US Election update: 11:54 PM ~ Thomas Mung
~ It is not over yet.. remain too close to call…. Tukum US election ah khensatna hong pia ding states 6 te ah mee sim man nai lo in aman siang nading ni thum bang sauvei lai ding hi uh aa, CNN in belh “remain too close to call” ci hi. Tua hi aa, election pen kuan zo ding hiam kitel zo nailo ahi hi. Pu Biden in zong mipi tung thu genna nei aa, ahi zongin “ka zo ta hi” ci in taangko khia ngam nailo ahi hi.
– Arizona state ah mee taang akisim nai lo 600,000 leh Maricopa County, AZ ah 340,000 om lai ahih manin final result kilumlet thei lai ding ci uh hi. Tu ciang ciang belh Pu Biden in 50.7% leh Pu Trump in 47.9% ngah uh aa, 86% kisim khin ta ahi hi.
– Georgia state ah zong kinaih mahmah in mee tang sim ding zong tampi om lai ci uh hi. Tu ciang ciang Pu Trump in 0.7% bek tawh makaih aa, final result zong kilum let thei hi.
– Wisconsin ah mee pia thei sang atam zaw in mee kipia ahih manin mee kigu hi ci in Pu Trump lam ten genkhia uh aa, meetang sim kik ding court ah lawsuit bawl ta uh hi. Arizona leh Nevada te ah zong meetang sim dan manlo ci uh aa, tua te zong court ah tun ding uh geel uh hi.
– Pennsylvania state ah tuni meetang teng kisim khin zo nailo ding ahih manin final result pen kitel zo nai lo ding hi ci in thu nei lam ten genkhia uh hi. Tu ciang ciang meetang 89% sim khin uh ta uh aa, Pu Trump in +3 points tawh makaih lai tak ahi hi.
– North Carolina ah meetang 95% kisim khin aa, Pu Trump in 1.4% tawh makaih lai ahih manin Pu Trump in zo dingin kilem en hi.
– Pu Biden in Georgia or Nevada ah hong zo hi leh electoral vote 270 cing dingaa President hong ngah ding ahi hi. Ahi zongin court kitun khin ta uh ahih manin US presidential final result pen kitel nading ni bangzah sauvei ding hiam cih kithei nawnlo hi. Tua hi aa, hih kitel pi pen man nailo bek thamlo in tun hong muhnop san pan ding ahi hi.
Tu tung kitel pi buai na apian na abulpi pen Democrats te in laito (mail) pan meetang khiat ding avaihawm na uh pan akipan hi aa, tu lai tak asim sim uh meetang te zong tua mail pan hong kikhak teng ahi hi. Pu Trump lam ten belh election ni khit mail pan hong tung meetang te pen legal nawnlo (တရားမဝင်) aa, mee kigu hong tam thei ding hi ci in court ah tun uh ahi hi.
Pawlkhat te in Pu Biden in zo ta ci in celebration khawng bawl keei uh aa, ahi zongin i Pu Biden na leeng in bangmah genkhia ngam nailo ahi hi. Ahi zongin Pu Biden in azawh ding chance belh tam zaw cih phot ding ahi hi. Tua hi aa, kitel pi final result kician tak aa akitheih dong lungduai tak in i ngak tek ding hi aa, tua ma in bangmah genkhiat gawp loh phot ding ahi hi…. Ahun zui in update to zel ni… Thomas On Sian Mung
Comment piaknop aomleh...