Jobs Report aki genkhiatna ah US gamsung ah nasep 594,000 Jobs ki behlap khin cih kiza hi. Ref: CNN Money
More: Donald Trump in President asepzawh khakhatsung in nasep 235,000 kibehlap
President Donald Trump in US gamsung ah President asepzawh khakhatsung bekbek inzong U.S. Economy ah nasep 235,000 ki behlap hi ci’n Labor Department in tukum March khasung in genkhia ngei hi. ZD Sawltak #zomidaily
Comment piaknop aomleh...