US gamsung ah June khasung in nasep 222,000 Jobs kibehlap

US gamsung ah June khasung in nasep 222,000 Jobs kibehlap

U.S. Economy te’n abeisa June khakhatsung bekbek in US gamsung ah 222,000 Jobs kibehlapsak uh cih CNN Money pan kiza hi. Economists te’n alam etna sangin nasep tampitak ki behlapzaw hi ci’n Friday ni in Labor Department inzong genkhia hi.

Software firm iCIMS ah Chief Economist asem ahi Josh Wright in agenna ah Job Market ah bangmah kiamna omlo hi ci’n genkhia hi. Nasep tampi kiamding in ki ummawh himahleh aki upmawhna sangin nasep tampitak kibehlap hi.

Abeisa 2009 June khasung in Great Recession ci’n sumbawlna khempeuh kiamgawp ahih manin, tuahun laitak in US gamsung ah nasep neilo Unemployment Rate pen 10% tak ahihi.

Nungkhasung in US gamsung ah nasep tampitak kibehlap leuleu ahih manin Unemployment Rate pen 4.4% bek hita hi. Nasep neilo tawmsemsem ahih manin, mikim in nasep neiciat uh a, lungdamhuai cihtheih ahihi.

US gamsung ah January khapan kipanin tunidong nasep 810,000 Jobs ki guatbeh theikhin hi. February kha akipan President Trump ii makaihna khitzawh nasep vai kipulakna Jobs Report aki genkhiatna ah US gamsung ah nasep 594,000 Jobs ki behlap khin cih kiza hi.

More: President Trump’s Washington Hotel ah pasal khat thau pawlkhat tawh kiman

President Donald Trump in US gamsung ah President asepzawh khakhatsung bekbek inzong U.S. Economy ah nasep 235,000 ki behlap hi ci’n Labor Department in tukum March khasung in genkhia ngei hi. ZD Sawltak #zomidaily