US ah numeikhat utong tawh vanleng tuansawm in kiphallo

US ah numeikhat utong tawh vanleng tuansawm in kiphallo

US gamsung muntuamtuam ah vanleng tawh azin kawikawisawm numei khatin utong “Peacock” puaksawm ahih manin, thunei te’n phallo uh cih AFP pan kiza hi. Tua numeinu pen New York khuapisung aom manzaihsiam Photographer leh Artist Ventiko akici khat ahihi.

A vanleng zuihsawm pen United Airlines hi a, vanleng sungah atonpihsawm utong “Peacock” ading inzong Flight Ticket aleisa cihi.

Abeisa Sunday ni in New Jersey’s Newark Liberty International Airport panin Los Angeles City zuanin Peacock tawh khual azinsawm ahihi.

United Airlines thunei te’n cidamna leh bitna “Health and Safety” tawh kituaklo hi ci’n tua utong apuaksawm numeinu pen vanleng tungah kahsaklo uhhi.

United Airlines spokesperson Andrea Hiller in agenna ah hihbang in vanleng sungah Peacock puaksawm pen Guidelines tuamtuamtawh kituaklo hi, Size leh Weight tezong Guideline tawh kituaklo hi ci’n genkhia hi.

Hih numeinu in abeisa inzong hih utong tawh vanleng zangin khualzinsawm ngei a, New York khuapisung aom John F Kennedy International Airport ahzong kiphallo in, ki lehsakkik ngei cihi.

More: Zawhngeu khat temta tawh satgawp ahih manin, kum 7 thong kiading

Spokesperson in agenbehna ah tua numeinu pen Ticket aleiman tezong ki piakik in, tuaban ah Hotel ah aciahkik nadingin Taxi saap zong kipiathuah hi ci’n genkhia hi. Tua numeinu in banghang in utong tawh vanlengzui in khualzinsawm ahiam cih akidot ciangin “emotional support” dingin atonpihsawm kici hi. Tulai leitung mihingte ukdan, updan zong atuamtuam….. Sawltak #zomidaily