US ah Amtrak meilengkhat New York Penn Station ah tuahsia

US ah Amtrak meilengkhat New York Penn Station ah tuahsia

USA gamsung atai Amtrak meileng khat New York City’s Penn Station ah apei lampipan taalkhia cih Reuters pan kiza hi. Friday (March 24) zingsang Rush Hour hunlaitak in atuahsia hi a, aliam kuamah hongki Report omlo hi ci’n Rail Officials leh Local Media te’n genkhia uhhi.

Hih buaina hangin Manhattan ah meileng alutding leh apusuakding khempeuh ki khawlsakphot cihi. Amtrak te’n Statement akhahkhiatna ah atuahsia alampial meileng pen “Acela Express Train 2151” hi a, Boston panin Washington zuanin apai laitak cihi. Penn Station ah meileng lampi panin apei apialkhia cihi.

Acela Express Train 2151 kici meileng ii amailam pen meileng lampi panin apialkhiat hangin anunglam pen Platform tungah omlai hi. Tuapan in atungah atuang Passenger 248 te Platform tungah bangmah liamna omlo in ki honkhiathei cihi.

More: Philadelphia khuagei ah Amtrak meileng tuahsia, mi 2 si

Hih meileng tungah atuangkha Commuters pawlkhatte’n meileng ii apang aphutkhakna pen Photo zaihin Social Media tungah khahkhia uh a, akibutloh kampha cihding ahihi. ZD Sawltak #zomidaily