US ah naupang kum 5 aphapan khat kum 17 khatin apaang betsakgawp
USA, South Carolina State sung om Bamberg City ah sangnaupang kum 5 aphapan khat kum 17 aphakhin khatin apaang beksakgawp ahih manin abetna sangawp lianghi. Hih thupen August 25 ni in thupiang hi a, sangnaupang te sang atuah ciangin School Bus tawh aciahlam in mawtaw sungah thupiang ahihi.
School Bus tungah Video kithuah in tuasung na naki Record kha citciat ahih manin tuapan in aki theikhiapan cihi. Police te genkhiatna ah tua apaang abetsakpa pen High School sangnaupang hita a, sangtuah ciangin hih Bus tungah nazui cihi.
Video Record aki etkik ciangin tuapa in agei atu sangnaupang khat ii akhut lenphei in tuatawh hih kum 5 aphapan numeino Jazmyn Peters ii apaang bekpheisak gawp hi.
Jazmyn Peters ii apa in naupangno apaang sangawp amuh ciangin athu kankhia a, atanu ii apaang akibetsaklam atheih ciangin hehmahmah leh khasia mahmah hi. Tua apaang abetsakpa in agei atu naupang kiangah abengding in sawlmasa a, nabet keileh kengbengding hi’ng ci’n akhutla in abetpheisak kici hi.
Video Record sungah akimuhdan ahihleh apaang ataklam abetsak hi a, ahi zongin kibetna khutma pen Photo aki khahkhia te lakah aveilam pan hongsuak hi. Ahi zongin Police te’n hihpen aki Record na pan a Screen aki lumletkhazong hitheiding ci uh a, bangbang ahi zongin tua Video sungah akimupa mah mimawh hiding kici hi.
Bangbang ahi zongin hih abetsakpa pen miginalo khat in aki ciamtehden khat hi a, sanginn ahzong thunawngkai tampi apiangsak theizel khat ahihi.
Numei naupangno ii anu leh pa te hehmahmah uh a, thu kibawlding cih kiza hi. Tuavai tawh kisai in palik thunei te’n athu ala akancian laitak uh ahihi. ZD Sawltak #zomidaily
Comment piaknop aomleh...