US Capitol ah ka ngongtat sawmmah ci’n Cornell in genkhiata

Nungkum US Capitol ah President Barack Obama in thu agenlaitak ngongtat kasawm mahhi ci’n Christopher Lee Cornell in Monday ni in amawhna ki pulak khiata hi. Christopher Lee Cornell pen US, Ohio State pan hi a, kum 22 bek hipan hi.

Hihpa pen nungkumpek panin akiman hi a, IS tetawh kipawl in US Capitol sung aom kumpi nasem te suamlupsawm cihte akiman ahihi.

Hih akimanpa ii genkhiatna ah August 2014 pain January 2015 kikal Washington ah kazinsawm a, 20 January 2015 ni President Obama in State of the Union Address agenlaitak ngongtatding kasawm cikhia tamawk hi.

Hihbang a gamtatsawmna vai tawh kumpi thunei te’n nungkum 14 January 2015 ni in amat uh hi a, Semi-automatic Riffle nih leh thautang Ammunition kual 600 valzongtawh kimankhia cihi. Tuaban ah hihpa in bangci bangin Bomb kibawlthei cihzong ana kancian mahmahkhat ahihi.

Hihpa pen kum 40 valbang thongkiading cih AFP News pan kizasawn hi. ZD Sawltak #zomidaily